بۇگىن وبلىس اكىمدىگىنىڭ اپپاراتتىق ماجىلىسىندە جىلۋ ماۋسىمىنا دايىندىق جۇمىستارى جونىندە وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىعى باسقارماسىنىڭ باسشىسى مەدەت ۋساين حابارلاما جاسادى.

قىزىلوردا وبلىسى بويىنشا 507 ءبىلىم بەرۋ، 411 مادەنيەت، 267 دەنساۋلىق ساقتاۋ نىساندارىنىڭ بارلىعىنا (100%) جانە 640 قازاندىقتىڭ 630 (98%) جوندەۋ جۇمىستارى جۇرگىزىلدى. الەۋمەتتىك نىساندارعا جىلدىق جوسپار بويىنشا 37,3 مىڭ توننا كومىر، 22 مىڭ توننا ديزەل وتىنى قاجەت. قاجەتتى وتىن كولەمىن جەتكىزۋشى مەكەمەلەرمەن كەلىسىمشارت جاسالىپ، كەزەڭ-كەزەڭىمەن جەتكىزىلۋدە.

«قىزىلوردا قالاسى جانە اۋدان اكىمدەرى تۇرعىندارعا قاجەتتى وتىن قورىن قامتاماسىز ەتۋ ماقساتىندا ءوڭىر كاسىپكەرلەرىمەن كومىر باعاسىن وسىرمەۋ ماقساتىندا مەموراندۋمدار جاسالدى. جالپى الداعى جىلۋ بەرۋ ماۋسىمىنا دايىندىق جۇمىستارى كەستەگە سايكەس جۇرگىزىلۋدە جانە وبلىستىق شتابتىڭ تۇراقتى باقىلاۋىندا»،-دەدى م.ۋساين.

سونىمەن قاتار، «ەۋروپالىق قايتا قۇرۋ جانە دامۋ بانكى» ارقىلى، قىزىلوردا قالاسىنىڭ جانە شيەلى اۋدانىنىڭ توزىعى جەتكەن ەلەكترمەن قامتۋ جۇيەلەرىن جاڭعىرتۋدا. وسى ورايدا، جالپى ۇزىندىعى 324 كم قۇرايتىن 10/0,4 كۆ اۋە جەلىسىنىڭ 107,5 كم جانە 53 دانا قوسالقى ترانسفورماتورلىق قوندىرعىلاردىڭ 27 داناسى قايتا جاڭعىرتۋدان ءوتتى.

وبلىس ورتالىعىن جىلۋ جانە ەلەكتر ەنەرگياسىمەن قامتاماسىز ەتەتىن  «قىزىلورداجىلۋەلەكترورتالىعى» كاسىپورىنى بويىنشا №6,9 قازاندىققا، 5 دانا قۋاتتى ترانسفورماتورلارعا، 17 دانا اۆتونومدى-بلوكتى مودۋلدىك قازاندىقتارعا جانە 9 شاقىرىم كۆارتالىشىلىك جىلۋ جەلىلەرىنە جوسپارلانعان جۇمىستاردىڭ 99 % ورىندالعان.

«قىزىلوردا ەلەكتر تاراتۋ توراپتارى» اق بويىنشا وسى جىلى 1085 كم ەلەكتر جەلىلەرى، 86 دانا ءار ءتۇرلى كەرنەۋلى قوسالقى ستانسالارعا كۇردەلى جوندەۋ، 785 كم ەلەكتر جەلىسىنە، 104 دانا ءار ءتۇرلى كەرنەۋلى قوسالقى ستانسالارعا اعىمداعى جوندەۋ جۇمىستارى جوسپارلانىپ، بۇگىنگى كۇنگە جۇمىستاردىڭ 95% اياقتالدى.

ايماق باسشىسى جىلۋ بەرۋ ماۋسىمىنا دايىندىق جۇمىستارىنا قاتىستى  ناقتى تالاپ قويىپ، جەكە قاداعالاۋىندا بولاتىنىن ەسكەرتتى.

«اسىرەسە، الەۋمەتتىك نىساندارعا جىلۋ ۇزدىكسىز بەرىلۋى ءتيىس. سونىمەن قاتار، اۋىلدىق جەرلەرگە قاجەتتى كومىر قورى كەشىكتىرىلمەي جەتكىزىلۋى كەرەك»-دەدى ق.ىسقاقوۆ.

Abai.kz