قازاقستان ۇلتتىق مۋزەيىنىڭ ديرەكتورى ارىستانبەك مۇحامەديۇلىنىڭ اناسى كۇلىمحان تولەنديەۆا قايتىس بولدى. 

كۇلىمحان تولەنديەۆا 81 جاسقا قاراعان شاعىندا دۇنيەدەن ءوتتى.

الماتى وبلىسىنىڭ مادەنيەت، ارحيۆتەر جانە قۇجاتتاما باسقارماسى كۇلىمحان تولەنديەۆامەن قوشتاسۋ ءراسىمى 6 قاڭتاردا، جەرلەۋ ءراسىمى 7 قاڭتار كۇنى الماتى وبلىسى قىرعاۋىلدى اۋىلىندا (سارىپتاۋ، 1ا مەكەن-جايى) وتەتىنىن حابارلادى.

كۇلىمحان جۇندىبايقىزى 1939 جىلدىڭ 14 ناۋرىزىندا الماتى وبلىسى تالعار اۋدانى تۇزدىباستاۋ اۋىلىندا دۇنيەگە كەلگەن. سارىتاۋقۇم سوۆحوزىندا (الماتى وبلىسى، جامبىل اۋدانى) بۋحگالتەر بولىپ قىزمەت اتقارعان. التى بالانىڭ اناسى، "كۇمىس القا" يەگەرى. III دارەجەلى ەڭبەك داڭقى وردەنىنىڭ يەگەرى.

Abai.kz