جۇما, 29 ناۋرىز 2024
انە، كوردىڭ بە؟ 5899 34 پىكىر 3 قازان, 2019 ساعات 16:55

سەناتورلار كەڭەسى - اتا-اپالار القاسى ء(تىزىم)

الگىندە قازاقستان پارلامەنتى سەناتىنىڭ جانىنان "سەناتورلار كەڭەسى" دەپ اتالاتىن ۇيىم قۇرىلدى. العاشقى جيىندارىن دا وكىزىپ ۇلگەرىپتى. ءبىر قىزىعى سول جيىندا وتكەندە عانا پرەزيدەنت توقاەۆ وكىلەتتىگىن توقتاتقان بىرعانىم اپا ءايتىموۆا سەناتورلار كەڭەسى توراعاسىنىڭ ورىنباسارى بولىپ تاعايىندالدى.

ال، سونىمەن قوعامنىڭ مۇددەسى ءۇشىن قىزمەت ەتەمىز دەپ ماقسات قويعان بۇل كەڭەستىڭ قۇرامىندا كىمدەر بار؟ ءبىز تىزىمدەپ شىقتىق.

فەدوتوۆا زينايدا لەونتەۆنا - 81 جاستا. 2017 جىلدان باستاپ بيلىك تارماقتارى اراسىنداعى وكىلەتتىكتەردى قايتا ءبولۋ جونىندەگى جۇمىس توبىنىڭ مۇشەسى بولدى.

بايگەلدي ومىربەك - 80 جاستا. قر پارلامەنت سەناتىنىڭ ەكس-دەپۋتاتى.

احمەتوۆ ءادىل قۇرمانجانۇلى - 78 جاستا. 2007-2013 جىلدارى قر پارلامەنت سەناتىنىڭ دەپۋتاتى بولدى.

راحمانبەرديەۆ ورىنباي - 75 جاستا. 2002-2014 قر پارلامەنت سەناتىنىڭ دەپۋتاتى بولدى.

ابدىكارىموۆ ورالباي - 74 جاستا. بۇرىنعى سەنات دەپۋتاتى.

سۇلتانوۆ قۋانىش سۇلتانۇلى - 74 جاستا. 2001 جىلدان بەرى - قر پارلامەنتى سەناتىنىڭ دەپۋتاتى، الەۋمەتتىك-مادەني دامۋ كوميتەتىنىڭ توراعاسى بولدى.

التىنباەۆ مۇحتار قاپاشۇلى - 73 جاستا. 2010-2017 جىلدارى پارلامەنت سەناتىنىڭ دەپۋتاتى بولدى.

ابىقاەۆ نۇرتاي - 72 جاستا. قر پارلامەنت سەناتىنىڭ دەپۋتاتى.

ورازالين نۇرلان مىرقاسىمۇلى - 72 جاستا. ۇزاق جىلدار قازاقستان جازۋشىلار وداعىنىڭ توراعاسى قىزمەتىن اتقاردى.

ساعىندىقوۆ ەلەۋسىن ناۋرىزبايۇلى - 72 جاستا. 2002 جىلدان - قر پارلامەنتى سەناتىنىڭ دەپۋتاتى، زاڭ شىعارۋ جانە قۇقىقتىق رەفورما جونىندەگى كوميتەتتىڭ مۇشەسى بولدى.

ءابايدىلدين تالعاتبەك ءجامشيتۇلى - 71 جاستا. 2005 جىلدىڭ قاراشا ايىنان بەرى - قر پارلامەنتى سەناتىنىڭ دەپۋتاتى ەكەن. «قۇرمەت» وردەنىمەن، «تىڭجەرلەردى يگەرگەنى ءۇشىن»، «استانا» تاعى باسقا مەدالدارمەن ماراپاتتالعان.

ايتاحانوۆ قۋانىش ايتاحانۇلى - 71 جاستا. 2005-2007 جىلدارى پارلامەنت سەناتىنىڭ دەپۋتاتى بولدى.

ۆاليەۆ حۋساين حاسەنۇلى - 71 جاستا. 2008 جىلدان بەرى قر پارلامەنت سەناتىنىڭ دەپۋتاتى.

رەدكوكاشين ۆلاديمير نيكولاەۆيچ - 71 جاستا. 2011-2017 جىلدارى پارلامەنت سەناتىنىڭ دەپۋتاتى بولدى.

جالماعامبەتوۆا سۆەتلانا جاقياقىزى - 71 جاستا. 2003-2014 جىلدار ارالىعىندا قر پارلامەنت سەناتىنىڭ دەپۋتاتى بولدى.

