قاسيەتتى رامازان قۇتتى بولسىن!
بۇگىن - قاسيەتتى ورازانىڭ ءبىرىنشى كۇنى.
اللانىڭ امىرىنە بويۇسىنىپ، مۇسىلماننىڭ بەس پارىزىنىڭ ءبىرى - ورازا تۇتىپ، نيەت ەتكەن بارشا ءدىن قارىنداس جۇرتقا ورازا قابىل بولسىن ايتامىز!
قۇداي ءۋا تاباراكا-تاعالا قۇلشىلىقتارىڭىزدى، نيەتتەرىڭىز بەن تىلەكتەرىڭىزدى قابىل ەتسىن! ءار كۇنگى ورازادا حالقىمىزدىڭ اماندىعىن، مەملەكەتىمىزدىڭ بۇتىندىگىن، ەل مەن جەردىڭ باقۋاتتى بولىپ، الاش ۇرپاعىنىڭ داڭقى اسقاقتاۋىن تىلەيىك.
«اباي-اقپارات»
قاسيەتتى رامازان قۇتتى بولسىن!
2011 جىلدىڭ 1 تامىزى - قاسيەتتى رامازان ايىنىڭ ءبىرىنشى كۇنى
قۇرمەتتى مۇسىلمان باۋىرلار، قىمباتتى وتانداستار!
بارشاڭىزدى مۇباراك رامازان ايىنىڭ كەلۋىمەن شىن جۇرەكتەن قۇتتىقتايمىن! بيىل - سۇيىكتى وتانىمىز ءۇشىن ەرەكشە جىل. ەل تاۋەلسىزدىگىنىڭ 20 جىلدىعى. ءدال وسى ايتۋلى كەزەڭدە ەگەمەن ەلىمىز يسلام ىنتىماقتاستىق ۇيىمىنىڭ تىزگىنىن قولعا الىپ، قازاقتىڭ بايتاق دالاسىنىڭ شەجىرە - تاريحى يسلاممەن بىتە قايناسىپ جاتقاندىعىن ءدۇيىم جۇرتقا پاش ەتۋدە. وسىناۋ مارتەبەلى قىزمەتتە ەلىمىزگە اللا تاعالادان زور ابىروي ءناسىپ ەتۋىن تىلەيىك.
بۇگىن - قاسيەتتى ورازانىڭ ءبىرىنشى كۇنى.
اللانىڭ امىرىنە بويۇسىنىپ، مۇسىلماننىڭ بەس پارىزىنىڭ ءبىرى - ورازا تۇتىپ، نيەت ەتكەن بارشا ءدىن قارىنداس جۇرتقا ورازا قابىل بولسىن ايتامىز!
قۇداي ءۋا تاباراكا-تاعالا قۇلشىلىقتارىڭىزدى، نيەتتەرىڭىز بەن تىلەكتەرىڭىزدى قابىل ەتسىن! ءار كۇنگى ورازادا حالقىمىزدىڭ اماندىعىن، مەملەكەتىمىزدىڭ بۇتىندىگىن، ەل مەن جەردىڭ باقۋاتتى بولىپ، الاش ۇرپاعىنىڭ داڭقى اسقاقتاۋىن تىلەيىك.
«اباي-اقپارات»
قاسيەتتى رامازان قۇتتى بولسىن!
2011 جىلدىڭ 1 تامىزى - قاسيەتتى رامازان ايىنىڭ ءبىرىنشى كۇنى
قۇرمەتتى مۇسىلمان باۋىرلار، قىمباتتى وتانداستار!
بارشاڭىزدى مۇباراك رامازان ايىنىڭ كەلۋىمەن شىن جۇرەكتەن قۇتتىقتايمىن! بيىل - سۇيىكتى وتانىمىز ءۇشىن ەرەكشە جىل. ەل تاۋەلسىزدىگىنىڭ 20 جىلدىعى. ءدال وسى ايتۋلى كەزەڭدە ەگەمەن ەلىمىز يسلام ىنتىماقتاستىق ۇيىمىنىڭ تىزگىنىن قولعا الىپ، قازاقتىڭ بايتاق دالاسىنىڭ شەجىرە - تاريحى يسلاممەن بىتە قايناسىپ جاتقاندىعىن ءدۇيىم جۇرتقا پاش ەتۋدە. وسىناۋ مارتەبەلى قىزمەتتە ەلىمىزگە اللا تاعالادان زور ابىروي ءناسىپ ەتۋىن تىلەيىك.
