جۇما, 29 ناۋرىز 2024
2553 1 پىكىر 16 ءساۋىر, 2019 ساعات 08:49

كەرەكۋدەگى ءبىلىم باسەكەسى

ستۋدەنت جاستاردىڭ ءبىلىمىن شىڭداپ، وي ءورىسىن، تانىم مەن تاعىلىمىن كەڭەيتە تۇسەتىن ءبىلىم باسەكەلەرى ەكەنى داۋسىز. سونىڭ ىشىندە ءپان وليمپيادالارىنىڭ ورنى ەرەك.

ۇيىمداستىرىلىپ كەلە جاتقانىنا ون ءبىر جىل بولعان جۋرناليستيكا ماماندىعى بويىنشا ءبىلىم دوداسى بۇل جولى كەرەكۋ تورىندە تۋ كوتەردى. س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىندە جالىندى جاستاردىڭ باسى قوسىلىپ، ءوزارا تاجىربيە الماسىپ، وي ءبولىستى.

«كۇش بىلىمدە» دەپ ەسەپتەيتىن ستۋدەنتتەر تىلشىلىك تىرشىلىگىنىڭ قىر-سىرىن قانشالىقتى مەڭگەرگەندىگىن وسى باسەكەدى دالەلدەيدى. سەبەبى بۇل دودا جاستار «ۇلى دالانىڭ ۇلاعاتىن ۇلىقتاپ»، ءوز وقۋ ورنىنىڭ مارتەبەسىن كوتەرۋگە مۇمكىندىك الادى. سوسىن، بويداعى دارىنىنىڭ جان-جاقتى قىرلارىن كورسەتىپ، بۇرىن مەن بۇگىندى بايلانىستىرعان جۋرناليستيكانىڭ ىشىنە بۇككەن سىرلارىن ۇعىنادى. ايتا كەتەيىك، ءبىلىم باسەكەسىنىڭ باستى ۇستانىمى دا وسى.

كەزەڭ-كەزەڭ سايىن جۋرناليستىك شەبەرلىكتى قانشالىقتى يگەرگەندەرىن كورسەتەتىن قازاقستاننىڭ تۇكپىر-تۇكپىرىنەن كەلگەن شاكىرتتەر «تانىستىرۋ»، «ەسسە» كەزەڭدەرىندە باق سىناسىپ، تالانتتارىن كورسەتەدى.

ال، ەكىنشى كەزەڭدە جۋرناليستيكانىڭ ءار ءتۇرلى تارماقتارى بويىنشا تەست تاپسىرىپ، تەوريالىق بىلىمدەرىن ساراپقا سالادى. ودان سوڭ، «جەدەل اقپارات» جازىپ،  جەلىگە جۇكتەيدى.

سوڭعى تۋردا ستۋدەنتتەر «ەرتىس – بايان ءوڭىرىنىڭ تاريحى مەن كەلبەتى مەنىڭ اسەرىمدە» اتتى بەينەسيۋجەت دايىنداپ، ىسكەرلىككە شىڭدالادى. بۇل ەڭبەكتى قازىلار القاسى باعالاپ، ۇزدىكتەردى انىقتايدى.

كەرەكۋدەگى وليمپيادا ستۋدەنتتەردىڭ قالا تىنىسىمەن تانىسىپ، قارت ەرتىس بويىنداعى تاريحي ورىندار سىرلارىن ءبىلۋ مۇمكىندىگىن سىيلادى. ءبىلىم باسەكەسى جالعاسۋدا...

ايدار سايلاۋوۆ،

قورقىت اتا اتىنداعى قىزىلوردا مەملەكەتتىك ۋنيۆەرسيتەتى

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616