اقيقاتى مىناۋ. قوستاناي وبلىسى ەلىمىزدىڭ باسقا وڭىرلەرى سەكىلدى وبلىستىڭ جاڭالىقتارىنان عانا ەمەس، سونداي-اق مەملەكەتىمىزدىڭ باسشىسىنىڭ سويلەگەن سوزدەرىنەن تۋىندايتىن قازىرگى جاعداي مەن الداعى مىندەتەر جايلى دەر كەزىندە ءبىلىپ وتىرۋعا مىندەتتى. الايدا بيلىك باسىنداعى ءبىزدىڭ ەلدىڭ يدەولوگياسىنىڭ تۇتقاسىن ۇستاپ وتىرعان جانداردىڭ پىكىرى باسقاشا سەكىلدى.

ولار ءۇشىن «ءار وبلىستىڭ ءوز پروبلەمالارى جەتكىلىكتى، ەندەشە ولارعا ەندى ەلدەگى ماڭىزدى دۇنيەلەردى ايتىپ، نەسىنە باسىن اۋىرتامىز» دەگەن ۇستام اسا ءتيىمدى سەكىلدى. مۇنىڭ ءوزى بيلىك باسىنا جاڭا عانا كەلگەن پرەزيدەنتتىڭ ۇستانعان ساياساتىن حالىققا جەتكىزۋگە دەگەن قارسىلىق ەمەس پە دەگەن ويعا جەتەلەيتىندىگى ءسوزسىز.

فاكتىگە جۇگىنەلىك. وسى ايدىڭ 15-ءى كۇنى پرەزيدەنتىمىز ۇكىمەتتىڭ كەڭەيتىلگەن وتىرىسىن وتكىزگەندىگى بەلگىلى. وندا قاسىم-جومارت كەمەلۇلى قازىرگى تاڭداعى اسا وتكىر ماسەلەلەرگە ارنايى توقتالىپ، ورەسكەل كەمشىلىكتەردىڭ بەتىن اشتى.

ءبىر قىزىعى، ونىڭ وسى باس قوسۋدا ەلىمىزدىڭ بۇگىنگى حال-احۋالىن جان-جاقتى ساراپتاعان سوزدەرىنىڭ تولىق ءماتىنى وبلىسىمىزداعى بيۋدجەتتەن قارجىلاندىرىلاتىن ەكى گازەت پەن ءبىر تەلەكومپانيادان ءتىپتى دە بەرىلگەن جوق. وبلىس جۇرتشىلىعى وسىناۋ ماڭىزدى جايتتان مۇلدەم بەيحابار قالدى. دەمەك، گازەتكە جازىلۋشىلاردىڭ وزدەرىنىڭ جان-جاقتى، تولىق اقپارات الۋ قۇقىعىنان ايىرىلدى دەسەك، ارتىق ايتقاندىق بولماس. سوندا مۇنى قالاي تۇسىندىك؟

ءبىز «وسى باسىلىمدار پرەزيدەنتتىڭ ءسوزىن ارنايى باسپاي وتىر» دەپ ايىپتاۋدان اۋلاقپىز. بيۋدجەتكە الاقان جايىپ وتىرعان سوڭ، ارينە قۇرىلتايشىسىنا قاراپ جالتاقتايدى. ولار، ارينە، وزدەرىنە ۇناي قويمايتىن ماتەريالداردى «باسا بەرىڭدەر» دەپ ايتپاسى بەلگىلى. باسىمىزدان وتكەن جاعداي عوي، نەسىنە جاسىرايىق. الايدا ءبىزدىڭ جۇمىس ىستەگەن كەزىمىزدە ءسال باسقالاۋ بولاتىن. ول تۇستا پرەزيدەنتتىڭ ءاربىر سويلەگەن ءسوزىن «قازاقپارات» اگەنتتىگى ورىسشا ايتىلعان جەرلەرىنىڭ تىگىسىن جاتقىزىپ، جاقسىلاپ اۋدارىپ، قوياتىن. گازەت رەداكتسيالارى ونى ەلەكتروندى پوشتا ارقىلى الىپ، ءىزىن سۋىتپاي، كەلەسى كۇنى-اق، ەش جەرىن وزگەرتپەستەن گازەتتە جارق ەتكىزەتىن، قازىر ءسىرا بۇل «ءداستۇر» مۇلدەم ەسكىرگەن ءتارىزدى. «قازاقپارات» ەندى مۇنىمەن اينالىسپايتىن سەكىلدى. ال وندايدى قاداعالاپ وتىراتىن ءتيىستى مەملەكەتتىك مەكەمەلەردىڭ بۇل جاعدايدى دۇرىستاۋعا قولدارى تيمەي جاتقان ءتارىزدى.

