تەلەكوممۋنيكاتسيا كومپانيالارىنىڭ قىزمەتكەرلەرى اراسىندا «ءتىل تۇتاستىعى-ەل تۇتاستىعى» اتتى تىلدەر فەستيۆالى وتەدى.
|
قازاقستان رەسپۋبليكاسى بايلانىس جانە اقپارات مينيسترلىگى |
|
مينيستەرستۆو سۆيازي ي ينفورماتسي رەسپۋبليكي كازاحستان
|
|
010000, استانا قالاسى، ورىنبور كوش.، № 8 ءۇي، تەل.: +7(7172) 74-10-08, e-mail: mci@mci.gov.kz |
|
010000 گورود استانا، ۋل. ورىنبور، دوم № 8, تەل.: +7(7172) 74-10-08, e-mail: mci@mci.gov.kz |
ءباسپاسوز رەليزى
|
قازاقستان رەسپۋبليكاسى بايلانىس جانە اقپارات مينيسترلىگى |
|
مينيستەرستۆو سۆيازي ي ينفورماتسي رەسپۋبليكي كازاحستان
|
|
010000, استانا قالاسى، ورىنبور كوش.، № 8 ءۇي، تەل.: +7(7172) 74-10-08, e-mail: mci@mci.gov.kz |
|
010000 گورود استانا، ۋل. ورىنبور، دوم № 8, تەل.: +7(7172) 74-10-08, e-mail: mci@mci.gov.kz |
ءباسپاسوز رەليزى
تەلەكوممۋنيكاتسيا كومپانيالارىنىڭ قىزمەتكەرلەرى اراسىندا «ءتىل تۇتاستىعى-ەل تۇتاستىعى» اتتى تىلدەر فەستيۆالى وتەدى.
قازاقستان رەسپۋبليكاسى بايلانىس جانە اقپارات مينيسترلىگىنىڭ باستاماسىمەن ءداستۇرلى تۇردە بەسىنشى رەت ۇيىمداستىرىلىپ وتىرعان «ءتىل تۇتاستىعى-ەل تۇتاستىعى» اتتى تىلدەر فەستيۆالى قازاقستان رەسپۋبليكاسى تاۋەلسىزدىگىنىڭ 20 جىلدىعىنا ارنالۋدا. ەلباسى ن.ءا.نازارباەۆتىڭ جارلىعىمەن بەكىتىلگەن قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011-2020 جىلدارعا ارنالعان مەملەكەتتىك باعدارلاماسىن جانە 28.01.2011 جىلعى قازاقستان حالقىنا ارناعان كەزەكتى جولداۋىندا ايتىلعان مەملەكەتتىك تىلگە قاتىستى ءىس-شارالاردى جۇزەگە اسىرۋعا ىقپال ەتەتىن فەستيۆال بيىلعى جىلى 8-ءشى قىركۇيەكتە پەتروپاۆل قالاسىندا وتەدى.
«قازاقتەلەكوم» اق، «قازپوچتا» اق، "GSM قازاقستان" جشس، «كار-تەل» جشس، «قازترانسكوم» اق جانە «التەل» اق سەكىلدى ەلىمىزدىڭ تەلەكوممۋنيكاتسيا سالاسىنداعى ءىرى التى كومپانيا قىزمەتكەرلەرى مەملەكەتتىك ءتىلدى مەڭگەرۋ دەڭگەيلەرىمەن ءوز بىلىكتىلىكتەرىن سىنعا سالاتىن فەستيۆالگە قر پارلامەنتىنىڭ دەپۋتاتتارى، قر بايلانىس جانە اقپارات مينيسترلىگىنىڭ، سولتۇستىك قازاقستان وبلىسى اكىمدىگىنىڭ وكىلدەرى قاتىسىپ، تورەلىك ەتەدى.
قازاقستان رەسپۋبليكاسىنىڭ زاڭناماسىنا سايكەس، ءاربىر ازامات ءوزى ءوتىنىش بىدىرگەن تىلدە ءتيىستى اقپاراتتى الۋعا قۇقىلى. وسى ورايدا، بايلانىس وپەراتورلارى حالىققا قىزمەت كورسەتۋ بويىنشا الدىڭعى قاتاردا تۇر. سوندىقتان، بايلانىس سالاسىنىڭ قىزمەتكەرلەرى ورىس ءتىلىن عانا ەمەس، مەملەكەتتىك ءتىل-قازاق ءتىلىن دە ەركىن مەڭگەرۋلەرى ءتيىس.
مەرەكەلىك شارا اياسىندا كورمە ۇيىمداستىرىلىپ، فەستيۆالگە قاتىسۋشىلار «ەڭ ۇزدىك كوماندا» اتاعى ءۇشىن سايىسقا تۇسەدى. سايىس تەاترلاندىرىلعان قويىلىم، «كومپانيا ومىرىنەن ءبىر كۇن» جانە جەكە تۆورچەستۆولىق سايىس كەزەڭدەرىنەن تۇرادى.
سايىس قورىتىندىسى بويىنشا، ادىلقازىلار القاسىنىڭ شەشىمىمەن، سونىمەن قاتار تىلدەر فەستيۆالىنىڭ بيىلعى ۇيىمداستىرۋشىسى «التەل» اق-نىڭ باستاماسىمەن العاش رەت اۋىسپالى جەڭىمپاز كۋبوگى - جەڭىمپاز دەپ تانىلعان كومانداعا تابىس ەتىلەدى. فەستيۆال جەڭىمپازىنىڭ كۋبوگى جىل بويى ساقتالىپ، كەلەسى جىلعى كەزەكتى تىلدەر فەستيۆالىنىڭ جەڭىمپازىنا سالتاناتتى تۇردە بەرىلەدى.
فەستيۆال تەلەكوممۋنيكاتسيا سالاسىنداعى مەملەكەتتىك ءتىلدىڭ قولدانىلۋ اياسىن كەڭەيتىپ، ونىڭ الەۋمەتتىك-كوممۋنيكاتيۆتىك فۋنكتسيالارىن جانە ەل كونستيتۋتسياسىنا ساي قازاق ءتىلىنىڭ مەملەكەتتىك ءتىل رەتىندەگى مارتەبەسىن ارتتىرا تۇسۋگە ىقپال ەتپەك.
قر بام ءباسپاسوز قىزمەتى
/7172/ 74-10-04