رامازان - ون ەكى ايدىڭ سۇلتانى، بەرەكەلى دە كەشىرىمى مول اي. بۇل ايدىڭ باستى ەرەكشەلىگى اللا تاعالا يسلامنىڭ بەس پارىزىنىڭ ءبىرى بولعان ورازانى وسى ايدا ۇستاۋدى پارىز ەتتى. ەكىنشىدەن ادامزات بالاسىن تۋرا جولعا باعىتتايتىن، اقيقات پەن جالعاندى، ساۋاپ پەن كۇنا اراسىنداعى پارىقتى ايقىنداپ بەرەتىن قاسيەتتى قۇران وسى ايدا ءتۇسىرىلدى. سوندىقتان بۇل ايدا وقىلعان قۇران اياتتارىنىڭ ساۋابى، اتقارعان ىزگى ءىس-امالداردىڭ ساۋابى وزگە ايلارعا قاراعاندا ەسەلەپ ارتادى. قۇدسي حاديستە اللا تاعالا بىلاي دەيدى: «ورازا تەك مەن ءۇشىن. ونىڭ سىيىن (ساۋابىن) ءوزىم عانا بەرەمىن. ويتكەنى، پەندە مەن ءۇشىن شاقۋات قالاۋى مەن ءىشىپ-جەۋدەن باس تارتتى». ۇشىنشىدەن مىڭ ايدان دا قايىرلى قادىر ءتۇنىنىڭ وسى ايدا ورىن الۋى دا جاراتۋشىنىڭ پەندەسىنە تارتۋى .
رامازان ايىندا ورازا ۇستاۋ - مۇسىلمان ادامنىڭ موينىنداعى بەس پارىزدىڭ ءبىرى. قاسيەتتى قۇراندا: «ەي، يمان كەلتىرگەندەر! سەندەردەن بۇرىنعىلارعا پارىز ەتىلگەندەي تاقۋالىققا جەتۋلەرىڭ ءۇشىن ورازا ۇستاۋ سەندەرگە دە پارىز ەتىلدى» («باقارا» سۇرەسى، 183-ايات) - دەپ بۇيرىلعان. ارينە بۇرىنعى وتكەن پايعامبارلاردىڭ ۇمبەتتەرى دە ءوز كەزەگىندە ورازا ۇستاپ وتكەن. حاديس-شاريفتە: «يسلام بەس تىرەككە نەگىزدەلگەن: اللادان باسقا ەشبىر قۇداي جوقتىعىنا جانە مۇحاممەد ونىڭ ەلشىسى ەكەنىنە كۋالىك بەرۋ، ناماز وقۋ، زەكەت بەرۋ، قاجىلىق جانە رامازاندا ورازا تۇتۋ»،- دەپ ورازا ۇستاۋ يسلامنىڭ شارتىنان ەكەندىگىن بىلدىرسە، مىنا حاديستە: «كىمدە-كىم شىن كوڭىلمەن يلانىپ، كامىل يمانمەن، ساۋابىن اللا تاعالادان كۇتىپ، رامازان ورازاسىن ۇستايتىن بولسا، ونىڭ وتكەن كۇنالارى كەشىرىلەدى»، دەي كەلە ورازانىڭ ۇلىق عيبادات ەكەندىگىن سۇيىنشىلەيدى. دەمەك، پەندەلىكپەن ىستەگەن كەمشىلىك - قاتەلىكتەرگە وكىنىپ، تاۋباعا كەلىپ، ساۋابىن اللا تاعالادان ءۇمىت ەتە ورازا ۇستاۋ - بارشا جاماندىقتارعا كەشىرىم بولارى ءشۇباسىز. كۇناسىز ادام بولمايتىندىعىن ەسكەرسەك، ورازا ايى سول وتكەن كۇنالاردىڭ كەشىرىلۋىنە سەبەپ بولماق، باۋىرلار!
ورازا ۇستاعان كىسىگە بەرىلەتىن ساۋاپتى تىلمەن ايتىپ جەتكىزۋ دە، سيپاتتاۋ دا مۇمكىن ەمەس. رامازان ايى تەك ورازانىڭ ساۋابىنا كەنەلەتىن ەمەس، كۇنالاردىڭ دا كەشىرىلەتىن كەشىرىم ايى. جاراتقان اللا ورازا ۇستاعانداردى كوز كورمەگەن، قۇلاق ەستىمەگەن جانە ادامزات قيالى جەتپەيتىن جاقسىلىعىمەن ماراپاتتايدى.
ادام پەندەلىكپەن وزگە قۇلشىلىقتى كورەر كوزگە، اتاق، ابىروي ءۇشىن جاساۋى مۇمكىن. الايدا ورازانى كورەر كوزگە، ريالىقپەن تۇتا المايدى. ورازانى اللاعا شىن سەنگەن مۇسىلمان عانا ۇستايدى.
الايدا، ورازا تەك تاڭنىڭ اتىسىنان كۇننىڭ باتىسىنا دەيىن ءنار تاتپاۋ عانا ەمەس. ورازا - رۋحتىڭ ازىعى، ءتاننىڭ شيپاسى. ول دەنساۋلىقتى ساۋىقتىرۋ ارقىلى ءتاندى رۋحاني تازارتادى. ارداقتى پايعامبارىمىز (س.ع.س.): «ورازا ۇستاڭدار، دەنساۋلىقتارىڭ جاقسى بولادى»،- دەپ تەكتەن تەك ايتپاعان. ورازا - مۇسىلمان ءۇشىن ۇلكەن سابىر مەكتەبى. اۋزى بەكىتۋلى جان ادەپ بىلمەس پەندەلەردىڭ وزىنە جاساعان كەيبىر وعاش ءىس-ارەكەتتەرىن كورىپ، تۇرپايى سوزدەرىن ەستىسە دە: «مەن ورازامىن» دەگەن ءبىر اۋىز سوزبەن ناپسىسىنە توقتاۋ سالىپ، سابىرعا كەلەدى. ال، سابىرلىلىقتىڭ سىيى - ءجاننات.
