جۇما, 29 ناۋرىز 2024
دەپ جاتىر 3400 1 پىكىر 30 قاڭتار, 2020 ساعات 14:18

لۋكاشەنكو قازاق مۇنايى ءۇشىن كەلىسسوز جۇرگىزۋدى تاپسىردى

بەلورۋسسيا پرەزيدەنتى الەكساندر لۋكاشەنكو ەل ۇكىمەتىنە قازاقستاننان مۇناي تاسىمالداۋ جونىندە كەلىسسوزدەر جۇرگىزۋدى تاپسىردى. بۇل تۋرالى بەلورۋس پرەزيدەنتىنىڭ سايتىندا جازىلعان:

- مەملەكەت باسشىسىنىڭ «№27 وكىمىمەن ۇكىمەتكە قازاقستاننان بەلورۋسياعا مۇناي جانە مۇناي ونىمدەرىن جەتكىزۋ جونىندەگى ساۋدا-ەكونوميكالىق ىنتىماقتاستىق، سونداي-اق، كەلىسىم جوباسى مەن ماقۇلدانعان جوبا اياسىندا كەلىسىمگە قول قويۋ تۋرالى كەلىسسوزدەر جۇرگىزۋگە ۋاكىلەتتىك بەردى، - دەلىنگەن حابارلامادا.

ايتا كەتەيىك، وتكەن اپتادا بەلورۋسسيا پرەزيدەنتى قازاقستاننان مۇناي تاسىمالداۋعا رەسەي رۇقسات بەرمەي وتىرعانى تۋرالى مالىمدەگەن.

- ەگەر رەسەي كەلىسەتىن بولسا، قازاقستان بىزگە مۇناي جەتكىزۋى مۇمكىن. قىزىق... ءبىزدىڭ وداقتاسىمىز باسقا وداقتاسىمىزدان مۇناي تاسىمالداۋعا كەلىسىم بەرمەي وتىر. مۇناي جەتكىزۋگە بايلانىستى جاعداي وسىنداي. جانە ءبىز بۇل ماسەلەنى شەشۋىمىز كەرەك، - دەدى بەلارۋس باسشىسى.

ال، 2019 جىلدىڭ 31 جەلتوقسانىندا بەلورۋسسيا مەن رەسەي باسشىلارى تەلەفون ارقىلى مۇناي ماسەلەسىن تالقىلاعان. الايدا، تاراپتار ورتاق كەلىسىمگە كەلە الماعاندارىن مالىمدەگەن.

2020 جىلدىڭ 1 قاڭتارىندا رەسەي بەلورۋسسياعا مۇناي ەكسپورتتاۋدى توقتاتتى. سول كۇنى بەلورۋسسيا رەسەي مۇنايىنا شەكتەۋ قويعان.
ودان سوڭ، بەلورۋسسيا رەسەيمەن كەلىسسوزدەردى توقتاتىپ، ورىس مۇنايىنا بالاما تابۋدى تاپسىردى.

بەلورۋسسيانىڭ ۆيتسە-پرەمەرى دميتري كرۋتوي ۋكراينادان، پولشادان، بالتىق ەلدەرىنەن، قازاقستان مەن ءازىربايجاننان مۇناي جەتكىزۋ ماسەلەسىن تالقىلاپ جاتقانىن حابارلادى. كەيىن بەلارۋسسيا نورۆەگ مۇنايىنىڭ 80 مىڭ تونناسىن ساتىپ العانى تۋرالى اقپار تاراعان..

الەكساندر لۋكاشەنكو ورىس مۇنايىن ساتىپ الۋ بويىنشا رەسەيمەن كەلىسىمگە كەلە الماۋدىڭ باستى سەبەبى - رەسەيدىڭ وتە قىمبات باعا ۇسىنىپ وتىرۋى دەگەن.

ال، 15 قاڭتار كۇنى  قر ەنەرگەتيكا مينيسترلىگى بەلورۋسسيانىڭ "بەلنەفتەحيم" كونتسەرنى مۇناي جەتكىزۋ بويىنشا سۇرانىس جىبەرگەنىن حابارلاعان.

- بىزگە "بەلنەفتەحيمنىڭ" ءوتىنىشى كەلىپ ءتۇستى. اتالمىش ۆەدومستۆونىڭ وكىلدەرى مۇناي جەتكىزۋ ماسەلەسى بويىنشا بىزگە كەلمەكشى. بەلورۋسسيانىڭ سۇرانىسىن دا قاراستىراتىن بولامىز، دەدى مينيستر نۇرلان نوعاەۆ.

بىلتىر بەلورۋسسيا باسشىسى رەسەيدەن لاستانعان مۇناي كەلىپ جاتقانىن ايتىپ دابىل قاقتى. قۇنى 2,5 ميلليارد دوللاردى قۇرايتىن، 37 ميلليون باررەل مۇنايدىڭ لاستانعانىن ايتتى. قۇبىر رەسەيدىكى. بەلورۋسسيا رەسەيدەن سول ءۇشىن وتەماقى سۇرادى. ماسكەۋ مويىندادى. وسىنىڭ ءبارىن ەگجەي-تەگجەيلى ساراپتاعان الەكساندر لۋكاشەنكو ەندى مۇنايدى قازاقتان ساتىپ العىسى كەلەتىنىن ايتقان. قازاقتان مۇناي ساتىپ الۋ لۋكاشەنكونىڭ قالاۋى. بىزدىكىلەر دە بۇعان كەتارى ەمەس. قۇداي بەرگەن مۇناي بار. ساتىپ الساڭ، مىنەكەي دەگەلى تۇر. قازاقستان دا، بەلورۋسسيا دا، رەسەي دە ەكونوميكالىق وداقتى قۇرۋشى ەلدەر. وداق اياسىندا ءبىر-بىرىنە تاۋار ساتۋعا قۇقىلى ەلدەر. سويتە تۇرا كرەمل كونبەستىك كورسەتتى. وداق ورتاق بولا تۇرا ساتىلاتىن مۇناي ءۇشىن دە كرەملدەگى كىجىرەيگەندەردىڭ قاس-قاباعىنا قارايمىز...

بەلورۋسسيا باسشىسى قازاقتان مۇناي الۋ ءۇشىن كەلىسسوزدەر جۇرگىزۋدى ءوز ۇكىمەتىنە تاپسىرىپتى. باعاسىنا كەلىسسە، بىزدىكىلەر دە كەتارى ەمەس قوي. تەك بۇعان رەسەي نە دەر ەكەن دەگەن ءسوز ەرتەڭ ايتالىرى تاعى انىق...ماقۇل. ازىرشە اقپارات...

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1574
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3576