نۇر-مۇباراك ۋنيۆەرسيتەتىندە اكادەميالىق ۇتقىرلىق باعدارلاماسى
بويىنشا ستۋدەنتتەردىڭ شەت مەملەكەتتەردە ءبىلىمىن جالعاستىرۋ مۇمكىندىگى
قاراستىرىلعان.

وسى باعدارلامانى نەگىزگە الىپ، تۇركيانىڭ چورۋم قالاسىندا
ورنالاسقان حيتيت ۋنيۆەرسيتەتىندە 5 ستۋدەنت ءبىلىم الۋدا.

«يسلامتانۋ» جانە «ءدىنتانۋ» ءبىلىم بەرۋ باعدارلامالارىنىڭ 2019-
2020 وقۋ جىلىنداعى ەكىنشى سەمەسترىن جالعاستىرعان ستۋدەنتتەردى حيتيت
ۋنيۆەرسيتەتىنىڭ رەكتورى دوكتور، پروفەسسور الي وسمان وزتۇرىك قابىلدادى.

كەزدەسۋ بارىسىندا «نۇر-مۇباراك» ۋنيۆەرسيتەتىنىڭ ستۋدەنتتەرىنە
جەتەكشى نىساناليەۆ جاندوس: «كىشكەنتاي ۇشقىن الاۋعا اينالعان بۇل
باعدارلاما چورۋم مەن قازاقستان اراسىنداعى تۋىستىق بايلانىستى
نىعايتادى»، – دەدى.

كەزدەسۋ سوڭىندا ۋنيۆەرسيتەت رەكتورى اتىنان قۇتتىقتاۋلار مەن كادەسىيلار تابىستادى.

Abai.kz