ۆاشينگتوننىڭ 116 ۇشاقتى ساتۋعا تىيىم سالاتىنى بۇرىن بەلگىلى بولعان، بىراق مەملەكەتتىك دەپارتامەنت پرەزيدەنتتىڭ رەسمي مالىمدەمەسىن كۇتكەن.

پەنتاگون F-35 ۇشاقتارى تۇركياعا ساتىلسا، رەسەي س-400 رادارىنىڭ كومەگىمەن جويعىشقا ورناتىلعان ەلەكترونيكا تۋرالى ماڭىزدى اقپاراتتى الىپ قويادى دەپ قاۋىپتەندى.

ەندى تۇرىك كاسىپكەرلەرى F-35 ۇشاعىنىڭ جۇزدەگەن بولشەكتەرىن ءوندىرۋ ليتسەنزياسىنان ايرىلادى. بۇل ءوندىرىس ناتو ەلدەرى اراسىنداعى اسكەري-تەحنيكالىق ارىپتەستىك اياسىندا جولعا قويىلعان ەدى. تۇركيا سول ارقىلى ەكى ميلليارد دوللاردان استام پايدا تاپقان. دونالد ترامپ F-35 شىعاراتىن “لوكحيد-مارتين“ كورپوراتسياسىنىڭ باسشىلىعىن وتەماقى رەتىندە قوسىمشا كەلىسىم-شارت قابىلداناتىنىن ەسكەرتكەن.

ترامپ تۇركيا پرەزيدەنتى رەدجەپ ەردوعاننىڭ رەسەيدەن س-400 كەشەنىن ساتىپ الۋ تۋرالى شەشىمىن تۇسىنىكپەن قابىلدادى، دەگەنمەن دەموكراتتار دا، كونگرەستەگى رەسپۋبليكاشىلار دا اق ءۇيدى تۇركياعا قارسى سانكتسيا قولدانۋعا شاقىرعان.

Abai.kz