وبلىس اكىمى بەردىبەك ساپارباەۆتىڭ توراعالىق ەتۋىمەن ون-لاين تارتىبىندە وبلىستىق اكىمدىكتىڭ كەزەكتى ءماجىلىسى بولىپ ءوتتى. القالى جيىنعا ايماق باسشىسىنىڭ ورىنباسارلارى، باسقارمالار مەن دەپارتامەنتتەردىڭ، قۇقىق قورعاۋ ورىندارىنىڭ باسشىلارى، قالا، اۋدان اكىمدەرى، قوعامدىق ۇيىمداردىڭ وكىلدەرى قاتىستى.

دەنساۋلىق ساقتاۋ سالاسىنا «جەدەل جاردەم» قاجەت

وڭىردەگى دەنساۋلىق ساقتاۋ سالاسىنا جەدەل مەديتسينالىق كومەك كورسەتۋ قاجەت. ۇزىن ءسوزدىڭ قىسقاسى وسى. «ايتا، ايتا التايدى، جامال اپا قارتايدى» دەمەكشى، بۇعان دەيىن سان مارتە ايتىلىپ، ايىزى قانعان مەديتسينا مەكەمەلەرىندەگى ءتۇيىنى قيىن تۇيتكىلدەر وبلىس اكىمدىگىنىڭ بۇل جولعى وتىرىسىندا تاعى دا سىن تەزىنە ىلىكتى. بايانداماشى - وبلىستىق دەنساۋلىق ساقتاۋ باسقارماسىنىڭ باستىعى ەرلان ماساليموۆ. ءبىر ەرەكشەلىگى ول ءوزىنىڭ ازىرلەپ اكەلگەن بايانداماسىن باستان-اياق مەملەكەتتىك تىلدە جاساپ، ءبارىمىزدى ءبىر سەرپىلتىپ تاستادى.

وبلىس اكىمى بەردىبەك ساپارباەۆتىڭ توراعالىق ەتۋىمەن ون-لاين تارتىبىندە وبلىستىق اكىمدىكتىڭ كەزەكتى ءماجىلىسى بولىپ ءوتتى. القالى جيىنعا ايماق باسشىسىنىڭ ورىنباسارلارى، باسقارمالار مەن دەپارتامەنتتەردىڭ، قۇقىق قورعاۋ ورىندارىنىڭ باسشىلارى، قالا، اۋدان اكىمدەرى، قوعامدىق ۇيىمداردىڭ وكىلدەرى قاتىستى.

دەنساۋلىق ساقتاۋ سالاسىنا «جەدەل جاردەم» قاجەت

وڭىردەگى دەنساۋلىق ساقتاۋ سالاسىنا جەدەل مەديتسينالىق كومەك كورسەتۋ قاجەت. ۇزىن ءسوزدىڭ قىسقاسى وسى. «ايتا، ايتا التايدى، جامال اپا قارتايدى» دەمەكشى، بۇعان دەيىن سان مارتە ايتىلىپ، ايىزى قانعان مەديتسينا مەكەمەلەرىندەگى ءتۇيىنى قيىن تۇيتكىلدەر وبلىس اكىمدىگىنىڭ بۇل جولعى وتىرىسىندا تاعى دا سىن تەزىنە ىلىكتى. بايانداماشى - وبلىستىق دەنساۋلىق ساقتاۋ باسقارماسىنىڭ باستىعى ەرلان ماساليموۆ. ءبىر ەرەكشەلىگى ول ءوزىنىڭ ازىرلەپ اكەلگەن بايانداماسىن باستان-اياق مەملەكەتتىك تىلدە جاساپ، ءبارىمىزدى ءبىر سەرپىلتىپ تاستادى.

