ماجىلىستە وبلىس اكىمى بەردىبەك ساپارباەۆ وسكەمەننىڭ ىرگەسىندەگى «نۇرلى كوش» باعدارلاماسى بويىنشا جاڭادان بوي كوتەرگەن ورالماندارعا ارنالعان باس-پانالاردى وزگە وڭىرلەردە تۇراتىن ورالماندار وتباسىمەن تولتىرۋ قاجەتتىگىن دە ايتتى. «سالىنىپ ءبىتىپ، دايار تۇرعان ۇيلەر بوس قالماۋى ءتيىس. ول ۇيلەردى ءتيىستى وتباسىلارىمەن تولتىرۋىمىز قاجەت. ەگەر باسپانا ورالمانداردان ارتىلىپ قالىپ جاتقان جاعدايدا جۇمىسپەن قامتۋ باعدارلاماسى بويىنشا اۋدان اكىمدىكتەرىمەن كەلىسە وتىرىپ، الىس اۋداندارداعى جۇمىسسىز وتباسىلارىن قونىستاندىرۋ جاعىن دا قاراستىرۋ قاجەت» دەي وتىرىپ، وسى جانە ەلباسىنىڭ بەرگەن باسقا دا تاپسىرمالارىن ورىنداۋ ماسەلەلەرىن ەكى ايدىڭ ىشىندە ەلەپ، ەكشەپ جۇزەگە اسىرۋدى وبلىس اكىمىنىڭ ورىنباسارى س.ابدەنوۆكە جۇكتەدى. بۇل اۋىل ەندى «نۇرلى جول» اۋىلى اتاناتىن بولدى.

سەلەكتورلىق ماجىلىستە سەمەي، وسكەمەن، شەمونايحا، گلۋبوكوە، ءۇرجار اۋداندارىنىڭ اكىمدەرى پرەزيدەنت سايلاۋىنا دايىندىقتىڭ بارىسى، ەل تاۋەلسىزدىگىنىڭ 20 جىلدىعىنا وراي اتقارىلىپ جاتقان ءىس-شارالار جونىندە باياندادى. وبلىس باسشىسى اباي، اياگوز، كاتونقاراعاي، تارباعاتاي اۋداندارى مەن ريددەر قالاسىندا «20 جارقىن ءىس»، «تۋعان جەرگە - تاعزىم» اكتسيالارىنىڭ دۇرىس جۇرگىزىلمەي جاتقاندىعىن سىنعا الدى.

ماجىلىستە وبلىس اكىمى بەردىبەك ساپارباەۆ وسكەمەننىڭ ىرگەسىندەگى «نۇرلى كوش» باعدارلاماسى بويىنشا جاڭادان بوي كوتەرگەن ورالماندارعا ارنالعان باس-پانالاردى وزگە وڭىرلەردە تۇراتىن ورالماندار وتباسىمەن تولتىرۋ قاجەتتىگىن دە ايتتى. «سالىنىپ ءبىتىپ، دايار تۇرعان ۇيلەر بوس قالماۋى ءتيىس. ول ۇيلەردى ءتيىستى وتباسىلارىمەن تولتىرۋىمىز قاجەت. ەگەر باسپانا ورالمانداردان ارتىلىپ قالىپ جاتقان جاعدايدا جۇمىسپەن قامتۋ باعدارلاماسى بويىنشا اۋدان اكىمدىكتەرىمەن كەلىسە وتىرىپ، الىس اۋداندارداعى جۇمىسسىز وتباسىلارىن قونىستاندىرۋ جاعىن دا قاراستىرۋ قاجەت» دەي وتىرىپ، وسى جانە ەلباسىنىڭ بەرگەن باسقا دا تاپسىرمالارىن ورىنداۋ ماسەلەلەرىن ەكى ايدىڭ ىشىندە ەلەپ، ەكشەپ جۇزەگە اسىرۋدى وبلىس اكىمىنىڭ ورىنباسارى س.ابدەنوۆكە جۇكتەدى. بۇل اۋىل ەندى «نۇرلى جول» اۋىلى اتاناتىن بولدى.

