اقتوبە وبلىسى اكىمىنە

اقتوبە وبلىسى باس پروكۋرورىنا

اقتوبە وبلىستىق ىشكى ساياسات باسقارماسىنا

حالىقارالىق «قازاق ءتىلى» قوعامى توراعاسىنا

05. 07. 2011 كۇنى وتكەن اقتوبە وبلىستىق «قازاق ءتىلى» قوعامىنىڭ ەسەپ بەرۋ، قايتا سايلاۋ كونفەرەنتسياسىندا توراعا سايلاۋ قارەكەتتەرى ەشقانداي بالاماسىز جانە قر-سىنىڭ «كونستيتۋتسياسى» تالاپتارىن، «ءبىلىم تۋرالى»، «قوعامدىق بىرلەستىكتەر تۋرالى»، «ازاماتتىق كودەكسى» زاڭ باپتارىن ورەسكەل بۇزۋشىلىقتارمەن ءوتتى. وسى ورايدا ع.نۇرىشەۆ مىرزانىڭ وبلىستىق «قازاق ءتىلى» قوعامىنىڭ توراعاسىنا سايلانۋى زاڭنان تىس بولعانىن جاريا ەتەمىز.

اقتوبە وبلىسى اكىمىنە

اقتوبە وبلىسى باس پروكۋرورىنا

اقتوبە وبلىستىق ىشكى ساياسات باسقارماسىنا

حالىقارالىق «قازاق ءتىلى» قوعامى توراعاسىنا

05. 07. 2011 كۇنى وتكەن اقتوبە وبلىستىق «قازاق ءتىلى» قوعامىنىڭ ەسەپ بەرۋ، قايتا سايلاۋ كونفەرەنتسياسىندا توراعا سايلاۋ قارەكەتتەرى ەشقانداي بالاماسىز جانە قر-سىنىڭ «كونستيتۋتسياسى» تالاپتارىن، «ءبىلىم تۋرالى»، «قوعامدىق بىرلەستىكتەر تۋرالى»، «ازاماتتىق كودەكسى» زاڭ باپتارىن ورەسكەل بۇزۋشىلىقتارمەن ءوتتى. وسى ورايدا ع.نۇرىشەۆ مىرزانىڭ وبلىستىق «قازاق ءتىلى» قوعامىنىڭ توراعاسىنا سايلانۋى زاڭنان تىس بولعانىن جاريا ەتەمىز.

قر-سى كونستيتۋتسياسىنىڭ جالپى ەرەجەلەر ءبولىمىنىڭ 5 بابىنىڭ 1-ءشى جانە 2-ءشى تارماعىندا قوعامدىق جانە مەملەكەتتىك ينستيتۋتتاردىڭ بىرىگىپ كەتۋىنە، قوعامدىق بىرلەستىكتىڭ ىسىنە مەملەكەتتىك مەكەمە وكىلىنىڭ ارالاسۋىنا جول بەرىلمەيتىنى تايعا تاڭبا باسقانداي انىق كورسەتىلگەن. سەبەبى قوعامدىق ۇيىمدار ەرىكتى - ازاماتتار بىرلەستىگى بولىپ تابىلادى. ەرىكتى نەگىزدە قۇرىلۋ قاعيداسى قوعامدىق ۇيىمدار مەن بىرلەستىكتەردىڭ ەڭ باستى ەرەكشەلىگى. ازاماتتىق قوعامنىڭ ينستيتۋتتارى  مەن بيلىك تارماقتارىنىڭ ءوزارا قىزمەتى زاڭمەن بەلگىلەنگەن. قۇقىقتىق تۇرعىدان زاڭدى تۇلعالار بولىپ ەسەپتەلەتىن مەملەكەتتىك مەكەمە باسشىلارى ونىڭ قۇرىلتايشىسى دا جەتەكشىسى دە بولا المايدى.

ەندەشە اتقارۋشى بيلىكتىڭ قولىمەن وبلىستىق «قازاق ءتىلى» قوعامىنىڭ جەتەكشىسىن جوعارىدان تاعايىندالۋى زاڭنان تىس.  اكىمشىلىك اپپاراتتىڭ ءوز شەنەۋنىگىن قوعامدىق ۇيىم جەتەكشىلىگىنە تاعايىنداۋ - قوعامدىق جانە مەملەكەتتىك ينستيتۋتتاردىڭ قوسىلۋىنا يتەرمەلەۋ دەگەن ءسوز. زاڭدى تۇلعا مەن قوعامدىق بىرلەستىكتىڭ بىرلەسكەن ىنتىماقتاستىعى (قر قب-ءنىڭ 4-بابى)  تەك قانا زاڭمەن بەلگىلەنگەن بەلگىلى ءبىر ەكى جاقتى كەلىسىم-شارت اياسىندا اتقارىلۋى ءتيىس. ال مۇنىڭ بارلىعى تەك قانا زاڭدى تۇلعانىڭ قۇرىلتايشىلارىنىڭ كەلىسىمىمەن عانا شەشىلەتىن جۇمىستار.

