تەمىرتاۋدا قازاق مەكتەبىنىڭ اشىلۋىنا قارسىلىق ءالى جالعاسۋدا دەپ حابارلايدى http://turk-media.info سايتى.

ءبىلىم سالاسىن قايتا قۇرۋعا باعىتتالعان شارۋاعا اتا-انالار جاعى اشىق قارسى شىعۋدا دەپ جازادى اتالعان سايت. ەستەرىڭىزگە سالا كەتەيىك، تەمىرتاۋداعى «ورىس» مەكتەبىندە وقۋشى سانى ازايىپ، ال قازاق مەكتەپتەرىندە كەرىسىنشە ورىن جەتىسپەگەندىكتەن جەرگىلىكتى بيلىك ەكى مەكتەپتى قوسىپ، وندا قازاقشا ءبىلىم بەرۋدى جوسپارلاعان بولاتىن. بىراق № 9 مەكتەپتىڭ اتا-انالارى مەكتەپتە بىرىڭعاي قازاقشا (بىرەۋلەر ارانداتۋى دا مۇمكىن) ءبىلىم بەرۋگە قارسى شىعىپ، سوتقا ارىز تۇسىرگەن.

كازاكتارعا ۇكىمەتباسىنىڭ بۇيرىعى بۇيىم ەمەس

تەمىرتاۋدا قازاق مەكتەبىنىڭ اشىلۋىنا قارسىلىق ءالى جالعاسۋدا دەپ حابارلايدى http://turk-media.info سايتى.

ءبىلىم سالاسىن قايتا قۇرۋعا باعىتتالعان شارۋاعا اتا-انالار جاعى اشىق قارسى شىعۋدا دەپ جازادى اتالعان سايت. ەستەرىڭىزگە سالا كەتەيىك، تەمىرتاۋداعى «ورىس» مەكتەبىندە وقۋشى سانى ازايىپ، ال قازاق مەكتەپتەرىندە كەرىسىنشە ورىن جەتىسپەگەندىكتەن جەرگىلىكتى بيلىك ەكى مەكتەپتى قوسىپ، وندا قازاقشا ءبىلىم بەرۋدى جوسپارلاعان بولاتىن. بىراق № 9 مەكتەپتىڭ اتا-انالارى مەكتەپتە بىرىڭعاي قازاقشا (بىرەۋلەر ارانداتۋى دا مۇمكىن) ءبىلىم بەرۋگە قارسى شىعىپ، سوتقا ارىز تۇسىرگەن.

كازاكتارعا ۇكىمەتباسىنىڭ بۇيرىعى بۇيىم ەمەس

وتكەن بەيسەنبى كۇنى قازاق مەكتەبىن اشۋعا قارسى شىققاندار تەمىرتاۋعا كازاك اتامانى يۋري زاحاروۆتىڭ كەلۋىن كۇتتى. قالاعا ادۋىندى كازاكتار كەلسە، ماسەلەنىڭ ءبارى بىرجاقتى وڭاي شەشىلەدى دەگەن ءسوز تارادى. ولار بەينە ءبىر ەل ىشىندەگى قوعامدىق، مەملەكەتتىك ماسەلەلەردى شەشەتىن وسى ەلدىڭ ەگەلەرى سياقتى اسەر قالدىردى. بۇعان دەيىن دە تەمىرتاۋلىقتاردىڭ وسى ءبىر توبى رەسەي پرەزيدەنتى مەن پرەمەر-مينيسترىنە ارنايى حات جازىپ، وزدەرىنىڭ بولاشاقتارىن قازاقستانمەن بايلانىستىرمايتىندارىن ءبىلدىرىپ العان بولاتىن. ءبىزدى ءبىر تاۋەلسىز مەملەكەت ەمەس، رەسەيدىڭ الدەبىر پروۆينتسياسى دەپ ويلايتىن بولسا كەرەك بۇلار. ەگەر اقش-تا تۇراتىن تەگى قىتايلىق ازامات حۋ تسزينتاوعا حات جازىپ، امەريكاعا قارسى ارىزدانسا، ونى قالاي قابىلدار ەدىڭىز؟ بۇلاردىڭ بۇلىككە بەيىم قىلىعى ءدال وسىعان ۇقسايدى. قازاق مەكتەبىنىڭ اشىلۋىنا قارسى شىعىپ جۇرگەندەردىڭ ەشقانداي ۇياتى دا جوق، ازاماتتىق جاۋاپكەرشىلىكتەن دە ولار جۇرداي سياقتى. ال ەلىمىزدەگى  بيلىك تاراپىنان قولداۋ تاۋىپ كەلە جاتقان كەيبىر ەتنيكالىق ۇيىمدار بۇنداي قارسىلىق شارالارىنا وتقا ماي قۇيعانداي ماسەلەنى ادەيى ءورشىتىپ وتىرعانعا ۇقسايدى.

