پرەزيدەنت وزىنەن كەيىن قوسىمشا ءتۇسىندىرۋدى قاجەت ەتپەيتىندەي باستامالار كوتەرۋى كەرەك قوي! بيۋدجەت اقشاسىنا ەل ارالاپ جۇرگەن دەلەگاتسيالار پرەزيدەنتتەن ارتىپ نە ايتا الادى؟! ەلدىڭ دە بۇگىندە كوكىرەگى وياۋ، كوزى اشىق: قوسىمشا ءتۇسىندىرۋسىز دە ءبارىن وزدەرى تۇسىنەدى! جانە دە پرەزيدەنتتىڭ ساياساتىن جۇرگىزىپ وتىرعان جەرگىلىكتى اكىمدىكتەر بار ەمەس پە؟ ولار تۇسىندىرە الماي ما؟

جالپى مۇنداي ۇيىمداسقان ساپارلاردى ەسكىنىڭ رەتسيديۆى دەپ بىلەمىن!

ارينە، استاناداعى مينيسترلەر ەل ىشىنە بارىپ، ول جاقتاعى تۇرمىستى ءوز كوزىمەن كورگەنى دۇرىس. بىراق جۇرتتى ءبىر زالعا جيناپ الىپ، بايانداما جاساۋ راپورتومانيا مەن كوزبوياۋشىلىققا كوبىرەك ۇقسايدى. ودان گورى اۋىل - ايماققا ءوز اياعىمەن بارىپ، ناقتى جاعدايمەن تانىسقانى دۇرىس بولار!