دۇيسەنبى, 27 مامىر 2019
619 1 پىكىر 22 قاڭتار, 2019 ساعات 09:15

روسكومنادزور Facebook پەن Twitter'گە قارسى ءىس قوزعادى

روسكومنادزور Facebook پەن Twitter'گە قارسى اكىمشىلىك ءىس قوزعادى. اتالعان الەۋمەتتىك جەلىلەر رەسەيلىكتەردىڭ جەكە مالىمەتتەرىن قالاي ساقتايتىنى تۋرالى اقپارات بەرمەگەن.

مەكەمە وكىلىنىڭ ايتۋىنشا، امەريكالىق كومپانيالار ولاردىڭ ساۋالدارىنا "جالپىلاما جاۋاپ" بەرگەن. وندا رەسەي زاڭدارىن ورىنداۋعا قاتىستى ناقتى جاۋاپ بولماعان، مالىمەتتەردىڭ بولاشاقتا قالاي پايداعا اساتىنى تۋرالى مالىمەت بەرىلمەگەن.

روسكومنادزوردىڭ ءباسپاسوز قىزمەتى اقپارات بەرمەۋ تۋرالى باپ بويىنشا ءىس قوزعالعانىن "مەدۋزا" باسىلىمىنا راستادى. بۇعان دەيىن مەكەمە جەكە مالىمەتتەردى ساقتاۋ تۋرالى مەملەكەتتىك ورگاندارعا اقپارات بەرمەگەندەرگە بەس مىڭ رۋبلگە دەيىن ايىپپۇل سالىناتىنىن ەسكەرتكەن ەدى.

Abai.kz

1 پىكىر