ع.نۇرىشەۆ مىرزا اقتوبە پەداگوگيكالىق ينستيتۋتى دەپ اتالاتىن ۇلكەن ءبىلىم ورداسىن باسقارىپ وتىر. ال، قر-سى ءبىلىم زاڭىنىڭ 40 بابىندا: «ءبىلىم بەرۋ ۇيىمدارى باسشىلارى زاڭدى تۇلعا بولىپ تابىلاتىنى» جانە اتالمىش زاڭنىڭ 44 بابىندا: «مەملەكەتتىك ءبىلىم بەرۋ ۇيىمىنىڭ باسشىلارىنا وزدەرىنىڭ لاۋازىمدارىن ءبىلىم بەرۋ ۇيىمدار ىشىندەگى نەمەسە ودان تىس جەرلەردەگى باسقا دا باسشىلىق لاۋازىمدارمەن قوسا اتقارۋعا تيىم سالىناتىندىعى» انىق جازىلعان. دەمەك ع.نۇرىشەۆ مىرزا قوعامدىق ۇيىم باسشىسى بولا المايدى. ويتپەگەن جاعدايدا ع.نۇرىشەۆ مىرزا ازاماتتىق كودەكستىڭ 46-بابىنىڭ 1-2-ءشى تارماقتارىنا سايكەس جوو-نىڭ جەتەكشىلىگىن نەمەسە لاۋازىمىن «زاڭدى تۇلعانى ەكىنشى ءبىر قوعامدىق ۇيىممەن بىرىكتىرگەن كەزدە ءوز قۇقىتارى مەن مىندەتتەرىن وتكىزۋ قۇجاتىنا ساكەس جاڭادا كەلگەن زاڭدى تۇلعاعا وتكىزۋى قاجەت».

سونداي-اق، جاڭا باسشى لاۋازىمىندا ع.نۇرىشەۆ مىرزا ەكى بىردەي مەكەمەنىڭ «جەتەكشىسى» زاڭدى تۇلعا مىندەتىندە ادىلەت ورگانىندا مەملەكەتتىك تىركەۋدەن دە وتە المايدى. زاڭدى بۇزعاندىق ءۇشىن لاۋازىمدى تۇلعالارعا جاۋاپكەرشىلىككە تارتىلادى. قوعامدىق بىرلەستىكتەر تۋرالى زاڭىمىزدىڭ 4 - تاراۋ، 22-بابىنا سۇيەنسەك: «قوعامدىق بىرلەستىكتەر تۋرالى زاڭدى بۇزعاندىق ءۇشىن بۇعان كىنالى ادامدار جانە زاڭدى تۇلعالار، سونىڭ ىشىندە مەملەكەتتىك ورگانداردىڭ لاۋازىمدى ادامدارى جانە قوعامدىق بىرلەستىكتەردىڭ باسشىلىعىنا كىرەتىن ادامدار جاۋاپتى» بولادى. بۇلاي تاعايىندالۋ سىبايلاستىققا، جەمقورلىققا جول اشاتىنى زاڭدا ەسكەرتىلگەن.

وبلىستىق «قازاق ءتىلى» قواعمىنىڭ «ەسەپ بەرۋ جانە توراعا سايلاۋ» كونفەرەنتسياسىندا جوعارىداعىداي زاڭ بۇزۋشىلىقتاردىڭ ورىن العانىن ەسكەرە وتىرىپ، 05. 07. 2011 كۇنى وتكەن وبلىستىق «قازاق ءتىلى» قوعامىنىڭ كەزەكتى كونفەرەنتسياسى ءوز جارعىسىندا بەلگىلەنگەن ماقساتتار مەن مىندەتتەر شەگىنەن شىعاتىن ارەكەتتەرگە بارعانىنىن، ۇيىمداستىرۋ مەن وتكىزۋ پروتسەدۋرالارى جارعى تالاپتارىن بۇرمالاۋشىلىقپەن وتكەنىن، جانە قاعامدىق ۇيىمنىڭ توراعالىعىنا ع.نۇرىشەۆ مىرزانىڭ زاڭنان تىس تاعايىندالعانىن، بۇعان ادىلەت باسقارماسى مەن سالىق كوميەتەتىنىڭ نازار اۋدارۋىن، جەرگىلىكتى پروكۋراتۋرا ورگاندارىنىڭ ارالاسۋىن، دۇرىستىعى مەن بۇرىستىعى ايقىندالعانشا قوعام قىزمەتىنىڭ ۋاقىتشا توقتاتىلۋىن  سۇرايمىز.

نۇرلىباي قوشامانۇلى، قر جۋرناليستەر وداعىنىڭ مۇشەسى، جسدپ «ازات» پارتياسى وبلىستىق كەڭەسىنىڭ مۇشەسى.

تەل: 97-51-43. اقتوبە قالاسى. 06.07.2011 جىل.