Oبلىس اكىمى، «Nur Otan» پارتياسى قىزىلوردا وبلىستىق فيليالىنىڭ توراعاسى ق.د. ىسقاقوۆتىڭ  توراعالىعىمەن «يندۋستريالدى دامۋ»  باعىتىنداعى پارتيالىق تىڭداۋ ءوتتى. ماجىلىستە مەملەكەتتىك «ءبىلىم»، «دەنساۋلىق» جانە «يندۋستريا» باعدارلامالارىنىڭ ايماقتا جۇزەگە اسىرىلۋى تۋرالى ايتىلدى.

ءبىرىنشى كەزەكتە وبلىستىق ءبىلىم باسقارماسىنىڭ باسشىسى م.مەلدەبەكوۆا مەملەكەتتىك «ءبىلىم» باعدارلاماسىنىڭ وڭىردە جۇزەگە اسۋ بارىسى جايلى باياندادى.

«ءبىز ءوز تۇلەكتەرىمىزدىڭ 97 پايىزى جوعارعى وقۋ ورىندارى مەن كوللەدجدەرگە تۇسكەنىن ماقتانىشپەن ايتامىز. بۇل جەتىستىككە جەتۋ ءۇشىن ق.ەلەۋۇلى ءبىلىم سالاسىنا قاتىستى باتىل شەشىمدەر قابىلداپ، سالانىڭ دامۋىنا كوپ قولداۋ كورسەتكەنىن بارشاڭىز بىلەسىزدەر! جالپى، ءبىلىم سالاسىنا قاتىستى مەنىڭ ۇستانىمىم ايقىن: ساپالى ءبىلىم بەرۋ ارقىلى بالانىڭ بولاشاعىن قالىپتاستىرۋ. شىنىنا كەلگەندە، ءبىز بارلىعىمىز وسى بالالاردىڭ كەلەشەگى ءۇشىن جۇمىس ىستەپ جاتىرمىز»،-دەدى ايماق باسشىسى.

وبلىستىق دەنساۋلىق ساقتاۋ باسقارماسىنىڭ باسشىسى ج.ابدۋسامەتوۆ «دەنساۋلىق» باعدارلاماسىنىڭ وبلىستا ورىندالۋى تۋرالى ايتتى.

مەملەكەت باسشىسىنىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىنان تۋىندايتىن مىندەتتەردىڭ ءبىرى ەكونوميكانى ءارتاراپتاندىرۋ، يننوۆاتسيانى دامىتۋ ارقىلى ەڭبەك ونىمدىلىگىن ارتتىرۋ جانە تىكەلەي شەتەلدىك ينۆەستيتسيا تارتۋ بولىپ تابىلادى.

وسىعان بايلانىستى وبلىس اكىمى: «بيىلعى جىلى يندۋستريالاندىرۋ باعدارلاماسىنىڭ ەكىنشى بەسجىلدىعىن اياقتاپ، ءۇشىنشى بەسجىلدىققا اياق باسقالى تۇرمىز. وسى ورايدا، پرەزيدەنت ق.توقاەۆ يندۋستريالاندىرۋدىڭ ءۇشىنشى بەسجىلدىعىن جۇزەگە اسىرۋ بارىسىندا بۇرىن جىبەرىلگەن قاتەلىكتەر مەن ولقىلىقتاردى ەسكەرۋ قاجەتتىگىن تاپسىردى»،-دەپ ەسكە سالدى.

ايتا كەتەيىك،  يندۋستريالاندىرۋ باعدارلاماسىنىڭ ءى جانە ءىى بەسجىلدىعى اياسىندا وڭىرىمىزدە  24 جوبا ىسكە اسىرىلىپ، ناقتى 1442 جۇمىس ورنى اشىلدى. اعىمداعى جىلدىڭ 7 ايىندا ىسكە قوسىلعان 24 جوبانىڭ 18 جوسپارلى قۋاتتىلىقتى 90-100% يگەردى.  مەملەكەتتىك باعدارلاما بەكىتىلگەن يندۋستريالاندىرۋدىڭ 6 باسىم باعىتى بار، ولار: مەتاللۋرگيا، حيميا، مۇناي حيمياسى، ماشينا جاساۋ، قۇرىلىس ماتەريالدارىن شىعارۋ جانە تاماق ونەركاسىبى.

