قازاقستان رەسپۋبليكاسىنىڭ پارلامەنتى ءماجىلىسىنىڭ دەپۋتاتتارىنا،

قازاقستان رەسپۋبليكاسىنىڭ پرەمەر-ءمينيسترى ك.ق.ماسىموۆكە،

قر اقپارات جانە بايلانىس ءمينيسترى ا.جۇماعاليەۆكە

قر باس پروكۋرورى ا. داۋىلباەۆقا

بۇگىندە اقمولا وبلىسىنىڭ ورتالىعى كوكشەتاۋ قالاسىندا بيۋدجەتتەن بولىنەتىن قوماقتى قارجىعا شىعىپ وتىرعان «ستەپنوي ماياك» گازەتىنىڭ 2011 جىلعى 26 مامىرداعى №21 سانىندا جاريالانعان سوزجۇمباقتا (سكانۆورد) بولعان سۇراققا («قاڭعىباس قازاقتىڭ باسپاناسى؟». ال جاۋابى - كيىز ءۇي (يۋرتا).) قاتىستى الماتى قالاسىنىڭ جاستارىنىڭ ۇلكەن نارازىلىعىن تۋدىرىپ وتىر. بۇل مەملەكەت قۇراۋشى ۇلت قازاق حالقىنا، ونىڭ تاريحى مەن مادەنيەتىنە دەگەن قۇرمەتسىزدىك دەپ تۇسىنەمىز. قازاق حالقى ءوزىنىڭ تاريحىندا ەشۋاقىتتا «بومج» تۇسىنىگىندەي جاعدايدا بولىپ كورگەن ەمەس. ۇلان-عايىر دالانى مەكەن ەتكەن حالىقتىڭ ار-نامىسىنا وسىلاي ءتىل تيگىزۋ - ءوز ءومىر ءسۇرىپ وتىرعان مەملەكەتتى مەنسىنبەۋ، ونىڭ تاريحىن كەرەك ەتپەۋ رەتىندە قارالۋى ءتيىس. قازاقستان ءوزىنىڭ تاۋەلسىزدىگىن العالى بىرلىك، تاتۋلىق، ءار ۇلتقا دەگەن قۇرمەت سىندى ۇستانىمدارمەن دامىپ كەلەدى. ال بيۋدجەتتەن قارجىلاندىرىلاتىن باسىلىم وسى ارەكەتتەرى ارقىلى ەلدەگى ۇلتارالىق جانجالدى تۋدىرۋعا سەبەپكەر بولۋى مۇمكىن. سوندىقتان، ءبىز، جاستار، تومەندەگى تالاپتاردى قويامىز:

قازاقستان رەسپۋبليكاسىنىڭ پارلامەنتى ءماجىلىسىنىڭ دەپۋتاتتارىنا،

قازاقستان رەسپۋبليكاسىنىڭ پرەمەر-ءمينيسترى ك.ق.ماسىموۆكە،

قر اقپارات جانە بايلانىس ءمينيسترى ا.جۇماعاليەۆكە

قر باس پروكۋرورى ا. داۋىلباەۆقا

بۇگىندە اقمولا وبلىسىنىڭ ورتالىعى كوكشەتاۋ قالاسىندا بيۋدجەتتەن بولىنەتىن قوماقتى قارجىعا شىعىپ وتىرعان «ستەپنوي ماياك» گازەتىنىڭ 2011 جىلعى 26 مامىرداعى №21 سانىندا جاريالانعان سوزجۇمباقتا (سكانۆورد) بولعان سۇراققا («قاڭعىباس قازاقتىڭ باسپاناسى؟». ال جاۋابى - كيىز ءۇي (يۋرتا).) قاتىستى الماتى قالاسىنىڭ جاستارىنىڭ ۇلكەن نارازىلىعىن تۋدىرىپ وتىر. بۇل مەملەكەت قۇراۋشى ۇلت قازاق حالقىنا، ونىڭ تاريحى مەن مادەنيەتىنە دەگەن قۇرمەتسىزدىك دەپ تۇسىنەمىز. قازاق حالقى ءوزىنىڭ تاريحىندا ەشۋاقىتتا «بومج» تۇسىنىگىندەي جاعدايدا بولىپ كورگەن ەمەس. ۇلان-عايىر دالانى مەكەن ەتكەن حالىقتىڭ ار-نامىسىنا وسىلاي ءتىل تيگىزۋ - ءوز ءومىر ءسۇرىپ وتىرعان مەملەكەتتى مەنسىنبەۋ، ونىڭ تاريحىن كەرەك ەتپەۋ رەتىندە قارالۋى ءتيىس. قازاقستان ءوزىنىڭ تاۋەلسىزدىگىن العالى بىرلىك، تاتۋلىق، ءار ۇلتقا دەگەن قۇرمەت سىندى ۇستانىمدارمەن دامىپ كەلەدى. ال بيۋدجەتتەن قارجىلاندىرىلاتىن باسىلىم وسى ارەكەتتەرى ارقىلى ەلدەگى ۇلتارالىق جانجالدى تۋدىرۋعا سەبەپكەر بولۋى مۇمكىن. سوندىقتان، ءبىز، جاستار، تومەندەگى تالاپتاردى قويامىز:

1.     «ستەپنوي ماياك» گازەتى ۇجىمى  قازاق حالقىنىڭ الدىندا رەسمي تۇردە كەشىرىم سۇراۋى قاجەت;

2.     سونداي-اق ەكى اپتا مەرزىم ىشىندە «ستەپنوي ماياك» گازەتى ءوز ليتسەنزياسىنان ايىرىلۋى ءتيىس. قازاق ۇلتىن «بومج» ساناعان باسىلىم قازاقستاندا ەركىن اقپارات تاراتۋى مۇمكىن ەمەس.

3.      كوكشەتاۋلىق جاستاردىڭ ازاماتتىلىعىنىڭ ناتيجەسىندە باسىلىمنىڭ قىزمەتكەرىنە قاتاڭ سوگىس عانا جاريالانىپتى. ءبىزدىڭ پىكىرىمىزشە، بۇل جەتكىلىكسىز. باسىلىمنىڭ ءبىرىنشى باسشىسىنا شارا قولدانۋ كەرەك;

4.     بۇل ەلىمىزدەگى تاتۋلىق پەن بىرلىككە ءوز زيانىن تيگىزۋى مۇمكىن. سوندىقتان قر-نىڭ پروكۋراتۋراسى وسى ءىس-ارەكەتكە زاڭدى باعا بەرۋىن تالاپ ەتەمىز.

بارلىق ەلىمىزدىڭ ازاماتتارىن بۇل وقيعا بەي-جاي قالدىرعان جوق. سوندىقتان وسى ماسەلەنى تەرەڭىنەن قاراپ، لايىقتى باعا بەرەسىزدەر دەپ سەنەمىز.

الماتى قالاسىنىڭ جاستارى اتىنان،

«جاس وتان» جق الماتى قالالىق فيليالىنىڭ اتقارۋشى حاتشىسىنىڭ مىندەتىن اتقارۋشى رۋسلان جەلدىباي

«بولاشاق» رق توراعاسى داۋرەن بابامۇرات

«ازامات» پىكىرسايىس كلۋبىنىڭ ۇيلەستىرۋشىسى قۋانىش باقىتجانوۆ