5 تامىز كۇنى الماتى قالاسىنداعى قالالىق ءتورتىنشى كىتاپحانادا اكادەميك، عالىم قايرات ايدارحانۇلىنىڭ «قازاق ەمشىلىگى» اتتى ءۇش تومدىق كىتابىنىڭ تۇساۋكەسەرى ءوتتى.

بۇل زەرتتەۋ جۇمىسىنا 30 جىلدان استام عۇمىرىن ارناعان عالىم اتالعان ەڭبەگىندە قازاق دالاسىندا وزىنە ءتان مەديتسينانىڭ بار ەكەنىن دالەلدەۋگە تىرىسقان.

ونىڭ ايتۋىنشا، ۇلى دالانىڭ حالقى ادامدى ءتورت تۇلىك مالمەن، اڭ-قۇستىڭ تۇرلەرى ارقىلى دا قاتەرلى اۋرۋلاردى ەمدەپ وتىرعان. ماسەلەن، الەمدە شوپپەن ەمدەۋ، وسىمدىكتەردەن ءدارى جاساۋ جاعىنان تيبەت كوش باستاسا، قازاق دالاسى ەم جاساۋعا ارنالعان ءشوپتىڭ كوپتىگى جاعىنان ەكىنشى ورىندا.

«قازاقتىڭ ەمى اتام زاماننان بەرى قاراي جالعاسىپ كەلە جاتىر. مەن بۇل كىتاپتا وسى بايتاق دالانى قورعاپ قالۋ، قازاقتىڭ وسى كۇنگە دەيىن ۇلت بولىپ قالىپتاسۋى، بۇگىنگى كۇنگە جەتۋى قازاق مەديتسيناسى، قازاق ەمشىلىگى جايىندا جازدىم. ماسەلەن، ەشكى 650 ءتۇرلى ءشوپتى جەيدى. ول 650 ءتۇرلى ءدارى دەگەن ءسوز. سيىر، جىلقى، تۇيە قانشا جەيدى؟ مىنە، كىتاپتا وسىنىڭ بارلىعى جازىلعان»، – دەيدى مەديتسينا عىلىمدارىنىڭ كانديداتى قايرات ايدارحانۇلى.

«ارقا تورىندە»، «سىر مەن ساۋىر اراسى» اتتى ەڭبەكتەردىڭ اۆتورى بۇل جولعى شىققان كوپتومدىعىندا كىتاپحانالارعا تەگىن بەردى. مەديتسينا سالاسىندا 40 جىل ەڭبەك ەتىپ كەلە جاتقان مامان 17 مىڭنان استام ادامعا وتا جاساپتى. عالىم الداعى عۇمىرىندا ەمدىك شوپتەردى پايدالانۋدىڭ ناقتى جولدارىمەن اينالىسپاق.

دەرەككوز: Almaty.tv

Abai.kz