قىزىلوردا قالاسىندا اۋماعى 20 گەكتاردى قۇرايتىن، جىلىنا 60 مىڭ توننا قاتتى قالدىقتى سۇرىپتايتىن جاڭا پوليگون پايدالانۋعا بەرىلمەك، - دەپ حابارلايدى اباي-اقپارات.

بۇل تۋرالى وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسى باسشىسىنىڭ ورىنباسارى جۇلدىزاي ايتجانوۆا مالىمدەدى. ونىڭ سوزىنشە، اتالمىش نىساننىڭ قۇرىلىس مەملەكەتتىك-جەكەمەنشىك ارىپتەستىك اياسىندا جۇزەگە اسىرىلادى.

قازىرگى تاڭدا سىر وڭىرىندە تۇرمىستىق قالدىقتاردى قايتا وڭدەۋ ءىسى ءبىر جولعا قويىلعان. قىزىلوردا وبلىسى قالدىقتاردى كادەگە جاراتۋ جۇمىسىندا 3 باعىتتا جۇيەلى جۇمىس جۇرگىزۋدە. ايماقتا تۇرمىستىق قاتتى قالدىقتاردى قايتا وڭدەۋدىڭ ۇلەسى وتكەن جىلدارمەن سالىستىرعاندا جوعارى.

– تۇرمىستىق قاتتى قالدىقتاردى كادەگە جاراتۋ ۇلەسى 7,58%. وتكەن جىلى كورسەتكىش 3,19%-ى قۇراعان. قالدىقتاردى جيناۋ جانە تاسىلماداۋ قىزمەتىندە دە وزگەرىس بار. 6 ايدىڭ قورىتىندىسىنا سايكەس، ءوڭىر تۇرعىندارىنىڭ 60,87%-ى تۇرمىستىق قاتتى قالدىقتاردى تاسىمالداۋ قىزمەتىمەن قامتاماسىز ەتىلگەن. قالدىقتاردى سۇرىپتاۋ ارقىلى ونى پوليگونعا جەتكىزۋ ماڭىزدى. بۇگىندە ەكولوگيالىق جانە سانيتاريالىق تالاپتارعا سايكەس كەلەتىن تۇرمىستىق قاتتى قالدىقتار پوليگوندارىنىڭ ۇلەسىن 3,45% جەتكىزۋ جوسپارلانىپ وتىر، - دەيدى جاۋاپتى باسقارما وكىلى.

بۇگىنگى تاڭدا وبلىس كولەمىندە 54036 مىڭ توننا قاتتى قالدىقتار جينالىپ، ونىڭ 3248 تونناسى قايتا وڭدەلگەن.

Abai.kz