ساياسات ساحناسىندا ۇزاق جىلداردان بەرى وزىندىك ۇستانىمى مەن جولىنان تايماعان، تاباندى ساياساتكەرلەردىڭ ءبىرى  - كونفەرەنتسيامىزدىڭ كەزەكتى قوناعى «اقجول» پارتياسىنىڭ توراعاسى ازات پەرۋاشەۆ مىرزا وقىرماندار تاراپىنان كەلىپ تۇسكەن ساۋالدارعا جالعاستى جاۋاپ قاتىپ وتىر.

«اباي-اقپارات»

- شەرحان مەن كامال اعالارىمىزدىڭ كەزىندە «ەلىم ساعان ايتام، ەلباسى سەن دە تىڭدا» دەگەن «ەگەمەن قازاقستان» گازەتىندە جاريالانعان حاتتارىنىڭ بىرىندە «قازاق حالقى التىن ساندىقتىڭ ۇستىندە جالاڭاش وتىر» دەگەن تەڭەۋى بار ەدى. وسى تەڭەۋدى ءالى دە بولسا حالقىمىزعا كەلتىرىپ ايتۋىمىزعا بولادى. شىنىندا دا جەرىنىڭ مول قازبا بايلىعىن ءوزىنىڭ يگىلىگىنە جۇمساي الماي وتىرعان قازاقتىڭ ءحالى ايانىشتى. ايتا-ايتا جاۋىر بولعان تاقىرىپ، ول قازاقستاندىق كومپانيالاردا قازاقتاردىڭ جالاقىسى سول كومپانياداعى شەتەلدىك ارىپتەستەرىنەن نەگە تومەن بولۋى كەرەك?! ءوز ەلىندە قاعاجۋ كورىپ، جەتىمسىرەگەن وسى قارا كوزدەرىمىزدىڭ جايىن قاشان قولعا الامىز؟ وسىعان نە دەيسىز.

ساياسات ساحناسىندا ۇزاق جىلداردان بەرى وزىندىك ۇستانىمى مەن جولىنان تايماعان، تاباندى ساياساتكەرلەردىڭ ءبىرى  - كونفەرەنتسيامىزدىڭ كەزەكتى قوناعى «اقجول» پارتياسىنىڭ توراعاسى ازات پەرۋاشەۆ مىرزا وقىرماندار تاراپىنان كەلىپ تۇسكەن ساۋالدارعا جالعاستى جاۋاپ قاتىپ وتىر.

«اباي-اقپارات»

- شەرحان مەن كامال اعالارىمىزدىڭ كەزىندە «ەلىم ساعان ايتام، ەلباسى سەن دە تىڭدا» دەگەن «ەگەمەن قازاقستان» گازەتىندە جاريالانعان حاتتارىنىڭ بىرىندە «قازاق حالقى التىن ساندىقتىڭ ۇستىندە جالاڭاش وتىر» دەگەن تەڭەۋى بار ەدى. وسى تەڭەۋدى ءالى دە بولسا حالقىمىزعا كەلتىرىپ ايتۋىمىزعا بولادى. شىنىندا دا جەرىنىڭ مول قازبا بايلىعىن ءوزىنىڭ يگىلىگىنە جۇمساي الماي وتىرعان قازاقتىڭ ءحالى ايانىشتى. ايتا-ايتا جاۋىر بولعان تاقىرىپ، ول قازاقستاندىق كومپانيالاردا قازاقتاردىڭ جالاقىسى سول كومپانياداعى شەتەلدىك ارىپتەستەرىنەن نەگە تومەن بولۋى كەرەك?! ءوز ەلىندە قاعاجۋ كورىپ، جەتىمسىرەگەن وسى قارا كوزدەرىمىزدىڭ جايىن قاشان قولعا الامىز؟ وسىعان نە دەيسىز.

- بۇل ماسەلە قاراۋسىز قالمايدى. ويتكەنى بۇگىنگى تاڭدا ەل ىشىندەگى كوپتەگەن تولقۋلار مەن قارسىلىق شەرۋلەرى وسى ماسەلەنىڭ توڭىرەگىنەن شىعىپ وتىر. «اتامەكەن» پالاتاسىندا جۇمىس جاساعان ۋاقىتىمدا دا ءسىز كوتەرىپ وتىرعان ماسەلەگە قاتىستى وزىندىك وي-پىكىرىمدى ءبىلدىرىپ، ءتۇرلى جيىندارعا قاتىستىم. شىنىن ايتۋ كەرەك ءدال وسى ماسەلە بويىنشا 10 -نان استام زاڭدارعا وزگەرىس ەنگىزۋگە «اتامەكەندە» جۇرگەن كەزدە مۇرىندىق بولدىق. سوندىقتان ەگەر پارلامەنتكە بارا قالعان كەزدە ءبىز وسى اسەلەنى جۇيەلى تۇردە نازاردا ۇستاپ، ناقتى شەشىمدەرگە قول جەتكىزەتىن بولامىز.

