جۇما, 29 ناۋرىز 2024
2848 3 پىكىر 16 قاڭتار, 2020 ساعات 15:13

نۇرسۇلتان نازارباەۆ پارلامەنت ءماجىلىسىنىڭ توراعاسىن قابىلدادى

ەكس-پرەزيدەنت نۇرسۇلتان نازارباەۆ پارلامەنت ءماجىلىسىنىڭ توراعاسى نۇرلان نىعماتۋلليندى قابىلدادى،-دەپ حابارلايدى elbasy.kz.

كەزدەسۋ بارىسىندا نۇرسۇلتان نازارباەۆقا بىلتىر كۇزدە وتكەن كەڭەس بارىسىندا بەرىلگەن تاپسىرمالاردى Nur Otan پارتياسى فراكتسياسىنىڭ ورىنداۋى جونىندە مالىمەت بەرىلدى.

ەكس-پرەزيدەنت دەپۋتاتتاردىڭ ازاماتتاردىڭ سۇرانىستارىنا ۋاقىتىلى جاۋاپ بەرۋ  جۇمىستارىن جالعاستىرۋدىڭ ماڭىزدىلىعىن اتاپ ءوتتى.

– حالىقتىڭ مۇڭ-مۇقتاجىنا قۇلاق اسىپ، ەتەنە جۇمىس ىستەۋ قاجەت. بۇل – پارتيانىڭ، سونداي-اق بارلىق دەڭگەيدەگى دەپۋتاتتاردىڭ مىندەتى. ءبىزدىڭ ورتاق پارىزىمىز، - دەدى نازارباەۆ.

سونىمەن قاتار، نۇرسۇلتان نازارباەۆ ەكونوميكالىق وسىمگە قول جەتكىزۋ، حالىقتىڭ ءال-اۋقاتىن ارتتىرۋ ءۇشىن اتقارۋشى جانە زاڭ شىعارۋشى بيلىك تارماقتارىنىڭ ۇيلەسىمدى جۇمىسىن قامتاماسىز ەتۋدىڭ ماڭىزدىلىعىنا توقتالدى.

– الدىمىزدا ەل ەكونوميكاسىنىڭ ءوسىمىن قامتاماسىز ەتۋ مىندەتى تۇر. وسى ورايدا پارلامەنت پەن پارتيا بىرلەسە جۇمىس اتقارۋعا ءتيىس، - دەدى.

سونىمەن بىرگە، نۇرسۇلتان نازارباەۆ پارلامەنتتىڭ ءرولىن ارتتىرۋ ماسەلەسىنە نازار اۋدارۋ قاجەتتىگىن اتاپ ءوتتى.

– ۇكىمەتتى قالىپتاستىرۋدا پارلامەنت نەگىزگى ءرول اتقارۋعا ءتيىس. زاڭدار مەن باعدارلامالاردى بىرگە قابىلداپ، حالىققا بىرلەسە ەسەپ بەرگەنى ابزال، - دەدى.

كەزدەسۋ بارىسىندا نۇرلان نىعماتۋلين ن.نازارباەۆقا ءماجىلىس دەپۋتاتتارىنىڭ وڭىرلەرگە ساپارلارىنىڭ قورىتىندىلارى جانە پارلامەنتتىڭ تومەنگى پالاتاسىنىڭ زاڭ شىعارۋ قىزمەتى تۋرالى اقپارات ۇسىندى.

– وسى جىلدىڭ بەسىنشى قاڭتارىنان باستاپ دەپۋتاتتار، ونىڭ ىشىندە فراكتسيا دەپۋتاتتارى ەلىمىزدىڭ بارلىق وڭىرلەرىن، شالعايدا جاتقان ەلدى مەكەندەردى ارالاپ شىقتى. بۇل كۇندەرى دەپۋتاتتار جۇرتشىلىقپەن شامامەن ءبىر جارىم مىڭ كەزدەسۋ وتكىزدى. وندا كوپتەگەن ماسەلەلەر كوتەرىلدى. سونىڭ ىشىندە، الەۋمەتتىك كومەكتىڭ جاڭا فورماتى، جاڭا دەنساۋلىق ساقتاۋ كودەكسى،  حالىقتى جۇمىسپەن قامتۋ ماسەلەلەرى قوزعالدى. الداعى زاڭ شىعارۋ ىسىندە تۇرعىنداردىڭ بارلىق پىكىرلەرى مەن ۇسىنىستارى ەسكەرىلەدى. جالپى وتكەن جىلدىڭ قىركۇيەك ايىنان بەرى ءماجىلىس قاراۋىنا 97 زاڭ جوباسى ەنگىزىلدى. ونىڭ 37-ءسى قولداۋ تاۋىپ پارلامەنت سەناتىنا جولداندى، - دەدى ءماجىلىس توراعاسى.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1571
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3565