قازاقستانعا رەسمي ساپارمەن كەلگەن زيمبابۆە رەسپۋبليكاسىنىڭ پرەزيدەنتى ەممەرسون منانگاگۆانى سالتاناتتى قارسى الۋ راسىمىنەن كەيىن كەڭەيتىلگەن قۇرامداعى كەلىسسوز وتتى. بۇل تۋرالى اقوردانىڭ رەسمي سايتى جازدى.

مەملەكەت باسشىسى ەكى ەل اراسىنداعى قارىم-قاتىناستاردى ىلگەرىلەتۋدىڭ ماڭىزدىلىعىن اتاپ ءوتىپ، ىقپالداستىقتى ودان ءارى دامىتۋدىڭ نەگىزگى باعىتتارىنا ارنايى توقتالدى.

– ءبىز سىرتقى ساياساتىمىزدا، سونىڭ ىشىندە افريكا باعىتىندا كەڭ اۋقىمدى ساۋدا قارىم-قاتىناستارىن دامىتۋعا جانە حالىقارالىق باستامالاردى ءوزارا قولداۋعا ۇمتىلاتىن بولامىز، – قازاقستان پرەزيدەنتى.

زيمبابۆە رەسپۋبليكاسىنىڭ پرەزيدەنتى قازاقستانعا رەسمي ساپارمەن كەلۋگە مۇمكىندىك تۋعىزىپ، زيمبابۆە دەلەگاتسياسىنا قوناقجايلىلىق كورسەتكەنى ءۇشىن نۇرسۇلتان نازارباەۆقا العىس ايتتى.

كەزدەسۋ بارىسىندا تاراپتار اۋىل شارۋاشىلىعى مەن تاۋ-كەن ونەركاسىبى سالالارى بويىنشا ەكى جاقتى ىنتىماقتاستىق ورناتۋ، سونداي-اق زيمبابۆەنىڭ كولىك-لوگيستيكا جەلىسىن جاڭعىرتۋ جانە قايتا وڭدەۋ ىسىندە بىرلەسكەن جوبالاردى ىسكە اسىرۋ ماسەلەلەرىن تالقىلادى.

Abai.kz