قازاقستان رەسپۋبليكاسى مادەنيەت جانە سپورت مينيسترلىگىنىڭ ءتىل ساياساتى كوميتەتى ۇستىمىزدەگى جىلعى 20 قىركۇيەكتە قازاقستان رەسپۋبليكاسى قازاقستان حالقى تىلدەرى كۇنىنە وراي ءداستۇرلى اباي اتىنداعى كوركەمسوز وقۋ شەبەرلەرىنىڭ رەسپۋبليكالىق بايقاۋىن  وتكىزەدى.

بايقاۋدىڭ ماقساتى – قازاق ءتىلىنىڭ كوركەمدىك ەرەكشەلىگىن، باي سوزدىك قورىن ناسيحاتتاۋ، اباي جانە باسقا دا قازاق ادەبيەتى كلاسسيكتەرىنىڭ شىعارمالارىن ورىنداۋ ارقىلى قازاقتىڭ كوركەم ادەبيەتىنە جاستاردىڭ ىقىلاسىن ارتتىرۋ بولىپ تابىلادى.

اباي اتىنداعى كوركەمسوز وقۋ شەبەرلەرىنىڭ رەسپۋبليكالىق بايقاۋىنا ەلىمىزدىڭ وبلىستارىندا جانە نۇر-سۇلتان، الماتى، شىمكەنت قالالارىندا وتكىزىلگەن وڭىرلىك كونكۋرستاردىڭ 17 جەڭىمپازى قاتىسادى. بايقاۋ ەرەجەسىنە سايكەس ۇمىتكەرلەر:

1) بەيىمبەت ءمايليننىڭ، ساكەن سەيفۋلليننىڭ 125 جىلدىعىنا وراي كوركەمدىگى جوعارى پروزالىق شىعارمالارىنان ءۇزىندى وقيدى.

2) ءسابيت دونەنتاەۆتىڭ، ءىلياس جانسۇگىروۆتىڭ 125 جىلدىعىنا جانە فاريزا وڭعارسىنوۆانىڭ 80 جىلدىعىنا وراي پوەزيالىق شىعارمالارىنان ءۇزىندى وقيدى;

بايقاۋ جەڭىمپازدارى ديپلومدار جانە باعالى سىيلىقتارمەن ماراپاتتالادى.

وتەتىن ۋاقىتى: 2019 جىلعى 20 قىركۇيەك

ءىس-شارانىڭ باستالۋى: ساع: 10.00

وتەتىن ورنى: الماتى وبلىسى، تالدىقورعان قالاسى، ءى.جانسۇگىروۆ اتىنداعى مادەنيەت سارايى، تاۋەلسىزدىك كوشەسى، 68 ءۇي

Abai.kz