مەملەكەت باسشىسى ن.نازارباەۆتىڭ  “پرەزيدەنتتىڭ بەس الەۋمەتتىك باستاماسى” اتتى قازاقستان حالقىنا ۇندەۋى -  حالىقتىڭ الەۋمەتتىك جاعدايىن جاقسارتۋعا باعىتتالعان باستاما.  ونىڭ ء“اربىر وتباسىنا باسپانا الۋدىڭ جاڭا مۇمكىندىكتەرىن بەرۋ” دەپ اتالاتىن ءبىرىنشى باستاماسىنا سايكەس، بىلتىر “7-20-25”  باعدارلاماسى قابىلدانعان بولاتىن.  

سول باعدارلامانىڭ نەگىزىندە «باسپانا» يپوتەكالىق ۇيىمى قۇرىلعان بولاتىن. ول - جاس وتباسىلار مەن بيۋدجەتتىك سالا قىزمەتكەرلەرىنە قارجىلىق جۇكتەمەنى ازايتۋ ماقساتىندا «جاس ارمان» جانە  «قامقور باسپانا» جوبالارىن ازىرلەدى. جوبانىڭ ماقساتى -  «7-20-25» يپوتەكاسىنىڭ العاشقى جارناسىن ەكى ەسەگە ازايتۋدى قاراستىرادى.
سونداي-اق، جەرگىلىكتى اتقارۋشى ورگانداردىڭ باعالى قاعازدار شىعاراتىنى جانە حالىقتىڭ اتالعان ساناتى ءۇشىن باستاپقى جارنانىڭ جارتىسىن سۋبسيديالاۋعا مىندەتتى ەكەنى ايتىلادى.

«باسپانا» يپوتەكالىق ۇيىمىنىڭ باسقارما توراعاسى قايرات التىنبەكوۆ جۋرناليستەرگە بەرگەن سۇحباتىندا:

-ءبىز «7-20-25″ باعدارلاماسىنا جاس وتباسىلار مەن بيۋدجەتتىك سالا قىزمەتكەرلەرىنىڭ قاتىسۋىنا وراسان زور ءمان بەرەمىز. ولار تاراپىنان العاشقى جارنانى جيناۋدىڭ قيىندىعى جونىندە كوپتەگەن پىكىرلەر كەلىپ ءتۇستى. سول سەبەپتى، قولداۋ مۇمكىندىكتەرىن بارىنشا قاراستىردىق. مۇنداي الەۋمەتتىك شەشىمدەردى ىسكە اسىرۋ ءۇشىن اكىمدىكتەر تاراپىنان  قولداۋ كۇتەمىز»، – دەگەن بولاتىن.

ايتا كەتۋ كەرەك، وسىعان دەيىن «جاس ارمان» جانە «قامقور باسپانا» ونىمدەرى ءبىرىنشى بولىپ شىمكەنت قالاسىندا پيلوتتىق رەجيمدە جۇمىس ىستەي باستادى. تاراپتار ءتيىستى مەموراندۋمعا 2018 جىلدىڭ 3 قىركۇيەگىندە قول قويعان بولاتىن. مەموراندۋمعا سايكەس شىمكەنت اكىمدىگى قايتارىمدى نەگىزدە باستاپقى جارنانى سۋبسيديالاۋ ءۇشىن اعىمداعى جىلى 500 ميلليون تەڭگە جانە 2019 جىلى 1,5 ميلليارد تەڭگە بولەدى. اكىمدىكتىڭ قولداۋى 2 مىڭعا جۋىق جاس وتباسى مەن بيۋدجەتتىك سالا قىزمەتكەرلەرىن قامتيدى دەپ جوسپارلانعان.

سونداي-اق، جەرگىلىكتى اتقارۋشى ورگاندار وبليگاتسيالار شىعارادى جانە حالىقتىڭ اتالعان ساناتى ءۇشىن باستاپقى جارنانىڭ جارتىسىن سۋبسيديالاۋعا مىندەتتەلەدى. ال "باسپانا" اكىمدىكتەر وبليگاتسيالارىن ساتىپ الىپ، "7-20-25" باعدارلاماسىنا قاتىساتىن بانكتەر ارقىلى حالىقتىڭ وسى ساناتىن كرەديتتەۋگە كۇش سالادى.

اتالمىش باعدارلاما بويىنشا، شىلدە ايىندا 3 مىڭعا جۋىق پاتەر قولجەتىمدى بولعان. 2 مىڭ ادامنىڭ ءوتىنىشى ماقۇلدانىپ، ولار يپوتەكالىق قارىزداردى الىپ ۇلگەردى.

ال جوبا جەتەكشىلەرىنىڭ بيىلعى جوسپارى بويىنشا، 100 ملرد تەڭگە كولەمىندەگى يپوتەكالىق قارىز بەرۋ كوزدەلىپ وتىر.

اكىمدىكتەرمەن بىرلەسە دايىندالعان «جاس ارمان» مەن «قامقور باسپانا» ونىمدەرى - جانۇيالارعا العاشقى تولەمدى ازايتۋعا كومەكتەسەدى. ول 20%-دى قۇرايدى جانە وسى تولەمدى ەكى ەسە ازايتۋ ماقساتىندا جەرگىلىكتى بيلىك بولاشاق قارىز الۋشىلارعا پايىزسىز جانە ۇزاق مەرزىمدى نەسيە بەرۋگە نيەتتى كورىنەدى.

ايتالىق، پاتەر 10 ملن تەڭگە تۇرادى، 1 ملن-ىن ادام ءوزى قۇيسا، تاعى 1 ملن-ىن اكىمدىك بەرەدى. جوبا جەتەكشىلەرىنىڭ ەسەبىنشە، 15 جىلدىق نەسيە دەگەنىمىز - بۇل ايىنا 5 مىڭ تەڭگە دەگەن ءسوز.

قازىر اتالعان جوبا بويىنشا شىمكەنت جانە اقتوبە قالالارىمەن كەلىسىم جاسالعان ەكەن. ال، استانا، قاراعاندى جانە قىزىلوردا قالالارى بۇل باعدارلاماعا ۇلكەن قىزىعۋشىلىق تانىتىپ وتىرعان كورىنەدى...

Abai.kz