ايىپتاۋ اكتىسىنە ساي، "جاقسىباەۆ 2016-2017 جىلدارى APPORT قوسىمشاسىن جاساپ، اقتوبەلىكتەردى قارجى پيراميداسىنا تارتقان. ول جۇزدەگەن ادامنان 146 ميلليون تەڭگە اقشا جيناپ العان. ۇكىمگە ساي، ول جازاسىن قاۋىپسىزدىگى ورتاشا دەڭگەيدەگى تۇزەۋ مەكەمەسىندە وتەۋى ءتيىس.
سۋديا ۇكىم وقىپ جاتقاندا ايىپتالۋشىنىڭ جاقتاستارى سوت زالىندا شۋ شىعارىپ، ۇستەل-ورىندىقتاردى سىندىرا باستاعان. ۇكىممەن كەلىسپەگەندەر سوت عيماراتىنىڭ الدىندا دا نارازىلىقتارىن جالعاستىرعان. كەيىن نارازىلاردى جانە وقيعانى ۆيدەوعا ءتۇسىرىپ تۇرعان ازاتتىق ءتىلشىسىن پوليتسيا كۇشتەپ اۆتوبۋسقا سالىپ، الىپ كەتكەن.
"مەن سىرتتا بولعان وقيعانى ۆيدەوعا تۇسىرە باستادىم. پوليتسيا ۆيدەوعا تۇسىرمەڭىز دەدى. قىزمەت بابىمەن جۇرگەنىمدى ايتىپ، قىزمەتتىك كۋالىگىمدى كورسەتتىم. بىراق سوعان قاراماستان قولىمدى قايىرىپ، اۆتوبۋسقا سالىپ الىپ كەتتى" دەدى ازاتتىق ءتىلشىسى.
ازاتتىق ءجۋرناليسى پوليتسيا بولىمشەسىنە بارعان سوڭ ىشكى ىستەر دەپارتامەنتىنە، پروكۋراتۋراعا حابارلاسقان. كەيىن پروكۋراتۋرا وكىلى ازاتتىق تىلشىسىنە قاتەلەسىپ ۇستاعاندارىن ايتىپ، بوساتقان.
Abai.kz
