2019 جىلدىڭ 25 قازانىندا اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە، الماتى قالاسى اكىمدىگى تىلدەردى دامىتۋ جانە لاتىن گرافيكاسىنا كوشۋ ورتالىعى مەن لاتىن عىلىمي-پراكتيكالىق ورتالىعى، فيلولوگيا جانە كوپتىلدى ءبىلىم بەرۋ ينستيتۋتىنىڭ بىرلەسىپ ۇيىمداستىرۋىمەن «تۇركى جازۋىنىڭ نەگىزدەرى» اتتى حالىقارالىق كونفەرەنتسياسى ءوتتى.

كونفەرەنتسيا بارىسىندا تۇركى ەلدەرىنىڭ لاتىن الىپبيىنە كوشۋ تاجىريبەسىن زەرتتەۋ، ونىڭ لينگۆيستيكالىق اسپەكتىدەگى ءتيىمدى-ءتيىمسىز تۇستارىن، قولايلى-قولايسىز جاعدايلارى مەن وڭ-تەرىس اسەرلەرىن انىقتاۋ ماسەلەلەرى تالقىلاندى جانە تۇركى بىرلىگى ءۇشىن ورتاق ءالىپبيدىڭ ءمانى زور ەكەنىنە اسا نازار اۋدارىلدى.

ءىس شارانىڭ مودەراتورى تىلدەردى دامىتۋ جانە لاتىن گرافيكاسىنا كوشۋ ورتالىعىنىڭ ءبولىم باسشىسى باقىت قالىمبەت بولدى.

كونفەرەنتسيانىڭ شىمىلدىعىن اشۋ ءۇشىن اباي اتىنداعى قازۇپۋ-ءنىڭ فيلولوگيا جانە كوپتىلدى بىلىم بەرۋ ينستيتۋىنىڭ ديرەكتورى ف.ع.د.، پروفەسسور بالتاباي ابدىعازيۇلىنا ءسوز بەرىلدى. ب. ابدىعازيۇلى بۇگىنگى تۇركولوگيانىڭ وزەكتى ماسەلەلەرىن،تۇركى حالىقتارىنىڭ تاريحى مەن مادەنيەتىن، تۇركى جازبا ەسكەرتكىشتەرىن بىرلىكتە قاراستىرۋ كەرەكتىگىن ايتىپ، كونفەرەنتسيا جۇمىسىنا ساتتىلىك تىلەدى. باياندامالار لەگىن ا. بايتۇرسىنۇلى اتىنداعى ءتىل ءبىلىمى ينستيتۋتىنىڭ باس عىلىمي قىزمەتكەرى، فيولولوگيا عىلىمدارىنىڭ دوكتورى، پروفەسسور ءا. جۇنىسبەك باستادى.

كەزەكتى باياندامانى تۇركيادان كەلگەن قادىرلى قوناعىمىز، مۇعلا ۋنيۆەرسيتەتىنىڭ دوكتورى، پروفەسسور مەحمەت ءونال جالعاستىردى.

ەلىمىزگە بەلگىلى عالىم، فيلولوگيا عىلىمدارىنىڭ دوكتورى، پرفەسسور د. ىسقاقۇلى «تۇركىلىك بىلىك نەگىزى – ورتاق مادەني مۇرا» اتتى بايانداماسىن جاسادى.

قوجا احمەت ياسساۋي اتىنداعى حقتۋ، تۇرىك فيلولوگياسى كافەدراسىنىڭ مەڭگەرۋشىسى، Kırkalerı ۋنيۆەرسيتەتىنىڭ پروفەسسورى بۇلەنت بايرام تۇرىك تىلىندە «تۇركولوگيا زەرتتەۋلەرىندە ورتاق كوزقاراس ماسەلەلەرى» اتتى بايانداماسىن وقىدى.

لاتىن ءالىپبيىن وقىتۋداعى ادىستەمە ماسەلەلەرىنە بايلانىستى اباي اتىنداعى قازۇپۋ-ءىڭ پروفەسسورى، پەداگوگيكا عىلىمدارىنىڭ دوكتورى ف. ورازباەۆا «لاتىن قارپىن وقىتۋدىڭ عىلىمي-ادىستەمەلىك ماسەلەلەرى» اتتى بايانداماسىن جاسادى.

ىستامبۇل ۋنيۆەرسيتەتى قوعامدىق عىلىمدار ينستيتۋتى، تۇرىك ءتىلى مەن ادەبيەتى كافەدراسىنىڭ ماگيسترانتى، تۇركولوگ ەتنيكالىق قازاق ماحمۇت دوعۇ ءوز نۇسقاسىندا لاتىن گرافيكاسىمەن «جاڭا قازاق ءالىپبيى» جوباسىن تانىستىردى. سوڭعى بولىپ Kırşehir Ahi Evran ۋنيۆەرسيتەتىنىڭ دوكتورانتى، قازۇپۋ-ءنىڭ شىعىس فيلولوگياسى جانە اۋدارما كافەدراسىنىڭ وقىتۋشىسى Osman Kabdayi «تۇرىك بىرلىگى جانە ورتاق ءتىل ماسەلەسى» بايانداماسىمەن مىنبەرگە شىقتى.

كونفەرەنتسيا سوڭىندا بارلىق قاتىسۋشىلارعا سەرتيفيكات تابىستالدى.

كونفەرەنتسيا ماتەريالدارى جيناق بولىپ جارىق كوردى. جيناقتى مەملەكەتتىك ءتىلدى دامىتۋ ينستيتۋتىنان الۋعا بولادى.

Abai.kz