جۇما, 29 ناۋرىز 2024
ساڭلاق 8568 7 پىكىر 10 قازان, 2019 ساعات 13:03

قازاق سپورتىنىڭ قوجاسى - مينيسترلەر مەن ميلليونەرلەر

قازاقستان بوكس فەدەراتسياسىنىڭ جىلدىق كونفەرەنتسياسىندا تيمۋر قۇلىباەۆ اتالعان ۇيىمنىڭ باسشىسى قىزمەتىنەن كەتەتىنىن مالىمدەدى.

تيمۋر قۇلىباەۆ بوكس فەدەراتسياسىن عانا ەمەس ۇلتتىق وليمپيادا كوميتەتىن دە باسقارىپ وتىر. سوندىقتان، ۇوك قۇرامىنا كىرەتىن وليمپيادالىق سپورت تۇرلەرىنە بيۋدجەت قارجىسىن بولۋدە تىزگىندى تەڭ ۇستاۋ ءۇشىن فەدەراتسيا باسشىسى قىزمەتىنەن كەتكەن كورىنەدى.

تيمۋر اسقارۇلى بوكس فەدەراتسياسىن 2009 جىلدان بەرى باسقارىپ كەلدى. ال ۇلتتىق وليمپيادا كوميتەتىن 2015 جىلدىڭ قىركۇيەگىندە قولعا العان. بيىل قىركۇيەكتە بۇل قىزمەتكە ءتورت جىلدىق مەرزىمگە قايتا سايلانعان.

تيمۋر قۇلىباەۆتىڭ بۇدان بولەك قر سۋ سپورتى فەدەراتسياسىنىڭ پرەزيدەنتى دەگەن دە لاۋازىمى بار ەدى. بۇل فەدەراتسيانى 2016 جىلدىڭ قازان ايىنىنان بەرى باسقارىپ جۇرگەن. ەندى بۇل ۇيىمدى بۇرىنعى باس حاتشىسى اندرەي كريۋكوۆ باسقارادى.

«وزدەرىڭىز بىلەسىزدەر، مەنى قازاقستان ۇلتتىق وليمپيادا كوميتەتىنىڭ پرەزيدەنتى قىزمەتىنە قايتا تاعايىندادى. سپورت تۋرالى قابىلدانعان زاڭداعى وزگەرىستەرگە سايكەس، ۇوك بيۋدجەت قارجىسىن وليمپيادالىق سپورت تۇرلەرى اراسىندا سارالاۋعا سايكەس ۇلەستىرەدى. بۇل جۇمىس ءبىر جىلدان بەرى ىسكە اسۋدا، سول سەبەپتى، تاراپتاردىڭ كيكىلجىڭگە كەلمەۋىن ويلاپ، قازاقستان بوكس فەدەراتسياسىنىڭ پرەزيدەنتى قىزمەتىنەن كەتۋ تۋرالى شەشىم قابىلدادىم»، - دەدى تيمۋر قۇلىباەۆ.

قازاقستان بوكس فەدەراتسياسىنىڭ پرەزيدەنتى قىزمەتىنە بۇعان دەيىن حالىقارالىق بايلانىستار جونىندەگى ۆيتسە-پرەزيدەنت مىندەتىن اتقارعان كەڭەس راقىشەۆ تاعايىندالدى. ونى بۇرىنعى پرەزيدەنت قۇلىباەۆتىڭ ءوزى ۇسىنعان ەكەن.

قازاقستانداعى 7-ءشى باي كەڭەس راقىشەۆ

ال وتاندىق بوكستى دامىتۋداعى ەڭبەگىن ەسكەرگەن اتقارۋشى كوميتەت مۇشەلەرى تيمۋر قۇلىباەۆتىڭ ءوزىن فەدەراتسيانىڭ قۇرمەتتى پرەزيدەنتى ەتىپ سايلادى.

ايتا كەتەيىك، تيمۋر قۇلىباەۆتىڭ باسشىلىعىمەن قازاقستاندىق بوكسشىلار لوندونداعى وليمپيادا ويىندارىندا ءبىر التىن، ءبىر كۇمىس جانە ەكى قولا، 2016 جىلعى برازيليا ويىندارىندا ءبىر التىن، ەكى كۇمىس جانە ەكى قولا جەڭىپ الدى.

