سەنبى كۇنى استانادا قازاق كۇرەسىن سەرىك ەتكەندەر بوز كىلەمگە شىعىپ،  «قازاقستان بارىسى» اتانۋ ءۇشىن بارىن سالدى.  «كتك» تەلەارناسى مەن قىزىلوردا وبلىسىنىڭ اكىمشىلىگى بىرلەسە وتىرىپ دايىنداعان جوباعا  ەل پرەزيدەنتىنىڭ اتىنداعى تۋرنير دەگەن ات تاعىلعان ەدى. جارىستىڭ باستى - ماقساتى ۇلتتىق سپورتىمىز قازاقشا كۇرەسكە جاستاردىڭ ىقىلاسىن ارتتىرىپ، ەل ىشىندەگى ناسيحاتىن كەڭەيتە ءتۇسۋ.  ءبىر كۇنگە سوزىلعان شوقتىعى بيىك باسەكەدە  جالپى ەسەبى 64  بالۋان باق سىناپ، التىن، كۇمىس جانە قولا بەلبەۋلەردىڭ يەگەرلەرى انىقتالدى. جۇلدەگەرلەرگە تاعايىندالعان سىياقىنىڭ كولەمى دە قوماقتى. 

سەنبى كۇنى استانادا قازاق كۇرەسىن سەرىك ەتكەندەر بوز كىلەمگە شىعىپ،  «قازاقستان بارىسى» اتانۋ ءۇشىن بارىن سالدى.  «كتك» تەلەارناسى مەن قىزىلوردا وبلىسىنىڭ اكىمشىلىگى بىرلەسە وتىرىپ دايىنداعان جوباعا  ەل پرەزيدەنتىنىڭ اتىنداعى تۋرنير دەگەن ات تاعىلعان ەدى. جارىستىڭ باستى - ماقساتى ۇلتتىق سپورتىمىز قازاقشا كۇرەسكە جاستاردىڭ ىقىلاسىن ارتتىرىپ، ەل ىشىندەگى ناسيحاتىن كەڭەيتە ءتۇسۋ.  ءبىر كۇنگە سوزىلعان شوقتىعى بيىك باسەكەدە  جالپى ەسەبى 64  بالۋان باق سىناپ، التىن، كۇمىس جانە قولا بەلبەۋلەردىڭ يەگەرلەرى انىقتالدى. جۇلدەگەرلەرگە تاعايىندالعان سىياقىنىڭ كولەمى دە قوماقتى. 

70-كە جۋىق بالۋاننىڭ ىشىنەن باعى مەن بابى قاتار شاپقان قىزىلوردالىق ۇلان رىسقۇلعا قول سوقپاعان جان جوق.  ۇلانعا قاراپ  قاجىمۇقاننىڭ  ۇرپاقتارى ءالى ۇساقتالىپ كەتپەپتى دەگەن ويعا كەلەتىنىڭىز ءسوزسىز. «التىن بەلبەۋ» مەن 150 مىڭ اقش دوللارىن جەڭىپ العان ۇلاننىڭ تۋعان ءىنىسى ابدىرازاقوۆ رۋسلان  دا قازاقشا كۇرەستەن جۇلدە سالىپ جۇرگەن جاستاردىڭ ءبىرى ەكەنىن جەڭىمپازدىڭ ءوزى جەتكىزدى.  الماتى وبلىسى، بالقاش اۋدانىندا 1986 جىلى دۇنيە ەسىگىن اشقان چەمپيون  قازاق كۇرەسىمەن قاتار، دزيۋدونى دا تەرەڭ مەڭگەرگەن.  «جارىستا جەڭىمپاز بولامىن دەپ ويلاعانىم جوق. قارسىلاستارىمنىڭ ءبارى قارىمدى. زالداعى حالىقتىڭ ىقىلاسىنا قاراپ، ەلدىڭ قازاقشا كۇرەسكە دەگەن ىقىلاسىنىڭ ەرەكشە ەكەنىن بايقادىم. قازاقشا كۇرەسپەن قاتار، دزيۋدومەن دە اينالىستىم. بىراق، بابامىزدىڭ قانىندا بار قازاقشا كۇرەسكە بۇيرەگىم ۇنەمى بۇرىپ تۇرادى » دەيدى ۇلان.

