3. زامان تەز وزگەرىپ جاتىر. وتە تەز دامۋ ۇستىندەگى الەمدىك ۇردىسكە ءبىزدىڭ قوعام ىلەسە الماي كەلەدى.

4. قازاقستان حالقى ەشقاشان الەمدىك باسەكەگە ءتۇسىپ كورمەگەن. ءبىزدىڭ سالت-ءداستۇر، مەنتاليتەت پەن تۇسىنىك كاپيتاليزمگە بەيىمدەلمەگەن. وسى جەردە ءبىر جۇيەدەن ەكىنشى جۇيەگە ءوتۋ بارىسىنداعى قۇندىلىقتار قايشىلىعى بايقالادى.

5. مەملەكەتتى قۇرۋدى باستاعان 1990 جىلداردىڭ باسىنان جالپى باعىت دۇرىس بولسا دا، مەملەكەت باسقارۋشى ەليتا جەمقورلىق، جوعارىعا جالعان اقپارات بەرۋ دەگەن كەڭەس زامانىنان قالعان تۇسىنىكتەردەن ارىلا الماي حالىقتىڭ ەتىن بۇل پروتسەستەرگە ابدەن ۇيرەتىپ الدى. بۇل ءبىزدىڭ ءومىرىمىزدىڭ قالىپتى كورىنىسىنە اينالدى.

6. مۇناي مەن گازدىڭ ارقاسىندا ءبىراز دۇنيە جاسالعانىمەن شىنايى سانا ترانسفورماتسياسى، وركەنيەتتى دامۋ ءبىزدىڭ ەلدە ءوز دەڭگەيىندە وتپەدى. ماحاتحير موحامماد 20 جىلدان استام ۋاقىتتا، لي كۋان يۋ 30 جىلدا مۇلدەم باسقا دەڭگەيدە ويلايتىن حالىقتى تاربيەلەدى. ءبىز 30 جىلدا جاڭا دەيگەيدە ويلايتىن، وركەنيەتكە جاقىن تۇسىنىكتەگى قوعام قالىپتاستىرا المادىق.

7. مۇمكىندىگى مول، بايلىعى كوپ ەلدىڭ رەسۋرتارىن ءتيىمدى باسقارا المادىق. ناتيجەسىندە نە ەكونوميكادا، نە ساياسي جۇيەدە، نە الەۋمەتتىك سالا مەن سانادا ترانسفورماتسيا ءوز بيىگىندە ىسكە اسپادى.

مەنىڭ كوزقاراسىم بويىنشا ءدال قازىر بىزگە، ءبىزدىڭ قوعامعا جاڭاشا ويلايتىن جاستار مەن كرەاتيۆتى مامانداردىڭ قاجەتتىگى سەزىلۋدە. ارينە، ۇكىمەتتىڭ قاتەلىگى دە بار. قاتەلىكتەرمەن جۇمىس ىستەۋ كەرەك. بىراق، قوعام مەن حالىقتىڭ دا ساناسىنىڭ وسكەنى بولماسا ۇكىمەت اۋىسقاننان دا پايدا جوق. ول ءۇشىن ساياسي جۇيەدە، ەكونوميكادا باسەكەلەستىكتىڭ بولعانى اۋاداي قاجەت. بىراق باسەكەلەستىكتىڭ ساۋاتتى تۇردە، وركەنيەتتى جولمەن جۇرگەنى اسا ماڭىزدى. ءدال قازىر جاستار اعارتۋشىلىقپەن اينالىسىپ، اركىم ءوز سالاسىندا نە ىستەسە دە دۇرىس ىستەيتىن مەنتاليتەت پەن جاۋاپكەرشىلىك جەتىسپەي جاتىر...

باۋىرجان سەرىكبايدىڭ facebook پاراقشاسىنان

Abai.kz