- ازات تۇرلىبەكۇلى، پارلامەنتتەگى گەندەرلىك ساياساتتى دامىتۋعا كوڭىل ءبولىڭىز. ايەل - انا قانشا دەگەنمەن كەز-كەلگەن ماسەلەگە ۇلكەن جاۋاپكەرشىلىكپەن، ىجداعاتتىلىقپەن قارايدى. ايەل ادام كەز كەلگەن ماسەلەگە انا كوزىمەن قاراپ، كەز كەلگەن ماسەلەدە ورتاق ءتيىمدى شەشىم شىعارۋعا بەيىم بولىپ كەلەدى. تومەنگى پالاتا دەپۋتاتتارىنىڭ قاتارىندا نازىك جاندىلار كوبەيسە، قوعام ودان ۇتىلمايدى.

- گەندەرلىك ساياساتتىڭ جاقتاۋشىسىمىن. قىز-كەلىنشەكتەرىمىزدى، اپا-قارىنداستارىمىزدى مەملەكەتتىك باسقارۋ ورىندارىنا، ساياساتقا جانە وزگە دە ەلىمىزدىڭ ماڭىزدى سالالارىنا قىزمەتكە تارتۋىمىز كەرەك. ويتكەنى قاتارىمىزدا جۇرگەن نازىك جاندىلار اينالاسىنا كورىك بەرىپ قانا قويماي، سونىمەن بىرگە كوپتەگەن ماسەلەدە تىڭ وي، جاڭا پىكىرىن قوسىپ جاتادى. مىسالى «اتامەكەندەگى» قىزمەتىمدە ءبىرىنشى ورىنباسارىم دا ايەل كىسى بولدى. كوپتەگەن ەكونوميكالىق، زاڭنامالىق ساۋالداردى قاراستىرۋ كەزىندە، ول كىسى ءاربىر ماسەلەنى ءجىتى قاداعالاپ، ءبىزدىڭ نازارىمىزدان تىس قالىپ قويعان كەي پروبلەمالاردى كورە بىلەتىن.

سونداي ءوزىمىزدىڭ اسىل انالارىمىزدىڭ الەۋمەتتىك، باسقادا ماسەلەلەرىن ءبىز ءوزىمىزدىڭ باقىلاۋىمىزدا ۇستايتىن بولامىز.

- ورالماندار ماسەلەسىنە كوڭىل بولەسىزدەر مە؟ بۇل توپتىڭ سەنىمىنەن شىقساڭىز، پارتيانى قولداۋشىلار قاتارى كوبەيەر ەدى.

- بۇگىنگى تاڭدا  ەلىمىزدىڭ ەكونوميكاسىنىڭ دامۋ جىلدامدىقتارى، كورىنبەيتىن ءبىر ماسەلەنى - ەلىمىزدە جۇمىس كۇشىنىڭ جەتىسپەۋشىلىك ماسەلەسىن كورسەتىپ وتىر. قازىردىڭ وزىندە ءبىز شەت ەلدەن جۇمىس كۇشىن اكەلەتىن ەلگە اينالىپ وتمرىز. ال ەندى ءوزىمىزدىڭ قازاقتار تومەن جالاقىعا جۇمىس ىستەپ وتىر، نەمەسە مۇلدەم جۇمىسسىز ءجۇر.

ال سىرتتا قانشاما قازاق «ەلىم» دەپ قازاقستانعا جەتە الماي ءجۇر.

الدىندا ايتقانداي، كوپتەگەن ءىرى جانە ورتا بيزنەستەگى كومپانيالار بىلىكتى ماماندارعا ءزارۋ. وسى رەتتە سىرتتا جۇرگەن قانداستارىمىزدى ەلىمىزگە تارتۋ ارقىلى ماماندار تاپشىلىعى ماسەلەسىن شەشۋگە بولادى.

ەلىمىزدەگى ورالمانداردىڭ دا كەزىگىپ وتىرعان كۇردەلى قيىندىقتارى بار. ارينە، ءبىز ءوز زامانداستارىمىزدى مازالاعان ماسەلەلەرگە بەي-جاي قاراي المايمىز. «اق جول» پارتياسىنىڭ نازارىنان ورالماندار پروبلەماسى تىس قالمايدى. ولاردىڭ ماسەلەسىن شەشۋ قازاق دەپ سوققان جۇرەكتىڭ ارقايسىسىن بەي-جاي قالتىرمايتىندىعى انىق.

سوڭى