كارديولوگيا جانە ىشكى اۋرۋلار عزي-نىڭ رەسپۋبليكالىق اللەرگولوگيا ورتالىعى: ۆاكتسينالاۋ ىندەتتى بولدىرماۋعا كومەكتەسەدى

ادامزات تاريحىندا ينفەكتسيالار ادامنىڭ سوڭىنان بىرگە ەرىپ كەلەدى. تۇماۋ، شەشەك، تىرىسقاق، ءىش سۇزەگى ىندەتتەرىنەن ميلليونداعان ادامدار قازاعا ۇشىرايدى. 

ۆاكتسينالار ەگۋ پروتسەسىنە پايدا بولاتىن جانە اعزانى ناقتى اۋرۋ تۋدىرعىشتان قورعاۋعا قاجەتتى، بەلسەندى، ارنايى يممۋنيتەتتىڭ پايدا بولۋىنا  ىقپال ەتەدى. 1976 جىلى اعىلشىن دارىگەرى دجەننەر سيىر شەشەگىنە ۇشىراعان سيىرلارمەن جۇمىس ىستەيتىن فەرمەرلەردىڭ تابيعي شەشەكپەن اۋىرمايتىنىن بايقايدى. ول ءبىر بالاعا سيىر شەشەگىن ەگۋ ارقىلى ونىڭ تابيعي شەشەكپەن اۋىرمايتىنىن دالەلدەپ بەردى. ۆاكتسينالار،  ۆيرۋستار، باكتەريالار ءالى كەڭ ەتەك جايماي تۇرعان سول ءبىر زاماندا ويلاپ تابىلعان وسى ءادىس ەۋروپادا كەڭ ءورىس الىپ، كەيىنىرەك بارلىق الەمدەگى شەشەكتىڭ جويىلۋىنا نەگىز بولدى.

ىىندەتتەر قاي زاماندا بولسىن بار بولعان جانە بۇگىندە بار.  ىندەتتەردىڭ بەتىن قايتاراتىن ەڭ ءتيىمدى ءتاسىل – بۇل ۆاكتسينالاۋدى ۋاقىتىندا  جۇرگىزۋ. ۆاكتسينالاۋدى الدىن الا جۇرگىزۋ دەموگرافيانىڭ ءوسۋى، ءولىم-ءجىتىمنىڭ ازايۋى جانە ءومىر ءسۇرۋ ۇزاقتىعىن ارتتىرۋدىڭ ەڭ ماڭىزى قۇرالدارىنىڭ ءبىرى بولىپ تابىلادى. ۆاكتسينالاۋدىڭ تيىمدىلىگىن بۇكىل الەم مويىنداپ وتىر: دەنساۋلىق ساقتاۋ سالاسىندا ەڭ وزىق ناتيجەگە قول جەتكىزگەن، بۇدان اسقان  ەشبىر باعدارلاما جوق.

قازاقستان رەسپۋبليكاسىنداعى پروفيلاكتيكالىق ەكپەلەردىڭ كۇنتىزبەسىنە 21 ينفەكتسيا ەنىپ وتىر. ءبىزدىڭ ەلىمىز تمد مەملەكەتتەرىنىڭ ىشىندە ءبىرىنشى بولىپ، جاڭا تۋىلعان سابيلەر مەن جاسوسپىرىمدەرگە  ۆ گەپاتيتىنە قارسى ۆاكتسيناتسيا جاساۋ، قىزىلشا، قىزامىق، ەپيدپاروتيت، پنەۆموكوك، حيب-ينفەكتسيالارىنا (نIB-ينفەكتسياسى وتيت، برونحيت، جەدەل رەسپيراتورلىق ينفەكتسيا جانە پنەۆمونيا سياقتى گەموفيلدىك تاياقشالار ارقىلى تۋىندايتىن اۋرۋلار توبى) قارسى قۇرامدالعان ەكپەلەر ەگۋدى ەنگىزدى.  ءبىز العاشقىلار ساناتىندا پوليوميەليتكە قارسى يناكتيۆتى ۆاكتسينا سالۋدى پايدالانىپ كەلەمىز. ءبىزدىڭ ۇلتتىق كۇنتىزبەمىزدە تۇماۋعا، ا گەپاتيتىنىڭ ۆيرۋسىنا،  تۇينەمە، تۋليارەميا، وبا، كوكتەمگى-كۇزگى ەنتسەفاليتكە قارسى ەپيدەميالىق كورسەتكىشتەر بويىنشا ەكپەلەر سالۋ كوزدەلگەن. 

قازاقستاندا پروفيلاكتيكالىق ەكپەلەردى سالۋدىڭ تولىعىمەن مەملەكەتتىك تۇرعىدان قارجىلاندىرىلاتىنىن ايتا كەتكەن ءجون. پروفيلاكتيكالىق كۇنتىزبەگە ەنگىزىلگەن ەكپەلەرمەن قاتار، ەپيدەميالىق كورسەتكىشتەر بويىنشا تەگىن ەكپەلەر سالۋ جۇرگىزىلىپ وتىرادى. 

ەكپەلەردى ەگۋدەن باس تارتۋ -  بالانى قورعاۋدان ايرىپ قانا قويماي، باسقا بالالاردى دا قاۋىپكە ۇشىراتادى، وسىلايشا قوعامدا ينفەكتسيالىق اۋرۋلاردىڭ تارالۋىنا جول بەرەدى، ءسويتىپ  بالالار ءولىمىنىڭ ۇلعايۋىنا جانە جالپى دەنساۋلىقتىڭ تومەندەۋىنە سوقتىرۋى مۇمكىن.

Abai.kz