ال يۋري زاحاروۆ ۋادە بەرگەنىمەن تەمىرتاۋعا كەلگەن جوق. بىراق 12 ادامنان تۇراتىن تەمىرتاۋلىق «شولاقبەلسەندىلەر» اۆتوبۋس جالداپ، استاناداعى اتاماندارىنا «قۇلدىق ۇرۋعا» وزدەرى اتتاندى. جەرگىلىكتى جەردە بۇرىننان بەرى وسىنداي «ءداستۇر» قالىپتاسقان. ال ءوزىن ارقالانىپ استاناعا كەلگەن سىبايلاستارىن يۋري زاحاروۆ ۇلكەن ءۇمىت كۇتتىرەتىن سوزدەرمەن كەرى شىعارىپ سالعان كورىنەدى. ياعني، تامىزدىڭ 16-سى كۇنى ۇكىمەتباسى كارىم ءماسىموۆتىڭ قابىلداۋىنا كىرىپ، ودان ورىس مەكتەبىن قالدىرۋدى «تالاپ ەتەتىنىن» ايتقان. كازاكتارمەن قازاقستانننىڭ بيلىگى ساناساتىن سياقتى..

جامان ءۇيدى قوناعى بيلەيدى

قازاق مەكتەبىن اشۋعا قارسى شىققاندارمەن سويلەسۋ ءۇشىن تەمىرتاۋعا وبلىستىق قازاقستان حالقى اسامبلەياسىنىڭ وكىلدەرى دە كەلدى. الايدا ورتاق مامىلەگە كەلۋ مۇمكىن بولمادى. زالدا وتىرعان «بەلسەندىلەر» ادەيى ايعايلاپ، داۋىس كوتەرىپ مىنبەگە شىققانداردى سويلەتپەي قويعان. سىرتاي قاراعان ادامعا ولاردى بىرەۋ باسقارىپ وتىرعانداي اسەر قالدىرادى. ايتپاقشى، پرەمەر-ءمينيستردىڭ ونلاين-كونفەرەنتسياسىندا № 9- شى مەكتەپ-ليتسەيدىڭ ورىسشا وقىتا بەرەتىنى تۋرالى اقپارات جازىلىپتى. الايدا، ۇكىمەتباسىنىڭ مۇنداي تاپسىرما بەرۋى مۇمكىن ەمەس.  ويتكەنى سوتتىڭ ىسىنە پرەمەر-ءمينيستردىڭ دە ارالاسۋعا قاقى جوق. كارىم ءماسىموۆتى بىرەۋ ادەيى اداستىرعان سياقتى..ازىرگە سوت ءجۇرىپ جاتىر ءالى. ال بۇعان دەيىن بارىنە ءتوزىپ كەلگەن قازاقتاردىڭ قازىر شىدامى شەگىنە جەتكەن. شىنىمەندە تۋعان قالالارىنداعى «ورىس» مەكتەپتەرى جارتىلاي بوس تۇرسا، «قازاق» بالالارى نەگە كوريدوردا وقۋى كەرەك؟ الدە قازاقستاندا قازاقتاردى ەكىنشى ورىنعا ىعىستىراتىن ارنايى اۆتونومدى وبلىستار بار ما؟ وكتەندە بايقوڭىردا بولعان جاعدايدىڭ جايى تاعى بەلگىلى.. الدە تەمىرتاۋداعى   باستامانى بىرەۋلەر كەرى ماقساتقا پايدالانىپ، ۇلتارالىق جانجال تۋدىرۋعا ۇمتىلىپ وتىر ما؟

ماتەريالدى ىقشامداپ دايىنداعان جولىمبەت ماكىشەۆ

«اباي-اقپارات»