جۇما, 29 ناۋرىز 2024
3226 1 پىكىر 10 قاڭتار, 2019 ساعات 17:13

«نۇر وتان» جاس ونەرتاپقىشتاردى ماراپاتتادى

بۇگىن «نۇر وتان» پارتياسى جاس ونەرتاپقىشتار اراسىنداعى رەسپۋبليكالىق «NURINTECH» يننوۆاتسيالىق جوبالار بايقاۋىنىڭ قورىتىندىسىن جاريالادى.

جاس عالىمداردى جەڭىستەرىمەن قۇتتىقتاعان پارتيا توراعاسىنىڭ ءبىرىنشى ورىنباسارى ماۋلەن اشىمباەۆ ولاردىڭ عىلىمي جۇمىستارى لايىقتى جالعاسىن تاۋىپ، ەل دامۋىنا ءوز ۇلەسىن قوساتىنىنا سەنىم ءبىلدىردى.

– بايقاۋ ەلباسى، «نۇر وتان» پارتياسىنىڭ توراعاسى نۇرسۇلتان نازارباەۆتىڭ تىكەلەي تاپسىرماسىمەن قولعا الىنعان جوبا. ونىڭ باستى ماقساتى تالانتتى، بولاشاعىنان ءۇمىت كۇتتىرەتىن، عىلىم مەن يننوۆاتسيادا تىڭ يدەيالاردى قولعا الىپ، جۇمىس ىستەپ جۇرگەن جاستارىمىزدى قولداۋ، ولارعا ءوز باستامالارىن تابىستى جۇزەگە اسىرۋعا جاعداي تۋعىزۋ، – دەدى ماۋلەن اشىمباەۆ.

سونىمەن قاتار ول ماراپاتتاۋ سالتاناتىنىڭ «Astana Hub» ءىت-ستارتاپتار تەحنوپاركىندە ءوتۋى دە تەگىن ەمەس ەكەنىن ايتتى.

– «NURINTECH» بايقاۋىنىڭ جەڭىمپازدارىن ماراپاتتاۋدى وسى الاڭدا وتكىزۋ ارقىلى جاس نوۆاتورلارعا «Astana Hub» الاڭىن كورسەتىپ، ونىڭ مۇمكىندىگىمەن تانىستىرۋدى ماقسات تۇتتىق. سوندىقتان الداعى ۋاقىتتا جاستارىمىز ءوز جوبالارىن وسى الاڭدا ءارى قاراي دامىتىپ، كەڭەيتىپ، كەشەندى تۇردە ىسكە اسىرادى دەپ سەنەمىز، – دەگەن ماۋلەن اشىمباەۆ جىل سايىن بايقاۋعا قاتىسۋشىلاردىڭ قاتارى ءوسىپ كەلە جاتقانىن جەتكىزدى.

ءوز سوزىندە «نۇر وتان» پارتياسى توراعاسى ءبىرىنشى ورىنباسارى جاستارعا ءوز كۇشتەرىنە سەنىپ، ويلارى مەن يدەيالارىن جۇزەگە اسىرۋ جولىندا تاباندىلىق تانىتىپ، ارمانىنا جەتۋ ءۇشىن ايانباي ەڭبەك ەتۋ كەرەكتىگىن دە ايتتى.

بيىل قاتارىنان ءۇشىنشى رەت ۇيىمداستىرىلعان بايقاۋدا ءۇش اتالىم بويىنشا جەڭىمپازدار مەن جۇلدەگەرلەر انىقتالدى. بارلىق جەڭىمپازدار مەن جۇلدەگەرلەرگە قارجىلاي سىيلىقتار تابىس ەتىلدى. ناقتى ايتقاندا، 1-ورىن العان جاس عالىمدارعا 1 ميلليون تەڭگە سىياقى تاعايىندالسا، 2-ورىن يەگەرلەرىنە – 500 مىڭ، 3-ورىن العان ونەرتاپقىشتارعا 250 مىڭ تەڭگەدەن بەرىلدى. بايقاۋدىڭ جالپى جۇلدە قورى 5 ميلليون تەڭگەنى قۇرادى. ودان بولەك، قوستانايلىق 11-سىنىپ وقۋشىسى پەتر شيلوۆ بايقاۋدىڭ ارنايى جۇلدەسى – حالىقارالىق اقپاراتتىق تەحنولوگيالار ۋنيۆەرسيتەتىنىڭ گرانتىن ۇتىپ الدى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3579