مۇمكىن، بار ماسەلە وسى وتىرىستا وبلىسىمىزدىڭ اكىمى ارحيمەد مۇقانبەتوۆكە قاراتا ايتىلعان ءبىراز وتكىر سىندا جاتقان دا بولار. ەندەشە، جۋرناليست رەتىندەگى مىندەتىمىز - حالىقتى قاجەتتى اقپاراتپەن قامتاماسىز ەتۋگە سەپتىگىمىزدى تيگىزۋ ءۇشىن قازاقستان رەسپۋبليكاسى پرەزيدەنتىنىڭ رەسمي سايتىندا جاريالانعان «مەملەكەت باسشىسى ق.توقاەۆتىڭ ۇكىمەتتىڭ كەڭەيتىلگەن وتىرىسىندا سويلەگەن سوزىندەگى» وبلىسىمىزدىڭ اكىمىنە ايتىلعان سىندى تولىق كەلتىرە كەتەلىك. قازاقشا تولىق ءماتىندى ەش جەردە كەزدەستىرە الماعاندىقتان پرەزيدەنتتىڭ ەسكەرتۋىن سول قالپىندا بەرۋگە ءماجبۇرمىز. قاسىم-جومارت كەمەلۇلى بيۋدجەت قارجىسىن ءتيىمدى پايدالانۋ قاجەكتتىگىن ايتا كەلە:  «درۋگوي پريمەر – ۆ گ. كوستاناە رەاليزۋەتسيا پروەكت پو سترويتەلستۆۋ س ۋچاستيەم گوسۋدارستۆا لەدوۆوگو دۆورتسا نا 4,5 ملرد. تەنگە پري ناليچي ۆ گورودە نەداۆنو رەكونسترۋيروۆاننوگو انالوگيچنوگو وبەكتا.

پري ەتوم ۆ وبلاستي يمەيۋتسيا پروبلەمى ۆودوسنابجەنيا سيول، اۆارينىح ۆودووچيستنىح سوورۋجەني، مالوكومپلەكتنىح شكول، مونوگورودوۆ ي درۋگيە.

ەتو ۆوپروس پريوريتەتنوستي ۆىدەلەنيا بيۋدجەتنىح سرەدستۆ. پرەجدە ۆسەگو وني دولجنى ۆىدەلياتسيا نا رەشەنيە ناسۋششنىح پروبلەم نارودا»،- دەگەن بولاتىن.

مىنە، وسى سوزدەر مۇنداعى حالىقتىڭ قۇلاعىنا جەتپەدى. وبلىس اكىمىنىڭ الدىنا قويىلعان كەلەلى ماسەلەلەردەن مۇلدەم حابارسىز قالدى. ءبىر قىزىعى، بۇل جايدى حالىققا ايتۋعا ارحيمەد تە اسىققان جوق. «جۇرتشىلىقپەن تىكەلەي بايلانىس جاسايمىن، ءسويتىن حالىقا ءبىرتابان جاقىن بولامىن» دەگەن جاقسى ويمەن اشىلعان ءوزىنىڭ «ينتراگرامىندا» دا ەشتەڭە ايتپادى. وسى ماسەلە جايلى سۇراق قويعان، وزدەرىن تاۋەلسىزبىن دەپ سانايتىن  «ناشا گازەتا» باسىلىمىنىڭ ءجۋرناليسى گالينا كاتكوۆاعا  دە جاۋاپ قايتارىلمادى.

اتالمىش وتىرىستان سوڭ، ىلە-شالا وتكەن وبلىستىق ءماسليحاتتىڭ كەزەكتى سەسسياسىندا دا بۇل تارقاتىلىپ ايتىلمادى. ياعني، بىزدە ءبارى دە «جابۋلى قازان جابۋلى» كۇيىندە، «باس سىنسا بورىك ىشىندە، قول سىنسا جەڭ ىشىندە» دەگەن تاماشا ادىسپەن ەش ۋايىم-قايعىسىز ءومىر ءسۇرىپ كەلەمىز.

سوندا بۇل قانداي ساياسات؟ باياعى ءبارىن دە حالىقتان جاسىرىن ۇستاۋ ءتارىزدى «يگى ءداستۇردىڭ» ودان ءارى جالعاستىرۋدىڭ قادىرسىز قاسيەتى مە؟ مۇمكىن، بۇعان ءتيىستى مينيسترلىك جاۋاپ قايتارار؟

ايتپاقشى، ءبىزدىڭ ارحيمەد ءبىر كەزدە باسشىلىق جاساعان اقتوبە وبلىسىندا پرەزيدەنتتىڭ سويلەگەن سوزىندە وبلىسقا قاتىستى سىن-پىكىرلەردى تالقىلاۋعا ارنالعان ارنايى جيىن ءوتتى. مۇنى از دەسەڭىز، نۇر-سۇلتان قالاسىنىڭ اكىمى التاي كولگىنوۆ ماسەلەنىڭ ءىزىن سۋىتپاي «ۆرەميا» گەزتىنە  پرەزيدەنت سىناعان جەڭىل رەلستى كولىك قۇرىلىسىنا جۇمسالعان مول قارجىىنى قالاي مەملەكەتكە قايتاراتىندىعىن تاپتىشتەپ ءتۇسىندىرىپ بەردى. ال ءبىزدىڭ ارحيمەد ءالى ءۇنسىز.

جايبەرگەن بولاتوۆ

قوستاناي

Abai.kz