مەدۆەدەۆتىڭ سوزىنشە، ۆلاديمير ءپۋتيننىڭ 15 قاڭتاردا حالىققا جولداۋىندا ايتىلعان كونستيتۋتسياعا وزگەرىستەر ەنگىزۋ تۋرالى ۇسىنىسىنان كەيىن ۇكىمەت تاراتۋ شەشىمى قابىلدانعان.
پۋتين 15 قاڭتارداعى جولداۋىندا كونستيتۋتسياعا وزگەرىس ەنگىزىپ، پرەزيدەنت وكىلەتىنىڭ جارتىسىن مەملەكەتتىك دۋماعا بەرۋدى، ەكى ازاماتتىعى بار نە شەتەلدە تۇراقتى تۇرۋعا رۇقساتى بار ادامنىڭ پرەزيدەنتتىككە تۇسۋىنە تىيىم سالۋدى ۇسىندى. بۇدان بولەك، ول كونستيتۋتسيانىڭ ء"بىر ادام ەكى رەت قاتارىنان پرەزيدەنت بولىپ سايلانا المايدى" دەگەن تۇسىنداعى "قاتارىنان" دەگەن ءسوزدى الىپ تاستاۋدى دا ۇسىندى.
ينتەرفاكستىڭ حابارلاۋىنشا، پۋتين مەدۆەدەۆ ۇكىمەتىنە جاڭا كابينەت جاساقتالعانشا قىزمەتىن جالعاستىرا بەرۋدى تاپسىرعان. بۇدان بولەك، پۋتين مەدۆەدەۆكە رەسەي قاۋىپسىزدىك كەڭەسى توراعاسىنىڭ ورىنباسارى قىزمەتىن ۇسىندى.
مەدۆەدەۆ رەسەي ۇكىمەتىن 2012 جىلدان بەرى باسقارىپ كەلەدى. 2008-2012 جىلدارى رەسەي پرەزيدەنتى بولعان. ول 2012 جىلدان بەرى "ەدينايا روسسيا" پارتياسىن دا باسقارادى.
Abai.kz
