بيلىك قازىر تولقىپ وتىر دەۋگە دە، قورقىپ وتىر دەۋگە دە بولادى. سەبەبى، ۆاتساپ توپتاردا 21-قىركۇيەك كۇنى وتەتىن ميتينگكە شاقىرۋ تولاستار ەمەس. ارلەپ، اسپەتتەپ پوستەرلەر تاراتىپ وتىرعان ادامداردىڭ بىزدە زاڭمەن تيىم سالىنعان دۆك ۇيىمىنان. ارينە، اقىلىنان الجاسپاعان ادامدار دۆكانىڭ ايتاعىنا ەرە قويماس. سەبەبى، بۇل دۆكامىز دا سەنىمنەن شىققالى قاشان. اۋەلگىدە قازىرگى جۇيەدەن شارشاعان جۇرت ءابلازوۆتىڭ ارتىنان بىرازعا دەيىن ەردى. ونىڭ ەل-جۇرتتى، مەملەكەتتى ويلامايتىنىن، تەك ءوزىنىڭ جەكە باس كەگىنىڭ سوڭىنا ءتۇسىپ كەتكەن ادام ەكەنىن بىلگەن جۇرتتىڭ بارلىعى ودان تەرىس اينالۋدا.

بىراق، قورىققاننىڭ ءجونى وسى ەكەن دەپ ءوز ويىن اشىق ايتىپ جۇرگەن ادامداردى جەلكەلەپ الىپ كەتۋ دۇرىس ەمەس. بۇل ارەكەتپەن بيلىك وزىنە قارسى ادامداردى كوبەيتپەسە ازايتۋى نەعايبىل.

ميتينگتەردىڭ الدىن الۋ ءۇشىن ساياسات ساحناسىندا كوپتەن كورىنبەي كەتكەن ەرتىسباەۆتى "جارق" ەتكىزۋ مانەۆرى ويداعىداي اسەر بەرمەدى. ءيا، الەۋمەتتىك جەلىدە ءبىراز تالقىلادىق تا قويدىق. ەرتىسباەۆ مىرزا وزىنە حالىقتى سەندىرە الاتىن تۇلعا ەمەس. ەشقاشان ونداي قاسيەتى دە بولماعان.

توقاەۆ مىرزا ءوز جولداۋىندا ميتينگتەرگە رۇقسات بەرۋ جايلى ايتقان بولاتىن. وسىنى جوعارىداعىلار ءوز تاراپتارىنا ءساتتى پايدالانىپ قالۋعا نە كەدەرگى؟ ادامدارعا ىشىندەگى زاپىراندى سىرتقا شىعارۋعا مۇمكىندىك بەر. ءيا، زاڭنامالىق تۇرعىدان قاراساق پالەن كۇن بۇرىن ارىز جازۋ كەرەك. ول ارىزعا رۇقسات ەتىلگەنى نەمەسە رۇقسات بەرمەگەندىگى جايلى ءۋاج جازىلۋ كەرەك. قازىر، جەر-جەردە رۇقسات سۇراعانداردىڭ ءوتىنىشى ءتۇرلى سىلتاۋمەن كەرى قايتۋدا. ەگەر، رۇقسات بەرىلسە ميتينگ ۇيىمداستىرۋشىلار دا وزدەرىنە تارتىپسىزدىك بولمايتىندىعى جايلى جاۋاپكەرشىلىك الادى.

وسىنى ارينە قارسى تاراپ وزىنە ءساتتى پايدالانۋعا تىرىسادى جانە ادەمى پايدالانۋدا. وسىلايشا قازىر ءوزىمىز وتىرعان بۇتاقتى ءوزىمىز ارالاۋدامىز.
جۇرتتىڭ كوبىنىڭ دۆكاعا ەرگىسى كەلمەيدى. بىراق، شەر تارقاتاتىن الاڭ بەرمەگەن سوڭ سول توپقا قوسىلماعاندا نە ىستەيدى؟

ءيا، مەن ءوز باسىم دۆك عا و باستان قارسىمىن. ولاردىڭ ۇيىمداستىرعان شارالارىنىڭ بارلىعىنا قارسىمىن.ءبىراز بەلسەندىلەردىڭ حالىققا دۆكا ۇيىمداستىرعان ميتينگتەرگە قاتىسپاۋىن جازىپ جۇرگەنىن تالاي مارتە بايقادىم. وسى فەيسبۋك بەتىندە دە، ومىردە دە.

اعايىن، ازىرگە سەنى ايايىن دەپ وتىرعان ەشكىم جوق. ءوزىڭدى ساياسي لاس ويىننان اۋلاق ۇستا. تاپ وسى ميتينگىگە قاتىسپاي-اق قويشى.

ايسۇلتان جاقىپتىڭ facebook پاراقشاسىنان

Abai.kz