باسقارما باستىعىنىڭ دەرەكتەرىنە جۇگىنسەك، وتكەن جىلدىڭ قورىتىندىسى بويىنشا دەنساۋلىق ساقتاۋ سالاسىنا بولىنگەن بيۋدجەت قارجىسى 34 386 ملن. تەڭگەگە، ياعني، 99,7 پايىزعا ورىندالىپتى. ال ۇستىمىزدەگى جىلى اتالعان سالاعا بولىنگەن قاراجات مولشەرى  42 922,5 ملن. تەڭگەنى قۇراپ، 2010 جىلمەن سالىستىرعاندا 24,6 پايىزعا وسكەن. تەگىن مەديتسينالىق كومەك كورسەتۋدى قامتاماسىز ەتۋ ءۇشىن بىلتىر 31 263,1 ملن. تەڭگە قارجى قاراستىرىلسا، بيىل وعان 38 601,9 ملن. تەڭگە بولىنگەن. اعىمداعى جىلى دەنساۋلىق ساقتاۋ مەكەمەلەرىنىڭ جۇمىسى «سالاماتتى قازاقستان» مەملەكەتتىك باعدارلاماسىن جۇزەگە اسىرۋعا باعىتتالماق. 2015 جىلعا دەيىن ادامداردىڭ ورتاشا ءومىر ءسۇرۋ ۇزاقتىعىن 69 جاسقا جەتكىزۋ، 28 اۋىلدىق امبۋلاتوريا سالۋ، وسكەمەندە قان ورتالىعىنىڭ، سەمەيدە تۋبەركۋلەزگە قارسى بالالار اۋرۋحاناسىنىڭ قۇرىلىسىن اياقتاۋ جانە وسى قالالاردا كوپسالالى اۋرۋحانالار سالۋ جوسپاردا بار.

- ەمدەۋ ورىندارىنىڭ ماتەريالدىق-تەحنيكالىق بازاسى نىعايتىلىپ، زاماناۋي تەحنولوگيالارمەن جابدىقتالۋدا. وعان بىلتىر 1 127,6 ملن. تەڭگە قاراجات بولىنگەن، سونىڭ ىشىندە - جەرگىلىكتى بيۋدجەتتەن 503,7 ملن. تەڭگە، رەسپۋبليكالىق بيۋدجەتتەن 623,9 ملن. تەڭگە. «جول كارتاسى» باعدارلاماسى اياسىندا 436,9 ملن. تەڭگە قارجىعا 24 دەن-ساۋلىق ساقتاۋ نىسانىنا اعىمداعى جوندەۋ جۇمىستارى جۇرگىزىلسە، 718,9 ملن. تەڭگەگە 14 مەديتسينا مەكەمەسى كۇردەلى جوندەۋدەن ءوتتى. بۇدان بولەك دەنساۋلىق ساقتاۋ نىساندارىن سالۋعا 4 334,9 ملن. تەڭگە قارجى باعىتتالدى، - دەپ اتاپ كورسەتتى ەرلان ماساليموۆ بايانداماسىندا.

قاراپ وتىرساق ءبىرشاما ءىستىڭ باسى قايىرىلعان سياقتى. مەملەكەتتەن ءبولىنىپ جاتقان قارجىنىڭ مولشەرى دە از ەمەس، اۋىز تولتىرىپ ايتارلىقتاي. بىراق نەگە ەكەنى بەلگىسىز، قاراپايىم جۇرتشىلىقتىڭ اق حالاتتى جاندارعا دەگەن وكپەسى قارا قازانداي. كوڭىلى تولماعان كوپشىلىكتىڭ جولداعان ارىز-شاعىمىنان ءسۇرىنىپ جىعىلاسىز. اۋرۋحاناعا قارالۋ كەرەك دەسەڭىز قوس قولىن توبەسىنە قويىپ زارلايدى ءبارى. نەگە؟ ادام ومىرىنە اراشا ءتۇسۋشى ابزال جاندارعا دەگەن حالىقتىڭ كوڭىلى نەگە سۋىدى؟ جاۋاپ بىرەۋ-اق - مەديتسينا مەكەمەلەرىندەگى قۇلقىن سارىدەن تۇراتىن ۇزىن سونار كەزەك كۇتۋ مەن ساپاسىز دارىگەرلىك قىزمەت كورسەتۋدەن ونسىز دا باسى اۋىرىپ، بالتىرى سىزداعان جۇرتشىلىق ابدەن قاجىدى. بۇل ماسەلەنى ايماق باسشىسى دا جاقسى بىلەدى.