تىيىم سالىنعان فيلمدەردىڭ ىشىندە باستى رولدە ۋكراينا پرەزيدەنتى ۆلاديمير زەلەنسكي ويناعان "سەگىز جاڭا كەزدەسۋ" كارتيناسى دا بار. بۇل ورىس-ۋكراين تۋىندىسى. وندا ۋكراينا ۇلتتىق قاۋىپسىزدىك قىزمەتى ەلگە قاۋىپ توندىرەتىن ادامدار تىزىمىنە ەنگىزگەن رەسەيلىك اكتريسا ەكاتەرينا ۆارناۆا دا باس كەيىپكەرلەردىڭ بىرىندە ويناعان. ول اننەكسيالانعان قىرىمعا بارعانى ءۇشىن "قارا تىزىمگە" ەنگەن.
مۇنان بولەك اگەنتتىك امەريكالىق اكتەر ستيۆەن سيگال وينايتىن "ماچەتە" مەن جەرار دەپاردە باس ءرولدى سومداعان "تيمپەلباحتىڭ سوتقارى" فيلمىنە دە تىيىم سالعان.
2017 جىلى اتالعان كينو جونىندەگى اگەنتتىك ۋكراينا پرەزيدەنتى ۆلاديمير زەلەنسكي باستى رولدەردىڭ بىرىندە ويناعان "قۇدالار" فيلمىنە دە تىيىم سالعان. سەبەبى وندا ۋكراينا "قارا تىزىمىندە" تۇرعان اكتەر فەدور دوبرونراۆوۆ رولدەردىڭ ءبىرىن سومداعان.
Abai.kz