رامازان ايىندا قۇلشىلىعىن ارتتىرعان مۇسىلماننىڭ ءاربىر جاساعان ءىس- ارەكەتتەرىنە ەسەلەپ ساۋاپ جازىلىپ، ريزىق-نەسىبەسى ارتادى. كىمدە-كىم ورازا ۇستاعانعا اۋز اشتىرسا، ونىڭ كۇنالارى كەشىرىلىپ، ورازا ۇستاعاننىڭ ساۋابىنداي ساۋاپ الادى، ودان ورازا ۇستاۋشىنىڭ ساۋابى كەمىمەيدى. بىردە ساحابالار ارداقتى ەلشىگە (س.ع.س.) كەلىپ: «ۋا، اللانىڭ ەلشىسى! ءبىزدىڭ ءاربىرىمىزدىڭ ورازا ۇستاعاندى تاماقتاندىرۋعا شامامىز جەتە بەرمەيدى» - دەگەندە اللا ەلشىسى (س.ع.س.): «اللا تاعالا ەڭ بولماسا ءبىر ءتۇيىر قۇرما، ءتىپتى ءبىر ۇرتتام سۋمەن بولسا دا قامقورلىق جاساعانعا ساۋابىن بەرەدى ...» - دەگەن.
سوندىقتان كەدەي-عارىپتەردى ءبىر كۇن بولسا دا تويىندىرىپ، قاراۋسىز قالعان مۇساپىرلەردىڭ جانىنان تابىلساق، اللا تاعالانىڭ شەكسىز راقىمىنا بولەنەرىمىز حاق.
وسى تۇستا، ەلىمىزدەگى بارشا كاسىپكەر ازاماتتاردى وسىنداي ۇلىق رامازان ايىندا بەرىلەتىن مول ساۋاپ ءۇشىن وزگەگە قول ۇشىن سوزىپ، قايىرىمدىلىق جاساۋعا، يگى ءىس-شارالاردى مەيلىنشە كوبىرەك اتقارۋعا شاقىرامىن. جۇرتىمىز قاسيەتتى ايدا اللا تاعالانىڭ اشۋى مەن قاھارىن تۋدىرۋعا سەبەپشى اراق-شاراپتان، شاريعاتىمىز تىيىم سالعان باسقا دا حارام ءىس-ارەكەتتەردەن اۋلاق بولسا دەگەن تىلەگىم بار. مەيرامحانالار مەن جيىن-تويلاردا ىشكىلىكتىڭ ەشبىر ءتۇرى ىشىلمەسە، دۇكەندەردە ساتىلماسا.
ءسوز سوڭىندا ايتارىم، ورازانىڭ جىلدان جىلعا ون كۇنگە كەيىن شەگەرىلۋىنە بايلانىستى بيىل تامىزدىڭ العاشقى كۇندەرىنەن باستالىپ، ىستق اپتاپقا تۇسپا-تۇس كەلمەك. بۇل ءوز كەزەگىندە مۇسىلمان جاماعاتىنىڭ توزىمدىلىگى مەن سابىرلىلىعىنا سىناق ىسپەتتى. شىلدەنىڭ اپتاپ ىستىعىندا اۋىز بەكىتسەك، پايعامبارىمىز (س.ع.س.) سۇيىنشىلەگەندەي جانناتتاعى «رايان» قاقپاسىنىڭ ەسىگىن اشۋىمىزعا سەپتىگىن تيگىزەر، ينشاللاھ!
قۇرمەتتى الەۋمەت!
بارشاڭىزعا تاۋفيقتى عۇمىر تىلەيمىن. نيەتتەرىڭىز قابىل، مۇراتتارىڭىز اسىل بولسىن! جۇزدەرىڭىزگە نۇر، جۇرەكتەرىڭىزگە يمان شۋاعى ۇيالاي بەرگەي! جۇرتىمىز تىنىش، وتانىمىز امان، تاۋەلسىز ەلىمىزدىڭ مارتەبەسى اسقاقتاپ، ىنتىماعىمىز جاراسىپ، اللا تاعالانىڭ قۇت-بەرەكەسى داري بەرگەي!
شەيح ءابساتتار قاجى دەربىسالى،
قازاقستان مۇسىلماندارى
ءدىني باسقارماسى مەن ورتا ازيا
مۇفتيلەر كەڭەسىنىڭ توراعاسى، باس ءمۇفتي
«muftyat.kz» سايتى
