كادر تەلەكانالا كتك

ءبىر توپ كوكشەتاۋلىقتىڭ ىزاسى شەگىنە جەتتى! ۇيلەرىنىڭ اۋلاسىن ولار قولدارىنا بالتا الىپ قورعاۋعا كوشتى. تۇرعىندار ۇيلەرىنىڭ الدىندا جاڭا كوممۋنالدىق بازاردىڭ بوي كوتەرۋىنە نارازى. حالىقتىڭ ايتۋىنشا، جاڭا بازار بالالاردى ويىن الاڭقايىنان ايىرىپ، ەمحاناعا باراتىن جولدى جاۋىپ تاستاعان، دەيدى كتك تەلەارناسىنىڭ ءتىلشىسى.

بالتا مەن سۇيمەندەرىن الىپ شىققان 70 شاقتى ادام بازاردىڭ قۇرىلىسى ءجۇرىپ جاتقان اۋماقتى قورشاپ تۇرعان قاڭىلتىرلاردى بۇزۋعا كىرىستى. ال قۇرىلىسشىلار اكىمدىك بەرگەن رۇقسات قاعازدى كورسەتىپ، بوي بەرەر ەمەس.

كۇن باتقاندا كوكشەتاۋدىڭ قاق ورتاسىنداعى اۋداندا شۋ شىقتى. بالتا، سۇيمەنمەن قارۋلانعان حالىق اۋلالارىندا تۇرعىزىلىپ جاتقان جاڭا كوممۋنالدىق بازاردى شابۋىلداۋعا اتتاندى. قۇرىلىستى توقتاتۋعا ولار وسىمەن ءتورتىنشى رەت تىرىسۋدا.

حالىقتىڭ ايتۋىنشا، جاڭا بازاردىڭ پايداسىنان زيانى كوپ. ساۋدا ورنى بالالاردىڭ الاڭقايىن ايىرىپ، ەمحاناعا باراتىن جولدى جاۋىپ تاستايدى.

ۆيكتور پاۆلۋحين، تۇرعىن:

- ءبىز ءبارىبىر ونى بۇزامىز، وسىنى ءبىلسىن! بالالاردىڭ ويىن الاڭقايىنان باسقا جەر تابىلمادى ما، بازار سالاتىن؟! الدە قالادا بازار از با؟

كادر تەلەكانالا كتك

ءبىر توپ كوكشەتاۋلىقتىڭ ىزاسى شەگىنە جەتتى! ۇيلەرىنىڭ اۋلاسىن ولار قولدارىنا بالتا الىپ قورعاۋعا كوشتى. تۇرعىندار ۇيلەرىنىڭ الدىندا جاڭا كوممۋنالدىق بازاردىڭ بوي كوتەرۋىنە نارازى. حالىقتىڭ ايتۋىنشا، جاڭا بازار بالالاردى ويىن الاڭقايىنان ايىرىپ، ەمحاناعا باراتىن جولدى جاۋىپ تاستاعان، دەيدى كتك تەلەارناسىنىڭ ءتىلشىسى.

بالتا مەن سۇيمەندەرىن الىپ شىققان 70 شاقتى ادام بازاردىڭ قۇرىلىسى ءجۇرىپ جاتقان اۋماقتى قورشاپ تۇرعان قاڭىلتىرلاردى بۇزۋعا كىرىستى. ال قۇرىلىسشىلار اكىمدىك بەرگەن رۇقسات قاعازدى كورسەتىپ، بوي بەرەر ەمەس.

كۇن باتقاندا كوكشەتاۋدىڭ قاق ورتاسىنداعى اۋداندا شۋ شىقتى. بالتا، سۇيمەنمەن قارۋلانعان حالىق اۋلالارىندا تۇرعىزىلىپ جاتقان جاڭا كوممۋنالدىق بازاردى شابۋىلداۋعا اتتاندى. قۇرىلىستى توقتاتۋعا ولار وسىمەن ءتورتىنشى رەت تىرىسۋدا.

حالىقتىڭ ايتۋىنشا، جاڭا بازاردىڭ پايداسىنان زيانى كوپ. ساۋدا ورنى بالالاردىڭ الاڭقايىن ايىرىپ، ەمحاناعا باراتىن جولدى جاۋىپ تاستايدى.

