وتكەن جىلى قاراشا ايىندا حە تسزيانكۋي گەنى وزگەرتىلگەن ەكى ەگىز قىزدىڭ دۇنيەگە كەلۋىنە كومەكستەسكەنىن مالىمدەگەن. عالىم ولاردى بولاشاقتا ۆيچ ينفەكتسياسىنان قورعاۋ ءۇشىن ادام گەنومىن وزگەرتكەن. ونىڭ زەرتتەۋى تۋرالى عىلىمي ماقالا نەمەسە ونىڭ ءادىسىن راستايتىن تاۋەلسىز دەرەككوز ءالى جوق.
جەلتوقسان ايىنىڭ باسىندا MIT Technology Review جۋرنالى تاجىريبە ناتيجەلەرى تۋرالى عالىم ماقالاسىنىڭ شاعىن نۇسقاسىن جاريالادى. سىنشىلار بيولوگ وزگەرتكەن گەندەردەن جوسپارداعى ناتيجە شىقپاۋى مۇمكىن ەكەنىن ەسكەرتتى.
ودان سوڭ دەنساۋلىق ساقتاۋ جونىندەگى ۇلتتىق كوميسسيا عالىم حە تسزيانكۋي تاجىريبەلەرىنىڭ قانشالىقتى زاڭدى ەكەنىن تەكسەرگەن. 100-دەن استام قىتاي عالىمى دنق-تان قاجەتتى گەندى تاۋىپ، ونى الىپ تاستاۋعا نەمەسە دۇرىستاۋعا تالپىنۋ - وتە قاۋىپتى ءارى بيومەديتسينا قاۋىمداستىعىنىڭ بەدەلى مەن دامۋىنا نۇقسان كەلتىرەتىنىن ايتتى.
2019 جىلى قاڭتاردا قىتاي بيلىگى حە تسزيانكۋي تاجىريبەسىن زاڭسىز دەپ تانىدى. تەرگەۋ ناتيجەسى بويىنشا، عالىم ەتيكا جونىندەگى كوميسسيا سەرتيفيكاتىن قولدان جاساعان.
قىتايدا ەمبريون گەندەرىمەن جۇمىس جاساۋعا تىكەلەي تىيىم جوق. دەگەنمەن ەلدە ەتيكا ەرەجەلەرى عالىمدارعا مۇنداي زەرتتەۋ جۇرگىزۋگە رۇقسات بەرمەيدى.
Abai.kz