سەلەكتورلىق ماجىلىستە سەمەي، وسكەمەن، شەمونايحا، گلۋبوكوە، ءۇرجار اۋداندارىنىڭ اكىمدەرى پرەزيدەنت سايلاۋىنا دايىندىقتىڭ بارىسى، ەل تاۋەلسىزدىگىنىڭ 20 جىلدىعىنا وراي اتقارىلىپ جاتقان ءىس-شارالار جونىندە باياندادى. وبلىس باسشىسى اباي، اياگوز، كاتونقاراعاي، تارباعاتاي اۋداندارى مەن ريددەر قالاسىندا «20 جارقىن ءىس»، «تۋعان جەرگە - تاعزىم» اكتسيالارىنىڭ دۇرىس جۇرگىزىلمەي جاتقاندىعىن سىنعا الدى.

- ەگەر ەشقانداي سپورتتىق شارالار، سا-يىستار وتكىزىلمەسە، ءبىز بۇل وڭىرلەرگە سپورتزال، سپورت الاڭدارىن، الەۋمەتتىك نىسانداردى نە ءۇشىن سالىپ جاتىرمىز. ريددەردە ءىس-شارالار جوسپارى دا جاسالماپتى. كوكپەكتى اۋدانىنداعى اتقارىلىپ جاتقان يگى ىستەردى وزگە اۋداندارعا كورسەتىپ، تاراتۋ كەرەك. سول جەردىڭ تۋمالارىنىڭ، تۇلەكتەرىنىڭ، كاسىپكەرلەرىنىڭ كۇشىمەن حالىققا قاجەتتى كوپتەگەن نىساندار اشىلىپ، جوندەلدى: بالالار دەمالاتىن ورىن، مۇراجاي اشىلدى، مادەنيەت ءۇيى قانداي. ال اباي، بەسقاراعاي اۋداندارىندا مۇنىڭ ءبىرى دە جوق. مۇنداي ىستەرگە «نۇر وتان» پارتياسىنان باستاپ، بارلىق قوعامدىق ۇيىمدار، جەرگىلىكتى اكىمدىكتەر اتسالىسۋى كەرەك، 2009 جىلى «تۋعان ەل - التىن بەسىگىم» اكتسياسى قالاي وتكىزىلسە، بيىل دا سولاي وتكىزۋىمىز كەرەك. مەن مەملەكەت باسشىسىمەن كەلىستىم، الداعى ماۋسىم ايىندا استانادا شىعىس قازاقستان وبلىسىنىڭ مادەني كۇندەرى وتەدى. وعان دا دۇرىستاپ دايىندالۋىمىز كەرەك، - دەدى وبلىس اكىمى بەردىبەك ساپارباەۆ.

سايلاۋعا ءبىر اپتاعا تولار-تولماس ۋاقىت قالدى. وبلىس اكىمى قالا، اۋدان باسشىلارىنا پرەزيدەنت سايلاۋىن وتكىزۋدە بارلىق زاڭدىلىقتاردىڭ ساقتالۋىنا كوڭىل ءبولىپ، بارلىق ۇمىتكەرلەرگە بىردەي مۇمكىندىكتەر تۋعىزۋدى، وڭىرگە شاقىرىلىپ وتىرعان 3000-عا تارتا باقىلاۋشىعا، حالىقارالىق باقىلاۋشىلار مەن شەتەلدىك جۋرناليستەرگە ساياسي ناۋقاندى باقىلاۋىنا، دەموكراتيالىق قاعيدالاردىڭ ساقتالۋىنا جاعداي تۋعىزۋدى تاپسىردى. سايلاۋ الدىنداعى سوڭعى اپتادا وبلىس تۇرعىندارىنىڭ سايلاۋعا تۇگەل قاتىسۋىن قامتاماسىز ەتەتىندەي بارلىق مۇمكىندىكتەردى جاساپ، جۇمىستى شيراتۋ جونىندە ناقتىلى مىندەتتەر قويىلدى.

P.S. اۋا رايىن زەرتتەۋشىلەر ايماقتا ءساۋىر ايىنان باستاپ كۇن كۇرت جىلىنادى دەگەن بولجام جاساپ وتىر. وسىعان وراي كۇرشىم، زايسان، تارباعاتاي، كوكپەكتى، تاعى دا باسقا اۋدانداردا سۋ تاسقىنى قاۋپى تۋى مۇمكىن ەكەندىگىن ايتقان وبلىس اكىمى اۋدان اكىمدەرىنە ساقتىق شارالارىن جۇرگىزۋدى دە تاپسىردى.

«ديدار» گازەتى №34, 29-ناۋرىز، 2011 جىل.