سارسەنبى, 18 قاراشا 2026
101 0 پىكىر 18 قاراشا, 2026 ساعات 22:46

بوقاەۆ ءتىسىن ەمدەتتى، بىراق سوتقا كەلمەدى

سۋرەت: baq.kz سايتىنان الىندى

الماتى قالاسىنىڭ المالى اۋداندىق سوتىندا سانجار بوقاەۆتىڭ ءىسى بويىنشا كەزەكتى سوت وتىرىسى ءوتتى. الايدا بۇل جولى ايىپتالۋشى پروتسەسكە قاتىسقان جوق.

ءبىر كۇن بۇرىن سوت ءتىسىنىڭ اۋىرىپ تۇرعانىنا شاعىمدانعان بوقاەۆتىڭ ءوتىنىشىن قاناعاتتاندىرىپ، وعان مەديتسينالىق كومەك الۋعا مۇمكىندىك بەرگەن بولاتىن. سوت وتىرىسى بارىسىندا ەمدەۋ شارالارىنىڭ تولىق كولەمدە جۇرگىزىلگەنى انىقتالدى. سوتقا ۇسىنىلعان رەسمي مەديتسينالىق قورىتىندىعا سايكەس، ايىپتالۋشىنىڭ دەنساۋلىق جاعدايى سوت تالقىلاۋىنا ودان ءارى قاتىسۋىنا مۇمكىندىك بەرەدى. سوعان قاراماستان، بوقاەۆ سوتقا كەلۋدەن باس تارتقان.

مەملەكەتتىك ايىپتاۋشى بوقاەۆتىڭ ارەكەتىنە قۇقىقتىق باعا بەرىپ، سوت تاراپىنان مەديتسينالىق كومەك الۋ ءۇشىن بارلىق قاجەتتى جاعداي جاسالعانىن اتاپ ءوتتى.

«ءبارىمىز كورىپ وتىرمىز، ءتىسى ەمدەلگەن. ونىڭ ۇستىنە، بوقاەۆ سوت وتىرىسىنا قاتىسا الادى، الايدا ءوزى كەلمەي وتىر. ونىڭ كەلۋدەن باس تارتقانىن راستايتىن قۇجات بار»، – دەدى پروكۋرور. ايىپتاۋ تاراپى بوقاەۆتىڭ باستى سوت تالقىلاۋىن سوزۋ ماقساتىندا پروتسەسكەكەلمەگەنءىن العا تارتىپ وتىر.

ايىپتالۋشىنىڭ قاتىسپاعان وتىرىستا ادۆوكات اسقاروۆ توراعالىق ەتءىپ جاتقان سۋدياعا كەزەكتى رەت قارسىلىق ءبىلدىردى. الايدا جاڭا قۇقىقتىق ۋاجدەر كەلتىرىلگەن جوق. قورعاۋ تاراپى بۇعان دەيىنگى وتىنىشتەرىندە ايتىلعان دالەلدەردى قايتالادى. سونىمەن بىرگە، قىلمىستىق-پروتسەستىك كودەكستىڭ نورمالارىنا ساي، قارسىلىق ءبىلدىرۋ تۋرالى ءوتىنىشتى باسقا سۋديا قاراي باستاعاندا، ادۆوكاتتار سوتقا بوقاەۆتىڭقاتىسۋىن تالاپ ەتتى. بۇل تالاپ دالەلدى سەبەپتەرمەن قاناعاتتاندىرىلماعان سوڭ، قورعاۋشىلار ىسكە مۇددەلى بولۋى مۇمكىن دەگەن ۋاجبەن ەكىنشى سۋديانى دا اۋىستىرۋدى سۇرادى.

اتالعان ارەكەتتەرگە قاتىستى مەملەكەتتىك ايىپتاۋشى قورعاۋ تاراپىنىڭ قازاقستان رەسپۋبليكاسى قىلمىستىق-پروتسەستىك كودەكسىنىڭ نورمالارىن بۇرمالاپ وتىرعانىن ايتتى.پروكۋروردىڭ تۇسىندىرۋىنشە، سۋدياعا قارسىلىق ءبىلدىرۋ تۋرالى ءوتىنىش ونى مالىمدەۋ كەزىندە قاتىسىپ وتىرعان ادامدارمەن قارالۋى ءتيىس. ال بوقاەۆتىڭ سوت وتىرىسىنا كەلۋدەن باس تارتقانى اتالعان ءوتىنىش بەرىلگەنگە دەيىن رەسمي تۇردە تىركەلگەن. بۇدان بولەك، سۋدياعا قارسىلىق ءبىلدىرۋ تۋرالى ماسەلەنى قارايتىن سۋديانىڭ وسى كەزەڭدە ايىپتالۋشىنىڭ كەلۋىن قامتاماسىز ەتۋ جونىندە شەشىم قابىلداۋعا وكىلەتتىگى جوق.

توراعالىق ەتءىپ جاتقان سۋديا قارسىلىق ءبىلدىرۋدى نەگىزدەمە كەلتىرۋ بارىسىندا ادۆوكاتتار دالەلدەمەلەردى زەرتتەۋ تارتىبىنە، بىرقاتار ماتەريالداردىڭ جاريا ەتىلمەۋىنە جانە كۋاگەرلەردىڭ سوتقا كەلمەۋىنە قاتىستى بۇرىنعى ۋاجدەرىن قايتا ايتتى. مەملەكەتتىك ايىپتاۋشى بۇل دالەلدەردى بىرىنەن سوڭ ءبىرىن جوققا شىعارىپ، دالەلدەمەلەردى زەرتتەۋ ءتارتىبى پروتسەستىك زاڭناما تالاپتارىنا تولىق سايكەس كەلەتىنىن اتاپ ءوتتى. كۋاگەرلەردىڭ سوتقا كەلمەۋىنە قاتىستى پروكۋرور ولاردى ماجبۇرلەپ اكەلۋدى قامتاماسىز ەتۋ ىشكى ىستەر ورگاندارىنىڭ قۇزىرەتىنە جاتاتىنىن، بۇل سوتتىڭ مىندەتىنە كىرمەيتىنىن ەسكە سالدى. سونىمەن قاتار سوت قورعاۋ تاراپىنىڭ ءوز دالەلدەمەلەرىن ۇسىنۋ قۇقىعىن ەش شەكتەمەگەن.

ايىپتاۋ تاراپىنىڭ ۇستانىمى بويىنشا، ادۆوكاتتار سوتتىڭ پروتسەستىك شەشىمدەرىمەن كەلىسپەۋشىلىكتى سوتتىڭ بىرجاقتىلىعى رەتىندە كورسەتۋگە تىرىسىپ وتىر، الايدا بۇل تۇجىرىمدارىن راستايتىن ناقتى دالەلدەر كەلتىرمەگەن.

«بالكىم، قورعاۋشىلاردىڭ قورعاۋعا دايىندىعى جوق شىعار، قورعاۋ تاكتيكاسى ءالى قالىپتاستىرىلماعان. ولاردىڭ وسى ۋاقىتقا دەيىن نە سەبەپتى دايىن ەمەستىگى تۇسىنىكسىز. مالىمدەلگەن قارسىلىق نەگىزسىز»، – دەپ تۇيىندەدى پروكۋرور.

Abai.kz

0 پىكىر