قازاقستاندا سپورت فەدەراتسيالارىن اكىم-قارالار مەن مينيستر-ميلليونەرلەر باسقارۋ ادەتكە اينالعان. قۇلىباەۆتان بولەك پرەمەر اسقار ماميننەن تارتىپ بىرقانشا مينيسترلەر، اكىمدەر سپورت فەدەراتسيالارىنىڭ تىزگىنىن ۇستاپ وتىر. اتاپ ايتقاندا:

پوحوجەە يزوبراجەنيە

قر حوككەي فەدەراتسياسىنىڭ پرەزيدەنتى - پرەمەر مينيستر اسقار مامين;

پوحوجەە يزوبراجەنيە

قازاق كۇرەسى فەدەراتسياسىنىڭ پرەزيدەنتى - اقپارات جانە قوعامدىق دامۋ ءمينيسترى داۋرەن اباەۆ;

پوحوجەە يزوبراجەنيە

قر دزيۋدو فەدەراتسياسىنىڭ پرەزيدەنتى - باس پروكۋرورى قايرات قوجامجاروۆ;

كارتينكي پو زاپروسۋ كارىم ءماسىموۆ

جاۋىنگەرلىك ونەر اسسوتسياتسياسىنىڭ پرەزيدەنتى - ۇقك توراعاسى كارىم ءماسىموۆ;

پوحوجەە يزوبراجەنيە

قر فۋتبول فەدەراتسياسىنىڭ پرەزيدەنتى - قازاقستان رەسپۋبليكاسى پرەزيدەنتى اكىمشىلىگىنىڭ بۇرىنعى باسشىسى (بىلتىر زەينەتكە شىقتى) ادىلبەك جاقسىبەكوۆ;

كارتينكي پو زاپروسۋ دانيال احمەتوۆ

قر جەڭىل اتلەتيكا فەدەراتسياسىنىڭ پرەزيدەنتى - شىعىس قازاقستان وبلىسىنىڭ اكىمى دانيال احمەتوۆ.

بۇلاردان بولەك، قر اۋىر اتلەتيكا فەدەراتسياسىن باسقارىپ وتىرعان جانات تۇسىپبەكوۆ، قر تەننيس فەدەراتسياسىنىڭ پرەزيدەنتى بولات وتەمۇراتوۆ، قر كۇرەس فەدەراتسياسىنىڭ باسشىسى ساۋات مىڭباەۆ مىرزالاردىڭ دا سپورتقا قاراعاندا بيلىك پەن بيزنەسكە جاقىن ەكەنىن جۇرتشىلىق جاقسى بىلەدى. ءتىپتى كۇنى كەشە عانا تيمۋر قۇلىباەۆتىڭ ورنىنا بوكس فەدەراتسياسىنىڭ باسشىلىعىنا كەلگەن كەڭەس راقىشەۆ تا ەلگە بەلگىلى بيزنەسمەن.

ەندى سۇراق، سپورتقا ءۇش قايناسا سورپاسى قوسىلمايتىن وسى باسشىلار ءوزى باسقارىپ وتىرعان فەدەراتسيانىڭ دامۋى ءۇشىن ۇلەس قوسا الما ما؟ مىسال ءۇشىن ايتايىق، ءومىرى جۇمساق كرەسلودا وتىرىپ كەلە جاتقان دانيال احمەتوۆتى جەڭىل اتلەتيكا سالاسى ءۇشىن تاپتىرماس مامان دەۋ قيىن. سول سەكىلدى ادىلبەك جاقسىبەكوۆتىڭ دا العان ءبىلىمى مەن ەڭبەك جولى فۋتبولعا مۇلدە قاتىسسىز.

ءدال وسى ايۋعا قوي باقتىراتىن قىلىعىمىز قازاق سپورتىنىڭ دامۋىنا تۇساۋ بولىپ كەلەدى. بۇعان قوسا، سپورت سالاسىنداعى جەڭ ۇشىنان جالعاسقان جەمقورلىققا دا وسى مينيستر-ميلليونەرلەردىڭ جاۋاپكەرشىلىگى بار. سپورتتى قوسىمشا كاسىبىنە (تابىس كوزىنە) اينالدىرعان شەندىلەردىڭ فەدەراتسيانىڭ سۋىمەن كىرىپ، وتىمەن شىعۋعا ىنتاسى دا، ۋاقىتى دا جوق ەكەنى ءسوزسىز.

سول ءۇشىن سپورت فەدەراتسيالارىن ءار سالانىڭ ءوز مامانى باسقارسا وڭ بولار ەدى. كاسىپتىك مامان ءوز ءىسىن جاقسى بىلەدى. بۇعان قوسا، ءوزىنىڭ سۇيىكتى كاسىبىنە جاناشىرلىق تانىتاتىنى تاعى بار.

قۋانىش قاپپاس

Abai.kz

7 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616