مۇحامەدجانوۆ تولەگەن مۇحامەدجانۇلى - 71 جاستا. 2007 جىلدان - قر پارلامەنتى سەناتىنىڭ دەپۋتاتتارى، الەۋمەتتىك-مادەني دامۋ كوميتەتىنىڭ مۇشەسى.

تۇتقىشەۆ بەكسۇلتان سەرىكبايۇلى - 71 جاستا. 2011 جىلدان باستاپ "نازارباەۆ ۋنيۆەرسيتەتى" دەپارتامەنتىنىڭ باس مەنەدجەرى بولدى.

اقىلباي سەرىك بايسەيىتۇلى - 70 جاستا. 2005-2007 جىلدارى پارلامەنت سەناتىنىڭ دەپۋتاتى بولدى.

باشماكوۆ اناتولي افاناسەۆيچ - 70 جاستا. 2002-2014 جىلدارى پارلامەنت سەناتىنىڭ دەپۋتاتى بولدى.

جۇماباەۆ ەرمەك جيانشاۇلى - 70 جاستا. 1999-2014 جىلدارى پارلامەنت سەناتىنىڭ دەپۋتاتى بولدى.

تسحاي يۋري اندرەەۆي - 70 جاستا. بوكستان كەڭەس وداعىنىڭ جانە قازاقستان جاتتىقتىرۋشىسى. 2007 جىلدان بەرى قر پارلامەنت سەناتىنىڭ دەپۋتاتى.

ادىربەكوۆ يكرام - 69 جاستا. 2011-2017 جج پارلامەنت سەناتىنىڭ دەپۋتاتى بولدى. "ەرەن ەڭبەگى ءۇشىن مەدالىمەن" ماراپاتتالعان.

جالىبين سەرگەي ميحايلوۆيچ - 69 جاستا.قازاقستان رەسپۋبليكاسى پارلامەنتى ءماجىلىسىنىڭ زاڭناما جانە سوت-قۇقىقتىق رەفورما كوميتەتىنىڭ توراعاسى بولدى.

يششانوۆ قايرات قىدىربايۇلى - 69 جاستا. 2005 جىلدان بەرى - قر پارلامەنتى سەناتىنىڭ دەپۋتاتى، قارجى جانە بيۋدجەت كوميتەتىنىڭ توراعاسى.

قاراقۇسوۆا گۇلجان جانپەيىسقىزى - 69 جاستا. 2007 جىلدان بەرى - قر پارلامەنتى ءماجىلىسىنىڭ دەپۋتاتى، قارجى جانە بيۋدجەت كوميتەتىنىڭ ءتورايىمى.

قاسىموۆ عاني ەسەنگەلدىۇلى - 69 جاستا. 2013 جىلدان بەرى ۇلتتىق كاسىپكەرلەر پالاتاسىنىڭ سەناتتاعى وكىلى

كينوۆ لياززات كەتەبايۇلى - 69 جاستا. 2013-2017 جىلدارى قر پارلامەنت سەناتىنىڭ دەپۋتاتى بولدى.

كوپەەۆ مۇحامبەت جۇمانازارۇلى - 69 جاستا. 2005-2011 جىلدارى پارلامەنت سەناتىنىڭ دەپۋتاتى بولدى.

كۇزەكوۆ اسحات ءسايپيۇلى - 69 جاستا. 2011 - 2017 جىلدارى پارلامەنت سەناتىنىڭ دەپۋتاتى بولدى.

مۇقاشەۆ تولەۋبەك تولەۋۇلى - 69 جاستا. 2014 جىلدان باستاپ – الماتى قالاسىنان سايلانعان قازاقستان رەسپۋبليكاسى پارلامەنت سەناتىنىڭ دەپۋتاتى.

كۋلاگين سەرگەي ۆيتالەۆيچ - 67 جاستا. 2014 -2017 جىلدارى اقمولا وبلىسىنىڭ اكىمى بولدى.

قۇسداۋلەتوۆ دۋلات راشيتۇلى - 67 جاستا. 2013-2019 جىلدارى قر پارلامەنتى سەناتىنىڭ دەپۋتاتى بولدى.

ءايتىموۆا بىرعانىم سارىقىزى - 66 جاستا. قر پارلامەنت سەناتىنىڭ دەپۋتاتى بولدى. «قۇرمەت»، «پاراسات» جانە ءىى دارەجەلى «دوستىق» وردەندەرىمەن ماراپاتتالعان.

