2019 جىلى اقپاننىڭ 27-ءشى جۇلدىزى استانا قالاسىندا وتكەن  «نۇر وتان» پارتياسىنىڭ كەزەكتى XVIII سەزى ەل تاريحىندا جوعارى باعالانارى ءسوزسىز. پارتيانىڭ 20 جىلدىعىنا وراي ۇيىمداستىرىلعان بۇل سەزد ەلدەگى الەۋمەتتىك كومەككە مۇقتاج وتباسىلار مەن كوپبالالى انالاردىڭ قۋانىشىنا قانات بىتىرگەن جينالىس بولدى.  

رەسپۋبليكامىزدىڭ تۇكپىر تۇكپىرىنەن 2000-نان استام دەلەگاتتار جينالعان ءىرى جينالىس جالپى ەل حالقىنىڭ باستى نازارىندا بولدى. دال وسى ءار وڭىردەن كەلگەن پاريا وكىلدەرىنىڭ الدىندا ەلدەگى ەڭ قۇرمەتكە لايىق جاندار - كوپبالالى انالاردىڭ كوپ ماسەلەسى شەشىم تاپتى.

اتالعان سەزدە ەلباسى، پارتيا توراعاسى نۇرسۇلتان نازارباەۆ بىرقاتار ناقتى تاپسىرمالار بەردى. اسىرەسە ەل حالقىنىڭ كوڭىلىنەن شىققانى، كوپبالالى انالارعا جاعداي جاساۋ ماقساتىندا قولعا الىنعان كوپبالالى وتباسىلاردىڭ جاردەماقىسىن 21 مىڭ تەڭگەگە كوتەرۋدى تاپسىردى.

ەلباسى ەلىمىزدە 340 مىڭنان استام وتباسىندا كەمىندە ءتورت بالا بار ەكەنىن، جىل سايىن وسى كوپ بالاسى بار وتباسىلاردى قولداۋعا 500 ميلليارد تەڭگە بولىنەتىنىن ايتا كەلىپ، ءوپبالالى وتباسىلاردا ءار بالاعا 21 مىڭ تەڭگە تولەۋدى تاپسىردى.

«ۇكىمەتكە الەۋمەتتىك جاعىنان از قامتىلعان ازاماتتاردى، اسىرەسە، كوپبالالى وتباسىلاردى قولداۋ شارالارىن كەڭەيتۋدى تاپسىرامىن. اتالعان كورسەتكىشتى كۇنكورىس دەڭگەيىنىڭ 70 پايىزىنا دەيىن جەتكىزۋىمىز كەرەك. ال اتاۋلى كومەك الىپ وتىرعان كوپبالالى وتباسىلاردىڭ ءاربىر بالاسىنا بەرىلەتىن جاردەماقىنى 21 مىڭ تەڭگەگە دەيىن ءوسىرۋدى تاپسىرامىن. اتالعان كومەكتى بارىنشا جەڭىلدەتۋ كەرەك. حالىق ارى-بەرى شاپقىلاپ جۇرمەسىن. سوسىن ونداي وتباسىلاردىڭ تابىسىن ەسەپتەگەندە باسقا الەۋمەتتىك جاردەماقىلاردى ساناۋدى الىپ تاستاۋ قاجەت. ايتپەسە، سونىڭ ءبارىن ساناعاندا كوپبالالى وتباسىلار باي ازاماتتار بولىپ شىعا كەلەدى»، - دەدى نازارباەۆ.

ەلباسىنىڭ وسى تاپسىرماسىن ەستىگەن كوپ انانىڭ قۋانىشىندا شەك بولمادى. اسىرەسە، ەلدەگى 340 مىڭنان استام كوپبالالى وتباسى مەملەكەت تاراپىنان جاسالعالى وتىرعان وسىناۋ كومەككە قول جەتكىزەتىنىن ەستىگەندە توبەسى كوككە جەتتى. سولاردىڭ ءبىرى شاحتينسك قالاسىندا تۇراتىن اياگۇل مۇقاشەۆا حانىم الەۋمەتتىك جەلىدە ءوزىنىڭ كوڭىل-كۇيىمەن ءبولىستى.

كورەگەن شەشىمگە شىن قۋانىپ، شاتتانعان اياۋلى انانىڭ جۇرەكجاردى سوزدەرى ءبىزدىڭ دە نازارىمىزدى اۋدارعان ەدى. نازارلارىڭىزعا اياگۇل حانىمنىڭ ەلباسىعا ايتقان العىس سوزىنەن از ءۇزىندى ۇسىنامىز:

"ەلباسىنىڭ قويعان ماقساتتارى مەن سياقتى كوپ بالالى انالار مەن جالپى حالىقتىڭ ءال-اۋقاتىن كوتەرەتىنى ءسوزسىز. بۇگىنگى سەزدى بارشا وتباسىمىزبەن ۇيىپ تىڭدادىق. كوپ بالالى انالار ماسەلەسى قارالىپ، ءار بالاعا اي سايىنعى جاردەم اقى 21 000 تەنگەنى قۇراعانى قاتتى قۋانتتى. مەنىڭ 5 بالام بار. بەس بالالى وتباسى ءۇشىن 105 000 تگ. وتە ۇلكەن كومەك.

بۇدان باسقا دا حالىقتىڭ الەۋەتىن ارتتىراتىن جاڭالىقتار، ماقساتتار ايتىلدى. جاستارىمىزدى جۇمىسپەن قامتۋ، ءار سالاداعى قىزمەتكەرلەردىڭ جالاقىسىن كوتەرۋ، دەنساۋلىق ساقتاۋدىڭ ساپاسىن ارتتىرۋ سياقتى ت.ب. ماڭىزدى ماسەلەلەر ايتىلدى. ءبىز وتە قۋانىشتىمىز. ەلىمىز وركەندەپ، دامي بەرسىن", -دەيدى شىن شاتتانىپ، شىن قۋانعان انا.

ءبىز دە ءوز تاراپىمىزدان ءدال وسى قولعا الىنىپ جاتقان يگى شارالاردىڭ قارقىندى جۇزەگە اسۋى ءۇشىن اقپاراتتىق قولداۋ بىلدىرەمىز. ەلىمىز وركەندەپ، حالىقتىڭ ءال-اۋقاتى جىلدان-جىلعا جاقساراتىنى ءسوزسىز.

Abai.kz