جەكسەنبى, 8 جەلتوقسان 2019
843 1 پىكىر 14 قاراشا, 2019 ساعات 10:31

«ۇلى دالانىڭ جەتى قىرى: ۇلتتىق تاريح ۋاقىتى» اتتى كونفەرەنتسيا وتەدى

2019 جىلعى 20 قاراشادا ساعات 10:00-دە «ەل-شەجىرە» قوعامدىق قورىنىڭ ۇيىمداستىرۋىمەن تۇركىستان قالاسىندا ورنالاسقان قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىندە شەتەلدىك ساراپشىلاردىڭ قاتىسۋىمەن «ۇلى دالانىڭ جەتى قىرى: ۇلتتىق تاريح ۋاقىتى» («ۇلى دالا حالىقتارىنىڭ قۇندىلىقتارى») عىلىمي-پراكتيكالىق كونفەرەنتسياسى وتكىزىلەدى. اۋقىمدى ءىس-شارا قازاقستان رەسپۋبليكاسىنىڭ اقپارات جانە قوعامدىق دامۋ مينيسترلىگىنىڭ مەملەكەتتىك-الەۋمەتتىك تاپسىرىسى اياسىندا ۇيىمداستىرىلىپ وتىر.

كونفەرەنتسيانىڭ ماقساتى – ەلباسىنىڭ «ۇلى دالانىڭ جەتى قىرى» باعدارلامالىق ماقالاسىنىڭ كونتەكستىندەگى جاھاندىق تاريحتاعى قازاق حالقىنىڭ ءرولىن تالقىلاۋ ءۇشىن الاڭ ۇيىمداستىرۋ، قازاق حالقىنىڭ تاريحي تامىرلارىن قاراستىرۋ، قازىرگى زاماننىڭ جاھاندىق ماسەلەلەرىن زەرتتەۋدە وتاندىق عالىمداردىڭ حالىقارالىق ىنتىماقتاستىعىنىڭ نەگىزگى باعىتتارىن انىقتاۋ.

اتالعان ءىس-شارا 2 كۇن وتكىزىلەدى (2019 جىلعى 20-21 قاراشا). كونفەرەنتسياگا قازاقستاننىڭ بارلىق وڭىرىنەن 150 ادام، سونىڭ ىشىندە تۇركى تىلدەس ەلدەردەن (تۇركيا، تاتارستان، قىرعىزستان، وزبەكستان جانە ت.ب.) 10 شەتەلدىك ساراپشى قاتىسادى. اتاپ ايتقاندا:

گاتين مارات سالاۆاتوۆيچ – تاريح عىلىمدارىنىڭ كانديداتى، قازان ۋنيۆەرسيتەتىنىڭ تاريح جانە قوعامتانۋ ءبىلىم بەرۋ كافەدراسىنىڭ دوتسەنتى (تاتارستان);

ميڭنەگۋلوۆ  حاتيپ يۋسۋپوۆيچ – قازان ۋنيۆەرسيتەتىنىڭ ەڭبەك سىڭىرگەن پروفەسسورى، فيلولوگيا عىلىمدارىنىڭ دوكتورى (تاتارستان);

باكاشوۆا جىلدىز – قىرعىز رەسپۋبليكاسىنىڭ ۇلتتىق كىتاپحاناسنىڭ ديرەكتورى، ەۋرازيا كىتاپحانا اسسامبلەياسىنىڭ ۆيتسە-پرەزيدەنتى، پروفەسسور (قىرعىزستان);

مۋساەۆ سىرتباي – ي.اراباەۆ اتىنداعى قمۋ لينگۆيستيكا ينستيتۋتىنىڭ ديرەكتورى، فيلولوگيا عىلىمدارىنىڭ دوكتورى، پروفەسسور (قىرعىزستان);

يۋلداشەۆ قازاقباي – تاشكەنت مەملەكەتتىك ۋنيۆەرسيتەتى، وزبەك ءتىلى مەن ادەبيەتى كافەدراسىنىڭ پروفەسسورى، پەداگوگيكا عىلىمدارىنىڭ دوكتورى (وزبەكستان);

ۋتانوۆا سيردارەحون – وزبەكستان رەسپۋبليكاسى فانلار اكادەمياسى، وزبەك ءتىلى مەن ادەبيەتى جانە فولكلورى ينستيتۋتىنىڭ اعا عىلىمي قىزمەتكەرى، فيلولوگيا عىلىمدارىنىڭ دوكتورى، پروفەسسور (وزبەكستان);

نازاروۆ ناسريددين اتاكۋلوۆيچ – تاشكەنت ساۋلەت-قۇرىلىس ينستيتۋتى، فيلوسوفيا عىلىمدارىنىڭ دوكتورى، ساياساتتانۋ عىلىمدارىنىڭ دوكتورى، پروفەسسور (وزبەكستان);

باحادىروۆا سارىگۋل – وزبەكستان عىلىمدار اكادەمياسىنىڭ قاراقالپاقستان ءبولىمى عىلىمي قىزمەتكەرى، فيلولوگيا عىلىمدارىنىڭ دوكتورى، پروفەسسور (قاراقالپاقستان).

كونفەرەنتسيانىڭ ءبىرىنشى كۇنى 5 پلەنارلىق جانە سەكتسيالىق وتىرىستار وتكىزىلەدى، ەكىنشى كۇنى كونفەرەنتسيا قاتىسۋشىلارىن ءوڭىردىڭ تاريحىمەن، كورىكتى جەرلەرىمەن جانە قاسيەتتى ورىندارىمەن تانىستىرۋ بارىسىندا ەكسكۋرسيا ۇيىمداستىرىلادى.

باستالۋى: 20 قاراشا، ۋاقىتى 10:00

مەكەن-جايى: تۇركىستان قالاسى، بەكزات ساتتارحانوۆ داڭعىلى، 29, قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتى

بايلانىس: دۋمان جوراحان – 8 707 909 07 67, dunga_zhorakhan@mail.ru

Abai.kz

1 پىكىر