بوبروۆ ۆلاديمير ياكوۆلەۆيچ - 66 جاستا. قازىر قر ۇلتتىق كاسىپكەرلەر پالاتاسى تورالقاسىنىڭ ءوندىرىس كوميتەتىنىڭ توراعاسى.

جۇماعۇلوۆ باقىتجان تۇرسىنۇلى - 66 جاستا. قر پارلامەن ءماجىلىسىنىڭ دەپۋتاتى.

كيم گەورگي ۆلاديميروۆيچ - 66 جاستا. 2013-2019 جىلدارى قر پارلامەن سەناتىنىڭ دەپۋتاتى بولدى.

پولتوراباتكو ليۋدميلا گريگورەۆنا - 66 جاستا. 2011-2017 جىلدارى پارلامەنت سەناتىنىڭ دەپۋتاتى بولدى.

ەرعاليەۆ جابال ەرعاليۇلى - 64 جاستا. 2011-2017 جىلدارى پارلامەنت سەناتىنىڭ دەپۋتاتى بولدى.

دجاقسىبەكوۆ سەرىك رىسكەلدىۇلى - 63 جاستا.قازاقستان رەسپۋبليكاسى پارلامەنتى سەناتىنىڭ دەپۋتاتى.

ەڭسەگەنوۆ سارسەنباي قۇرمانۇلى - 63 جاستا. 2014 جىلدان بەرى پارلامەنت سەناتىنىڭ دەپۋتاتى.

سۇلتانوۆ ەرىك حامزاۇلى - 63 جاستا. 2017 جىلدىڭ ماۋسىم ايىنان بەرى سولتۇستىك قازاقستان وبلىسىنان سايلانعان قازاقستان رەسپۋبليكاسى پارلامەنت سەناتىنىڭ دەپۋتاتى.

بەكتۇرعانوۆ سەرىك شىڭعىسۇلى - 62 جاستا. 2014 جىلدان بەرى قر پارلامەنت سەناتىنىڭ دەپۋتاتى

احمەتوۆ راشيت سايرانۇلى - 60 جاستا. 1999 - 2017 جىلدار ارالىعىندا قر پارلامەنت سەناتىنىڭ دەپۋتاتى بولدى.

ەرشوۆ سەرگەي ميحايلوۆيچ - 59 جاستا. 2014 جىلدان بەرى قر پارلامەنت سەناتىنىڭ دەپۋتاتى.

پلوتنيكوۆ سەرگەي ۆيكتوروۆيچ - 59 جاستا. 2008 جىلدان بەرى قر پارلامەنت سەناتىنىڭ دەپۋتاتى.

باتتالوۆا زاۋرەش قابىلبەكقىزى - 58 جاستا. 1999-2005 جىلدارى پارلامەنت سەناتىنىڭ دەپۋتاتى بولدى.

نۇرعاليەۆ جەڭىس ميراسۇلى - 57 جاستا.2010 جىلدان بەرى - قازاقستان پارلامەنتى سەناتىنىڭ دەپۋتاتى

مامىتبەكوۆ ەدىل قۇلامقادىرۇلى - 55 جاستا. 2017 جىلدان بەرى - قازاقستان پارلامەنتى سەناتىنىڭ دەپۋتاتى

قىلىشباەۆ نۇرلان ناۋرىزۇلى - 48 جاستا. قر پارلامەنت سەناتىنىڭ دەپۋتاتى بولعان.

تىزىمنەن بايقاعانىمىز - كەڭەس مۇشەلەرىنىڭ بارلىعى دەرلىك زەينەت جاسىنا جەتكەن نەمەسە جەتەقابىل جاستاعى ادامدار.تەك،ەلۋگە تولماعانى قىلىشباەۆ قانا. ونىڭ ءوزى كىسى قۋانتارلىق ەمەس كورىنەدى. ۆيكيپەدياداعى اشىق مالىمەتتە تۋعان جەرى "كازاحسكايا سسر، سسسر" دەپ كورسەتىلىپتى. دەمەك، ەڭ جاس دەگەن قىلىشباەۆتىڭ ءوزى سسسر كەزىن اڭسايتىن اتالارىنىڭ سورتىنان.

ال، بىزدەگى جالقى سۇراق - وسى ۋاقىتقا دەيىن پارلامەنتتە دەپۋتات بولىپ قارىق قىلماعان بۇل قاريالار، ەندى قوعامنىڭ مۇددەسى ءۇشىن قىزمەت ەتەتىنىنە سەنەسىز بە؟

نۇربيكە بەكسۇلتانقىزى

Abai.kz

34 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3554