قاسىم-جومارت توقاەۆ قاۋىپسىزدىك جونىندەگى ميۋنحەن كونفەرەنتسياسىندا ورتالىق ازياداعى احۋالدى تالقىلاۋعا قاتىستى.

مەملەكەت باسشىسى قاۋىپسىزدىك جونىندەگى 56-شى ميۋنحەن كونفەرەنتسياسىنىڭ پانەلدىك سەسسياسىندا «گەوگرافيالىق ورنالاسۋدىڭ ماڭىزى: ورتالىق ازيا تۋرالى اڭگىمە» تاقىرىبىندا ءسوز سويلەدى. اۋعانستان پرەزيدەنتى اشراف عاني دا پىكىرتالاسقا سپيكەر رەتىندە قاتىستى. ءىس-شاراعا امەريكالىق ديپلومات، حالىقارالىق بايلانىستار جونىندەگى كەڭەس پرەزيدەنتى ريچارد ناتان حااس مودەراتورلىق ەتتى.

ءىس-شارا قىزۋ پىكىرتالاس فورماتىندا ءوتتى. سپيكەرلەر مودەراتوردىڭ سۇراقتارىنا جاۋاپ بەرىپ، ورتالىق ازياداعى قاۋىپسىزدىكتى قامتاماسىز ەتۋ جونىندەگى ويلارىن ورتاعا سالدى.

مەملەكەت باسشىسى ءوڭىردىڭ الاتىن ورنى تۋرالى ايتا كەلە، ورتالىق ازيانىڭ جاھاندىق گەوساياساتتاعى ءرولى ارتا تۇسەتىنىن اتاپ ءوتتى.

قاسىم-جومارت توقاەۆ فورۋمعا قاتىسۋشىلارعا قازاقستاننىڭ سىرتقى ساياسي باسىمدىعى جانە ەلىمىزدىڭ رەسەيمەن، قىتايمەن، ەۋرووداقپەن، اقش-پەن، سونداي-اق، اۋعانستانمەن ءوزارا قارىم-قاتىناستارى تۋرالى اڭگىمەلەدى.

وڭىردەگى قاۋىپسىزدىكتى قامتاماسىز ەتۋ ماسەلەسى ارنايى تاقىرىپ رەتىندە تالقىلاندى. مەملەكەت باسشىسى ەسىرتكى تاسىمالىنا قارسى كۇرەس جونىندەگى شارالارعا، قازاقستاننىڭ تەرروريزمگە قارسى ءىس-قيمىلدارعا قوسقان ۇلەسىنە، «جۋسان»، «رۋسافا» وپەراتسيالارىنىڭ قورىتىندىلارىنا ەگجەي-تەگجەيلى توقتالدى.

سونىمەن قاتار قاسىم-جومارت توقاەۆ جيىنعا قاتىسۋشىلارعا ءوزىنىڭ پرەزيدەنتتىگىنىڭ باسىمدىقتارى، ەلىمىزدەگى ساياسي جانە ەكونوميكالىق رەفورمالاردىڭ نەگىزگى باعىتتارى تۋرالى ايتىپ بەردى. وسى رەتتە پرەزيدەنت ەكونوميكانى ءارتاراپتاندىرۋدىڭ، يننوۆاتسيالار مەن تسيفرلاندىرۋدى دامىتۋدىڭ اسا ماڭىزدى ەكەنىنە نازار اۋداردى.

سەسسيانىڭ سوڭىندا مەملەكەت باسشىسى جيىنعا قاتىسۋشىلاردىڭ سۇراقتارىنا جاۋاپ بەردى

Abai.kz