سەنبى, 21 قىركۇيەك 2019
بيلىك 1008 0 پىكىر 16 تامىز, 2019 ساعات 14:54

قازاقستاندا العاش رەت وڭىرلەر بويىنشا اۋقىمدى حالىقارالىق بلوگ-تۋر وتەدى

17 - 23 تامىز ارالىعىندا "قازاقستاندى تانى" جوباسى اياسىندا ترەۆەل-بلوگەرلەر رەتىندە كەڭىنەن تانىمال جانە مىڭداعان جازىلۋشى اۋديتوريالارى قالىپتاسقان 35 شەتەلدىك بلوگەرلەردىڭ قاتىسۋىمەن  حالىقارالىق بلوگ-تۋر وتەدى.

جوباعا قاتىسۋ ءۇشىن قازاقستانعا ۇلىبريتانيا، اۆستراليا، اقش، يتاليا، رەسەي، تايلاند، ءۇندىستان، گرەتسيا، كانادا، وڭتۇستىك كورەيا، تۇركيا، فيليپپين جانە كانادادان ۆيدەوبلوگەرلەر كەلەدى. ولار ءبىزدىڭ ەلدىڭ بلوگەرلەرىمەن بىرگە تاريحى تەرەڭگە جايىلعان كورىكتى جەرلەردى كورىپ، تابيعاتى تاڭعاجايىپ مەكەندەرمەن تانىسۋ ءۇشىن ەلىمىزدىڭ ايماقتارىن ارالاپ 5 كۇندىك تۋرنەگە اتتانادى.

بلوگ-تۋر قازاقستان وڭىرلەرىندە 5 باعىت بويىنشا ۇيىمداستىرىلادى:

1-باعىت: اۋماعى 440 شاقىرىمدى قۇراتىن شىعىس قازاقستان وبلىسى بويىنشا وتەدى. بلوگەرلەر: راحمان قاينارلارى، رادوستنىي اسۋى، برەل قورعاندارى، كاتون-قاراعاي اۋدانى، «كوسى ۆەرونيكي» سارقىراماسى، زىريان جانە وسينوۆكا اسۋىندا بولادى.

2- باعىت: تۇركىستان وبلىسىنداعى ساۋلەت ەسكەرتكىشتەرىنە ارنالادى. تۇركىستانداعى ارىستان باب، قوجا احمەت ياسساۋي كەسەنەلەرى، وتىرار مەن ساۋران ەجەلگى قالاشىعى، سونداي-اق اقسۋ جاباعىلى قورىعىندا بولادى.

3- باعىت: ورتالىق قازاقستان بويىنشا."بۋراباي" ۇلتتىق تابيعي پاركى، "بوتاي-بۋراباي" اشىق اسپان استىنداعى مۇراجايى، "الجير" مۇراجايى، نۇر-سۇلتان قالاسىنا ساياحات جاسايدى.

4- باعىت: باتىس قازاقستان وبلىسى بويىنشا. مارشرۋت اياسىندا اقتاۋ، بوزجىرا شاتقالدارى مەن القابى، كەندىرلى، توقماق مىسى، قاراقيە جانە تۇيەسكە بارادى.

5- باعىت: الماتى جانە الماتى وبلىسى بويىنشا. بلوگەرلەر الماتى، ۇلكەن الماتى وزەنى، شارىن شاتقالى، قايىڭدى كولى، تاڭبالى تاس جانە التىن ەمەلگە بارادى.

بلوگ-تۋردىڭ قورىتىندىسى بويىنشا بلوگەرلەر قازاقستان بويىنشا ساياحات تۋرالى بەينە شولۋ جاساپ، YouTube-تاعى ءوز ارنالارىنا ورنالاستىرادى.

تۋر اياقتالعاننان كەيىن بلوگەرلەر 24-25 تامىز ارالىعىندا نۇر-سۇلتان قالاسىندا وتەتىن "قازاقستاندى تانى" اتتى حالىقارالىق بلوگەرلەر فورۋمىنا قاتىسادى. فورۋم بارىسىندا قاتىسۋشىلار ءۇشىن سۋپەر-اقپاراتتىق جانە پايدالى ماستەر-كلاستار ۇيىمداستىرىلادى، وندا ولار بلوگينگتى دامىتۋعا ارنالعان بارلىق فيشكالار تۋرالى بىلەدى. ولار: "ترەۆەل بلوگينگ", "YouTube-بلوگەر ءپروفيلىن دامىتۋ /لوم", "بيزنەس-بلوگينگ", "Instagram-بلوگەر ءپروفيلىن دامىتۋ / لوم", "Qazaq Instagram" جانە باسقالار. سونىمەن قاتار، جاتتىقتىرۋشىلار Instagram جانە Youtube بلوگەرلەردىڭ پروفيلدەرىن قالاي دامىتۋ جانە ساپالى مۋلتيمەديالىق كونتەنت قۇرۋ تۋرالى بىلىمدەرىمەن بولىسەدى.

ءىس-شارانى ۇيىمداستىرۋشىلار "ازاماتتىق باستامالاردى قولداۋ ورتالىعى" كەاق جانە قر اقپارات جانە قوعامدىق دامۋ مينيسترلىگىنىڭ قولداۋىمەن "A kind heart" قب.

جوبانىڭ ستراتەگيالىق سەرىكتەستەرى - ەلىمىزدىڭ ەڭ ءىرى ينتەرنەت باق – "Internet Portal NUR" جشس، قازاقستانداعى Youtube-ءتىڭ رەسمي سەرىكتەسى - "Power Media" جشس جانە تۋريزم سالاسىنداعى قازاقستاننىڭ برەند-مەنەدجەرى بولىپ تابىلاتىن "Kazakh Tourizm" ۇلتتىق كومپانياسى.

جوبا قازاقستانداعى جاستار جىلى اياسىندا جۇزەگە اسىرىلۋدا جانە دارىندى جاستارعا كومەكتەسۋ، ەلدەگى تۋريزم مەن بەينەبلوگگينگتى دامىتۋعا باعىتتالعان.

«A kind heart» قب

انىقتاما ءۇشىن تەل.: 87010933000

Abai.kz

0 پىكىر