ۇلان رىسقۇلدىڭ  جەكە باپكەرى  سادىق مۇستافاەۆ بولسا، ءوز شاكىرتىنىڭ اتى وزعانىنا ەمەس، قازاق كۇرەسىنىڭ داڭقى ارتقانىنا قۋانادى. «استاناداعى ءتۋرنيردى ۇيىمداستىرۋشى رەتىندە، قازاق كۇرەسىنىڭ جاناشىرى رەتىندە ءبىر كۇندىك باسەكەنىڭ قالاي وتەتىنىنە قاتتى الاڭدادىم. قۋانىشقا وراي، قازاق كۇرەسىنىڭ كورەرمەنى،ءتول سپورتىمىزدىڭ جانكۇيەرلەرى ءالى جوعالماعان ەكەن.  زالداعى 4 مىڭ ورىن بوس بولعان جوق، ونىڭ ۇستىنە تۇرىپ تۇرعان جاندار قانشاما. گەرمانيا،رەسەي، بەلارۋسسيا، قىتايدان باپكەرلەر مەن ماماندار كەلىپ تاماشالادى. ينتەرنەت ارقىلى باستان-اياق جارىستى كورىپ شىققان  ەۋروپالىق جانكۇيەرلەردە ەسەپ جوق. بۇل تۋرنير ەندى تۇراقتى تۇردە ءوتىپ تۇرادى، بۇيىرسا. راسىندا، بەلدەسۋلەر وتە تارتىستى، قىزىقتى ءوتتى. جارىس باستالعان بويدا مىناۋ جەڭەدى دەپ  جورامال جاساۋ قيىن ەدى. ءوز باسىم سپورتتىڭ وسى تۇرىنەن مامان بولا تۇرا، اقتىق سىن اياقتالعانشا كىمنىڭ اسىعى الشىسىنان تۇسەرىن بىلگەن جوقپىن. قازاقشا كۇرەس اتا-بابالارىمىزدان مۇرا بولىپ قالعان ۇلتتىق قۇندىلىقتارىمىزدىڭ ءبىرى. ونى كوزدىڭ قاراشىعىنداي ساقتاپ، ۇرپاققا امانات ەتۋ ءبىزدىڭ باستى مىندەتىمىز. كارىستەر تاەكۆوندوسىمەن، جاپوندار سۋموسىمەن قالاي ماقتانسا، ءبىز قازاقشا كۇرەسپەن اتىمىزدى شىعاراتىن دارەجەگە جەتۋىمىز كەرەك. ول ءۇشىن قازاق كۇرەسىنىڭ ناسيحاتىن اررتىرا بەرۋ كەرەك، ارينە. «قازاقستان بارىسى» سايىسى قازاقشا كۇرەستىڭ دامۋىنا كىشكەنە دە بولسا سەپتىگىن تيگىزەدى دەپ ويلايمىن. قازىرگى جاستار، قازىرگى ۇرپاق قازاقشا كۇرەس الىپپەسىن دۇرىس مەڭگەرسە، سپورتتىڭ بۇل ءتۇرى قازاقپەن بىرگە جاساي بەرەدى. قازاقشا كۇرەستى وليمپيادا ويىندارىنىڭ باعدارلاماسىنا ەنگىزۋ ءۇشىن مۇنداي سايىستاردىڭ بىرنەشەۋىن وتكىزىپ، شەتەلدىك بالۋانداردى دا  جارىس جولىنا  قوسۋ كەرەك»- دەيدى چەمپيوننىڭ توماعاسىن سىپىرعان سادىق باپكەر.

كۇمىس بەلبەۋدى بەيبىت ىستىباەۆ، قولا بەلبەۋدى شالقار جولامانوۆ يەلەندى. ال، ۇزىك ۇشتىكتەن سىرت قالعان  ارمان ابەۋوۆتى دە كورەرمەن  جىلى قابىلدادى. ارمان بۇگىندە پرەزيدەنت كۇزەت قىزمەتىندە وفيتسەر قىزمەتىن اتقارادى.