دەپۋتاتتاردىڭ باستاماسىمەن 2027 جىلعى بيۋدجەتتە 52 ايماقتىق ينفراقۇرىلىم جوباسىنا قوسىمشا 47 ميلليارد تەڭگە ءبولىندى
قۇرىلتاي دەپۋتاتتارىنىڭ باستاماسىمەن 2027 جىلعى رەسپۋبليكالىق بيۋدجەتتە ايماقتاردا 52 ينفراقۇرىلىمدىق جوبانى ىسكە اسىرۋعا قوسىمشا 47 ميلليارد تەڭگە ءبولىندى. بۇل جوبالاردىڭ ارقايسىسى ايماقتارداعى ناقتى ماسەلەلەردى شەشەدى جانە قوعامدىق كەزدەسۋلەر كەزىندە ازاماتتاردىڭ بىلدىرگەن تالاپ-تىلەكتەرىنە جاۋاپ بەرەدى.
اتاپ ايتقاندا، دەپۋتاتتار جىلۋ جانە ەنەرگەتيكا جۇيەلەرىن جاڭعىرتۋدى، ەلدى مەكەندەردى گازبەن جانە سۋمەن جابدىقتاۋدى، ونەركاسىپتىك ايماقتاردىڭ ينفراقۇرىلىمىن دامىتۋدى، سونداي-اق ماڭىزدى ينفراقۇرىلىمدىق جوبالاردى قولدادى.
جىلۋ، ەلەكتر ەنەرگياسى جانە گاز تاسىمالداۋ جۇيەلەرى سالاسىنداعى جوبالاردى ىسكە اسىرۋعا 28,1 ملرد تەڭگە قاراستىرىلدى:
– اقمولا وبلىسى قورعالجىن اۋدانىندا جىلۋ جەلىلەرىن، كوكشەتاۋ قالاسىندا تۇرمىستىق جانە اۋىز سۋمەن جابدىقتاۋ جۇيەسىن، كارىز كوللەكتورىن سالۋ، اتباسار قالاسىندا ورتالىق قازاندىقتى قايتا قۇرۋ جوسپارلانۋدا;
– الماتى وبلىسىندا ەڭبەكشىقازاق اۋدانىندا گازبەن جابدىقتاۋ قۇبىرىن جانە گاز تاراتۋ جەلىلەرىن سالۋ;
– جامبىل وبلىسى تالاس اۋدانىندا گاز تاراتۋ جەلىلەرىن جانە تاراز قالاسىندا قوسالقى ستانتسيا سالۋ;
– قاراعاندى وبلىسىندا – اقسۋ-ايۋلى، ەركىندىك، وسپەن جانە ساكەن سەيفۋللين اۋىلدارىندا گاز قۇبىرى تارماعى مەن گازبەن جابدىقتاۋ جەلىلەرىن سالۋ جانە اباي اۋدانىنداعى ماگيسترالدى جىلۋ جەلىسىنىڭ ءبىر بولىگىن رەكونسترۋكتسيالاۋ;
– قوستاناي وبلىسىندا – قامىستى اۋدانىندا گاز تاراتۋ جەلىلەرىن سالۋ، ارقالىق جانە ليساكوۆسك قالالارىنداعى ماگيسترالدى جىلۋ جەلىلەرىن رەكونسترۋكتسيالاۋ جانە ت.ب.
قىزىلوردا وبلىسىندا - جاڭاقورعان اۋدانىنداعى اۋىلداردا، سۋناقاتا، ەڭبەك، ەكپىندى، قوجابەردى جانە سۇتتىقۇدىق ەلدى مەكەندەرىندە گاز قۇبىرىن جانە قالاىشىلىك گاز تاراتۋ جەلىلەرىن سالۋ;
– ماڭعىستاۋ وبلىسىندا – اقتاۋ قالاسىندا قازاندىق سالۋ;
– اباي اۋدانىندا – سەمەيدەگى ەكى مەكتەپتىڭ ورتالىق جىلىتۋ پۋنكتىن، ماگيسترالدىق جانە بلوكىشىلىك جىلۋ جەلىلەرىن قايتا قۇرۋ جانە قۋات ترانسفورماتورلارىن جاڭعىرتۋ;
– اباي اۋدانىندا – سەمەيدەگى ەكى مەكتەپتىڭ ورتالىق جىلىتۋ قوندىرعىسىن، نەگىزگى جانە بلوكىشىلىك جىلۋ جەلىلەرىن، سونىڭ ىشىندە «قۋانىش» بالاباقشاسىنان ماڭگىلىك ەل كوشەسىنە دەيىنگى جىلۋ جەلىلەرىن رەكونسترۋكتسيالاۋ، ءۇي ىشىلىك قوندىرعىلاردى اۋىستىرۋ جانە قۋات ترانسفورماتورلارىن جاڭعىرتۋ;
– سولتۇستىك قازاقستان وبلىسىندا - عابيت مۇسىرەپوۆ اۋدانىنداعى نوۆويشيمسكوە اۋىلىندا ماگيسترالدىق تاراتۋشى جىلۋمەن جابدىقتاۋ جەلىلەرىن سالۋ، ءۋاليحانوۆ جانە اقجار اۋداندارىندا جوعارى ۆولتتى ساقينالى جەلىنى سالۋ;
– شىعىس قازاقستان وبلىسىندا – وسكەمەن قالاسىنداعى قازاندىقتى قايتا قۇرۋ;
– جەتىسۋ وبلىسىنداعى تەكەلى قالاسىنداعى جىلۋ جەلىلەرىن قايتا قۇرۋ جانە ۇلىتاۋ وبلىسىندا گاز قۇبىرى تارماعى مەن اتاسۋ اۆتوماتتاندىرىلعان گاز تاراتۋ ستانتسياسىن سالۋ.
اتىراۋ وبلىسىنداعى وزەن جاعالاۋىن نىعايتۋ جۇمىستارىنا قوسىمشا 2,5 ميلليارد تەڭگە بولىنەدى. بۇل قاراجات العا اۋىلىنداعى جايىق وزەنىندەگى، سونداي-اق ماحامبەت اۋدانىنداعى ماحامبەت، بەيبارىس جانە تالدىكول اۋىلدارىنداعى جايىق وزەنىندەگى ەلدى مەكەندەردى سۋ تاسقىنىنان قورعاۋعا ارنالعان.
قوستاناي، تۇركىستان جانە ۇلىتاۋ وبلىستارىندا سۋمەن جابدىقتاۋ جۇيەلەرىن دامىتۋعا 4,9 ملرد تەڭگە قارالدى.
سونىمەن قاتار، پاۆلودار اۋەجايىنىڭ تەرمينال عيماراتى مەن نىساندارىن قايتا جاڭارتۋعا، سونداي-اق شىمكەنتتە اۋىسىمىنا 500 كەلۋشى قابىلداي الاتىن قالالىق ەمحانا قۇرىلىسىنا 2,5 ميلليارد تەڭگە باعىتتالادى. اقتوبە، جەتىسۋ جانە باتىس قازاقستان وبلىستارىنداعى جوبالاردى مەملەكەتتىك قولداۋعا قوسىمشا 6,5 ميلليارد تەڭگە قارالعان.
Abai.kz