ۋكراينا پرەزيدەنتىنىڭ يناۋگۋراتسيادا ايتقان ءھام الەمگە لەزدە تاراپ كەتكەن ۇندەۋىنەن ۇزىندىلەر:

- ۋكراينالىقتار جىلاماسىن، قايعىرماسىن دەپ...

- قىمباتتى ۋكرايندىقتار! مەن سايلاۋدان جەڭىسكە جەتكەن كۇنى، التى جاسار ۇلىم: - اكە زەلەنسكي - پرەزيدەنت، سوندا مەن دە پرەزيدەنتپىن بە دەگەن سۇراق قويدى (ۇلىنىڭ دا فاميلياسى زەلەنسكي). سول كەزدە بۇل ماعان ءجاي عانا كۇلكىلى بوپ كورىنگەن ەدى. دەگەنمەن، كەيىنىرەك ءار ادام ءبىر وتباسىنىڭ، قوعامنىڭ، ەلدىڭ پرەزيدەنتى ەكەنىن ءتۇسىندىم (كۇلىپ). - ياعني مەن سەكىلدى. ەگەردە ءاربىر ۋكرايندىق ءوزىن پرەزيدەنت سەزىنىپ، سونداي جاۋاپكەرشىلىكپەن ءومىر سۇرسە، ۋكراينا حالقى كوش سوڭىندا قالماسىنا كامىل سەنەمىن.

- ەۋروپا. ءيا ەۋروپا، ءبىز سوعان قاراي بەت تۇزەپ كەلەمىز. دەگەنمەن، ەۋروپا اناۋ شەكارانىڭ سىرتى ەمەس (ساۋساعىمەن باسىن نۇسقاپ) - مىنە مىندا. ەگەر ارقايسىمىز وسىنى ءتۇسىنىپ، سوعان قاراي ارەكەت ەتسەك، بىزدە دە ەۋروپاداعىداي "قوي ۇستىنە بوزتورعاي جۇمىرتقالاعان" زامان بولادى. ءبىز دە ەۋروپا اتانامىز!

- ءبىزدىڭ ارقايسىمىزدا بارىمىزگە ورتاق قاسىرەتتەر بار. ءبىز، ارقايسىمىز دونباستا جارالى بولدىق. قۇدايدىڭ ءار كۇنى سول جەردە ءبىر باۋىرىمىزدى جوعالتامىز. ءيا، ءار كۇنى... سوعىستىڭ ىزعارىنان جەر اۋدارعاندار اعىلىپ جاتىر ورتالىققا. سولاردىڭ قاسىرەتى بارىمىزدە بار.. جانە دە، ءۇيسىز-كۇيسىز قالعان وتانداستارىمىزعا ەسىگىن ايقارا اشىپ، ءوز تورىنەن ورىن بەرگەن ۋكراين جۇرتىنا مەن دە، سەندە ياعني، ءبارىمىز قارىزدارمىز.

- جانە دە، نان تابۋ، جان باعۋ ءۇشىن شەتكە كەتكەندەر. ءوز ەلى، ءوز جەرىنەن نەسىبە تاپپاي باسقا ەلگە كۇن كورۋگە كەتكەندەر جانە وسىنى توقتاتۋ ءۇشىن بارىن سالىپ، جانتالاسىپ جاتقانداردى كۇندە كورەم مەن. كورگەن سايىن جۇرەگىم اۋىرادى. بىراق، ۋاقىتى كەلە ءبىز ءبارىن جەڭەمىز. جەڭۋىمىز كەرەك! سەبەبى، ءبىز ءبارىمىز ۋكرايندىقپىز. كىم بولساق تا. از بولساق تا، كوپ بولساق تا، وڭ ساياسات نەمەسە سولدى ۇستاناتىندار، ەلدەگى نەمەسە شەتتەگىلەر دە. ەڭ باستىسى، ءبىز ءبارىمىز ۋكرايندىقپىز!