بۇگىن ءبىرىنشى بولىپ ارال مەن قازالى اۋداندارىنىڭ يندۋستريالدى دامۋ ماسەلەسى تالقىلاندى. الداعى ۋاقىتتا «يندۋستريالدى دامۋ» باعىتى بويىنشا قىزىلوردا قالاسى مەن اۋدان اكىمدەرى  دە حابارلاما جاسايتىن بولادى.

وبلىس حالقى ءبىرىنشى بەسجىلدىقتا ارال، قازالى اۋداندارىندا ىسكە قوسىلعان تاۋارلى ءسۇت فەرماسى، اس تۇزى، بالىق وڭدەۋ سياقتى زاۋىتتاردىڭ يگىلىگىن كورۋدە. سول كاسىپورىنداردا جۇمىس ىستەپ، وتباسىن اسىراپ، بىرقاتارى رەسپۋبليكالىق كونكۋرستاردا جۇلدەلى ورىنداردى يەلەنىپ، وبلىستىڭ ءيميدجىن كوتەرۋدە.

دەسەك تە، بىرقاتار ماسەلەلەر ءالى كۇنگە شەشىمىن تاپپاي كەلەدى.

«يندۋستريالاندىرۋ باعدارلاماسى اياسىندا ارال مەن قازالى اۋداندارىندا اتقارىلعان جۇمىستاردى ودان ءارى جەتىلدىرۋ قاجەت. يندۋستريالاندىرۋ باعدارلاماسى مەن يندۋستريالىق ايماقتار جۇمىسىندا بىرقاتار كەمشىلىكتەر ورىن الىپ وتىر. سوندىقتان جۇمىستى جانداندىرىپ، جىل سوڭىنا دەيىن يندۋستريالىق ايماقتاردى تولتىرۋ بويىنشا بەكىتىلگەن مەجەنى يگەرۋگە جۇمىس ىستەيىك. ارال، قازالى اۋداندارى بويىنشا ءتيىستى تاپسىرمالار بەرىلدى. ولاردىڭ ورىندالۋىن تالاپ ەتەمىن»،-دەدى وبلىس اكىمى.

ماجىلىستە شيكىزاتتىق ەمەس سەكتوردى دامىتۋ باستى نازارعا الىنعانى ايتىلدى. وعان قوسا، بيىلدان باستاپ رەسپۋبليكادا وڭدەۋ ونەركاسىبىنىڭ ىشكى سالالارىن دامىتۋعا باعىتتالعان «قاراپايىم زاتتار ەكونوميكاسى» باعدارلاماسى ىسكە اسىرىلۋدا.

سونىمەن قاتار، ماجىلىستە وبلىستىق يندۋستريالىق-يننوۆاتسيالىق دامۋ باسقارماسىنىڭ باسشىسى  رينات سۇلتانگەرەەۆ پەن وبلىستىق كىرىستەر دەپارتامەنتى باسشىسىنىڭ مىندەتىن اتقارۋشى ادىلبەك بەكىشوۆ يندۋستريا باعىتىنداعى جوبالاردىڭ ىسكە اسىرىلۋى تۋرالى باياندادى.

ايماق باسشىسى: «ءبىزدىڭ بۇگىنگى ماقساتىمىز پارتيالىق تىڭداۋدا وزەكتى ماسەلەلەردىڭ بارلىعىن كوتەرىپ، ولاردى شەشۋ ءۇشىن ناقتى شەشىمدەر قابىلداۋ»,-دەپ قورىتىندىلادى.

Abai.kz