17 قىركۇيەكتە الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ وتىرىسى اياسىندا كونفەسسياارالىق جانە وركەنيەتارالىق ديالوگتى دامىتۋ بويىنشا ن.نازارباەۆ ورتالىعى يسلاماباد حالىقارالىق يسلام ۋنيۆەرسيتەتىنىڭ يسلامتانۋ ينستيتۋتىمەن ءوزارا تۇسىنىستىك تۋرالى مەموراندۋمعا قول قويدى.

تاراپتار مەموراندۋم اياسىندا اقپارات الماسۋ، ءدىني سالانىڭ وزەكتى ماسەلەلەرى بويىنشا وزەكتى جانە پەرسپەكتيۆالى عىلىمي-زەرتتەۋ جوبالارىن بىرلەسىپ تالداۋ ارقىلى دىنارالىق جانە كونفەسسياارالىق ديالوگ پەن كەلىسىم سالاسىندا ءوزارا ءىس-قيمىل جاساۋعا كەلىستى.

يسلاماباد حالىقارالىق يسلام ۋنيۆەرسيتەتىنىڭ يسلام زەرتتەۋلەر ينستيتۋتىنىڭ باس ديرەكتورى مۇحاممەد زيا ۋل-حاك بەيبىت ديالوگ ارقىلى دىندەر مەن مادەنيەتتەر اراسىنداعى الاۋىزدىقتى جەڭۋگە باعىتتالعان جاھاندىق قاۋىپسىزدىكتى نىعايتۋ جونىندەگى قازاقستاننىڭ باستامالارىن جوعارى باعالادى. «الەمدىك جانە ءداستۇرلى دىندەر ليدەرلەرىنىڭ سەزى كەڭ حالىقارالىق تانىمالدىلىققا يە بولدى جانە ءارتۇرلى ءدىن وكىلدەرى اشىق جانە سەنىمدى احۋالىندا قازىرگى زاماننىڭ ەڭ وزەكتى ماسەلەلەرىن تالقىلايتىن تۇراقتى ديالوگ الاڭى بولىپ تابىلادى»، - دەدى ول.

التاي ابيبۋللاەۆ سىندارلى ءوزارا ءىس-قيمىل تۋرالى ايتا كەلە، ورتالىقتىڭ قىزمەتى ۇقساس حالىقارالىق ۇيىمدارمەن ىنتىماقتاستىققا باعىتتالعانىن اتاپ ءوتتى. «ءبىز كونفەسسياارالىق جانە وركەنيەتارالىق قارىم-قاتىناستى دامىتۋ بويىنشا ن.نازارباەۆ ورتالىعىنىڭ بۇۇ ۇيىمدارىمەن ىنتىماقتاستىق ورناتۋ ماسەلەلەرى بويىنشا جۇمىس ىستەپ جاتىرمىز»، - دەدى ول.

بۇگىن سەزد حاتشىلىعىنىڭ جۇمىس توبىنىڭ وتىرىسى ءوتىپ، وعان الەمنىڭ 14 ەلىنەن ءداستۇرلى ءدىن وكىلدەرى قاتىسۋدا. ۇيىمداستىرۋشىلار جۇمىس توبىنىڭ وتىرىسى 2021 جىلى وتەتىن الەمدىك جانە ءداستۇرلى دىندەر ليدەرلەرىنىڭ الداعى جەتىنشى سەزىنە ارنالعان نەگىزگى ۇستانىمداردى قالىپتاستىرۋ بويىنشا حالىقارالىق دىنارالىق ىنتىماقتاستىق ءۇشىن وزىندىك الاڭ بولادى دەپ اتاپ وتەدى.

Abai.kz