- مىنە بۇگىن، ءدال قازىر مەن (ساۋساعىمەن ءوزىن كورسەتىپ) پرەزيدەنت رەتىندە الەمدەگى ءار ۋكرايندىققا ۇندەۋ جولدايمىن. مەيلى ولاردىڭ كوبى ۋكراينامنىڭ قاسيەتتى جەرىندە تۋماسا دا... بارىنە... قادىرلى ۋكرايندىقتار، سىزدەر بىزگە، ءدال قازىرگى ۋاقىتتا اۋاداي قاجەتسىزدەر. ەگەر ەلىمە قايتىپ ۋكراينانى مىقتى ەل قىلۋعا ات سالىسامىن دەسەڭىزدەر.. كەلىڭىزدەر.. ءار قايسىڭىزعا ازاماتتىقتى قۋانا قۋانا بەرەم مەن.. جاعدايلارىڭدى جاساۋعا دا بار كۇشىمدى سالامىن»
.
«تەك. قوناققا ەمەس. ۇيگە قايتام دەپ كەلىڭىزدەر. ايتپاقشى، ەلگە سۋۆەنير، سىيلىق اكەلىپ قاجەت ەمەس. ودان دا وزدەرىڭمەن ءبىلىم مەن تاجىريبيە جانە مەكەن ەتكەن ەلدىڭ تاربيە قۇندىلىقتارىن الا كەڭىزدەرشى. وتىنەم. بۇل دۇنيەلەر بىزگە جاڭا ءداۋىر، ۋكراينانىڭ جاڭا زامانىن جاساپ شىعۋعا اسا قاجەت. ءبىز سونى.. جاسايمىز»

«ءبىزدىڭ جول. ءبىز.. فۋتبول جاعىنان يسلاندىقتار، جەرىن قورعاۋ جاعىنان يزرايل، تەحنولوگيا جاعىنان جاپونيا جانە باقىتتى ءومىر ءسۇرۋ جاعىنان شۆەتساريا جانە نيدەرلاندىداي بولۋ ءۇشىن.. الەمدەگى ۋكرايندىقتار بىزگە جول كورسەتسىن.. جەتەكتەسىن»

«جانە دە. ءبىزدىڭ ەڭ ءبىرىنشى ماقسات.. دونباسستاعى سوعىستى توقتاتۋ (وتە ۇزاق قول شاپالاقتاۋ). ماعان: ء"سىز سوعىستى توقتاتۋ ءۇشىن قانداي قۇرباندىقتارعا بارا الاسىز؟" دەگەن سۇراقتار ءجيى قويىلادى. قىزىق سۇراق. ال ءسىز جاقىن ادامداردى قۇتقارۋ ءۇشىن قانداي جانكەشتى دۇنيەلەر جاساي الاسىز؟ مەنىڭ جاۋابىم وسى.

نەگىزى. سىزدەرگە بار سەنىمدىلىكپەن ايتا الام. مەن ءبىزدىڭ باتىرلاردىڭ ەل ءۇشىن قۇربان بولماۋى ءۇشىن ءبارىن جاسايمىن. كەرەك بولسا پرەزيدەنتتىكتەن باس تارتۋعا دەيىن بارامىن.. تەك.. تەك سوعىستى توقتاتسام بولدى» (ۇزززاااق قول شاپالاقتاۋ). « بىراق.. ۋكراينا جەرىنىڭ ءبىر سۇيەمىن دە ەشكىمگە بەرمەيمىن» (زالداعىلار تۇرىپ، جاپپاي قول سوعىپ جاتىر).

« مەن كوپ نارسە ايتۋىما بولار ەدى. بىراق. مىلجىڭ سوزدەن ءبىزدىڭ جۇرت شارشاعان. مەن دە حالىقتىڭ ءبىرىمىن. مەن دە شارشادىم.. قىسقاسى. بىزگە ءسوز ەمەس، كوز كورەر ءىس كەرەك.»

«ءسوز سوڭىندا. قۇرمەتتى حالقىم. مەن ءومىر بويى «ۋكرايندىقتاردىڭ كۇلىپ جۇرۋىنە، كوڭىلدەرىن اۋلاۋعا بارىمدى سالدىم. بۇل مەنىڭ جولىم ەدى. ەندىگى بەس جىل ءومىرىمدى ۋكراينالىقتاردى جىلاتپاۋعا جۇمسايمىن»

بۋراحان داقانوۆ

Abai.kz