جۇما, 29 ناۋرىز 2024
46 - ءسوز 2788 5 پىكىر 13 قاراشا, 2019 ساعات 10:57

اتقانىڭا ەمەس، قورعاعانىڭا ماقتان!

مىنا فوتودا ءبىزدىڭ جۋرناليست شاكىرتىمىزدىڭ ءبىرى تۇر ەكەن. باس-اياعىن قيىپ تاستادىق. ءوز سۋرەتىن ءوزى تانيتىن شىعار. مۇنشالىقتى ماقتانشاق دەپ ويلاماپ ەدىك. ەلگە ىستەگەن قىزمەتىمەن ماقتانسىن. كوپتەن وزعان سيۋجەت، تەلەحابارىمەن ماقتانسىن. جارلى-جاقىبايعا جاساعان جاقسىلىعىمەن ماقتانسىن. ونەگەلى ۇل-قىز تاربيەلەگەنىمەن ماقتانسىن. ال، بەيكۇنا قۇستى اتىپ الىپ، ماقتانىپ تۇرعانى ءۇشىن باۋىرىمىزدى جەك كورىپ كەتتىك.

سول سياقتى پاۆلودار وبلىسىنىڭ اكىمىنىڭ بولات باقاۋوۆ دەگەن ازاماتتى جەك كورەمىز. بىزگە ەش قاستىق جاساعان جوق. ءتىپتى، جۇزدەسكەن جان ەمەس. ەندەشە نەگە جەك كورەمىز؟ الەۋمەتتىك جەلىدەن ەكى اۆتوماشينانىڭ الدىن قاز-ۇيرەككە تولتىرا ءتىزىپ، بىرنەشە جىگىتتىڭ ورتاسىندا تۇرعان فوتوسىن كورگەنبىز. قانشاما قاز-ۇيرەكتى قىرىپ تاستاعان. وبال عوي. سونشالىقتى اش جۇرگەن جوق شىعار. اۋىلى، اعايىنى تاماقسىز قالىپ، باقاۋوۆتىڭ قانجىعاسىنا تەلمىرىپ وتىرماعان شىعار. ءبىر ءۇيىر قاز، ءبىر ءۇيىر ۇيرەكتى اتىپ العاننان بۇلاردىڭ بۇيرەگى مايلانباعان شىعار. ەندى ەشتەڭە بولماعانداي وبلىس باسقارىپ وتىر.

راس، اۋەستىگى بار دەلىك. زاڭدى جولمەن اتقان دەلىك. بىراق، جيىرما-وتىز قاز ۇيرەكتى قىرعان كەزىندە سۋرەتكە تۇسكەن داڭعويلىعىن ۇمىتا دا، كەشىرە دە الار ەمەسپىز.

قازاقتا اۋەزوۆ تە، مۇسىرەپوۆ تە قۇس اتقان. عابەڭ ونى سۋرەتتەپ جازادى. بىراق فوتوسىن كورمەدىك. قوناەۆ تا اتقان. ديمەكەڭنىڭ بىرنەشە قۇستى ۇستاپ تۇرعان فوتوسى بار. سول سۋرەتكە بەكەر تۇسكەن ەكەن جارىقتىق دەپ ويلايمىز.
جارايدى، ول كەزدە اڭشى از دا، قۇس كوپ ەدى. قازىر اڭشى كوبەيىپ، قۇس ازايدى. ويلانۋ كەرەك! قۇستى قىرعاندى ەمەس، قورعاعاندى ناسيحاتتاۋ كەرەك.

جەتپىسىنشى جىلدار باسىندا جاس اقىن ءشومىشباي ساريەۆ ولەڭ جازعان:
كوسەم قاز، جولدى باستاپ ءتۇستىڭ بە العا،
بەيبىت ەل بەرەكەسىن قۇشتىڭدار ما؟
جازىلماعان جۇپتارىڭ تۇگەل مە ەدى،
ۇيالارىڭ بۇزىلماي ۇشتىڭدار ما؟
اقىن اعامىز قازىر باسقاشا ولەڭ جازاتىن شىعار:
كوسەم قاز، جولدى باستاپ ءتۇستىڭ بە العا،
بەيبىت ەل بەرەكەسىن قۇشتىڭدار ما؟
جازىلماعان جۇپتارىڭ باقاۋوۆتىڭ،
مىلتىعىنا ىلىنبەي ۇشتىڭدار ما؟

كوپتەن ويدا جۇرگەن زاپىران ەدى. مىنا فوتونى كورگەندە اقتارىلىپ كەتتى.

قاينار ولجايدىڭ facebook پاراقشاسىنان

Abai.kz

5 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3551