ۆيكتور پاۆلۋحين، تۇرعىن:

- ءبىز ءبارىبىر ونى بۇزامىز، وسىنى ءبىلسىن! بالالاردىڭ ويىن الاڭقايىنان باسقا جەر تابىلمادى ما، بازار سالاتىن؟! الدە قالادا بازار از با؟

قۇرىلىس ەرەجەسىنە ساي، كەز-كەلگەن نىسان تۇرعىن ۇيدەن 50 مەتر قاشىقتىقتا سالىنۋى ءتيىس. ال بازار ۇيلەردەن نەبارى 27 اتتام جەردە تۇرعانىن تۇرعىندار ەسەپتەپ قويىپتى.

جانقاراش شابدانوۆ، ادۆوكات:

- فۋتبول، ۆولەيبول وينايتىن، جۇگىرەتىن  جەر قالمادى. حالىق ءبىلۋ كەرەك قوي، مۇمكىن بىرەۋ قاتەلەسكەن شىعار، ءتۇسىندىرىپ ايتپادى ما... ارىزدى دەپۋتاتتارعا بەردىك.

ال بازار سالىپ جاتقان "سترويتەحسەرۆيس كوكشەتاۋ" كومپانياسى "بارلىق رۇقسات قاعازىمىز بار" دەيدى. ولار قالا اكىمدىگى جاريالاعان تەندەردى جەڭىپ، 60 ميلليون تەڭگەگە كوممۋنالدىق بازار تۇرعىزۋدى ءبىر اپتا بۇرىن باستاۋلارى ءتيىس ەدى.

قايرات قۇرساباەۆ،  "سترويتەحسەرۆيس كوكشەتاۋ" جشس ديرەكتورى:

- ءوز قۇقىقتارىڭىزدى مادەنيەتتى تۇردە سوتتا قورعاڭىزدار.

ارلان جۇسىگۇنوۆ، "سترويتەحسەرۆيس كوكشەتاۋ" جشس زاڭگەرى:

- ءبىزدىڭ مەردىگەر رەتىندەگى قۇقىمىز تاپتالىپ جاتىر. تۇرعىندار ءبىزدىڭ مۇلكىمىزدى بۇزدى. ءبىز سوتتا كەزدەسەمىز،بۇل كىسىلەرمەن. ويتكەنى سولاردىڭ كەسىرىنەن قۇرىلىستى ۋاقىتىندا باستاي الماي وتىرمىز.

جەرگىلىكتى بيلىك وكىلدەرى دە ءۇيدىڭ اۋلاسىندا ۇلكەن بازار سالۋ مۇمكىن ەمەستىگىنە كوزدەرى جەتىپ، ونى شاعىن ساۋدا پاۆيلونىنا اينالدىرماق. وندا ساتىلاتىن ازىق-تۇلىكتىڭ باعاسى دا الدەقايدا ارزان بولادى دەپ، حالىقتى سابىر ساقتاۋعا شاقىردى.

نۇربولات ءالجانوۆ، كوكشەتاۋ قالاسى ساۋلەت جانە قالا قۇرىلىس ءبولىمى باستىعىنىڭ ورىنباسارى:

- بۇل ءبىر قاباتتى نىساندا ساۋدا ورىندارى ارزان بولماق. سوندىقتان ونداعى تاۋارلاردىڭ باعاسى دا قولجەتىمدى بولادى. حالىقتىڭ شۋ شىعارۋىنا ەش نەگىز جوق. اكىمنىڭ شەشىمى وسىنداي.

قۇرىلىس باسىنا ءتورت رەت بارىپ، ويرانىن شىعارعان تۇرعىندار كومپانياعا 400 مىڭ تەڭگەگە زالال كەلتىرىپتى. بىراق ادۋىندى حالىق 21 شىلدەدە تاپىسىرىلۋى ءتيىس كوممۋنالدىق ساۋدا پاۆيلونىنىڭ قۇرىلىسىن سول كۇيى باستاتپاۋعا بەل بۋىپ وتىر.

ktk.kz