جۇما, 13 جەلتوقسان 2019
46 - ءسوز 1930 10 پىكىر 22 قازان, 2019 ساعات 13:16

ادام ولشەۋلى...

ءبىر مىقتى پرەزيدەنت بولۋى مۇمكىن. ول ءتىپتى سۋپەر مىقتى پرەزيدەنت بوپ شىعۋى دا عاجاپ ەمەس. عايىپتان تايىپ، باق قونعان كەي باسشىنىڭ ۇلى پرەزيدەنت دەڭگەيىنە جەتەتىن جاعدايى دا تابيعاتتا كەزدەسەدى. بىراق، بۇل دەگەن ءسوز، ول مىقتى قاشاندا - مىقتى، قاشاندا - سۋپەر، بارلىق ۋاقىتتا - ۇلى دەگەندى بىلدىرمەسە كەرەك-ءتى.

اعىلشىننىڭ، ءتىپتى ادامزاتتىڭ تاريحىنداعى عاجايىپ باسشى - دانىشپان چەرچيلل نە بولدى؟ ەكىنشى جاھان سوعىسىن جەڭدى، ەلىن الاپات اپاتتان قۇتقاردى. ۋاعى جەتتى، كەتتى. كەتىردى.

دە گولل شە؟ فرانتسۋز قارسىلىعىنىڭ بايراعى. باتىرلىق پەن ەرلىكتىڭ سيمۆولى، جاۋجۇرەك گەنەرال. ساياسي ساحناعا ەكىنشى ورالۋى ءساتسىز، ءتىپتى كۇيرەي جەڭىلۋمەن اياقتالدى.

وزىمىزگە كەلەيىكشى، كەنەسارى اقمولا بەكىنىسىن العاندا كىم ەدى، قىرعىزدى شاپقاندا كىم بولدى؟ نەگە سوڭىنان قالىڭ الاش ەرمەدى؟

نەمەسە قۇنانباي جاسىندا ءبىر دۋان جۇرتقا وكىمى ءجۇردى، ۋاعى جەتتى، جاس بۋىن كەلدى، قاجىلىققا بارىپ كەپ، بيلىكتەن باس تارتتى.

قىسقاسى، قانداي دا ءبىر بيلىك يەسى بار كەزەڭدە عۇلاما، بار ۋاقىتتا سايىپقىران، ارقاشان ءادىل بولا بەرمەيدى.

ادام ولشەۋلى...

قاسىم امانجولدىڭ facebook پاراقشاسىنان

Abai.kz

10 پىكىر