جەكسەنبى, 29 ناۋرىز 2020
702 15 پىكىر 28 اقپان, 2020 ساعات 12:23

اقش مەملەكەتتىك دەپارتامەنتى: بەلسەندى اعادىلدىڭ ءولىمى مۇقيات زەرتتەلەدى دەپ ۇمىتتەنەمىز

اقش مەملەكەتتىك دەپارتامەنتى 25 اقپاندا نۇر-سۇلتانداعى تەرگەۋ يزولياتورىندا جۇمباق جاعدايدا كوز جۇمعان بەلسەندى دۋلات اعادىلدىڭ ولىمىنە "قاتتى الاڭداپ وتىرعانىن" مالىمدەدى.

ء"بىز [اعادىلدىڭ ءولىمى] تولىق ءارى مۇقيات زەرتتەلەدى دەپ ويلايمىز جانە پرەزيدەنت قاسىم-جومارت توقاەۆتىڭ ساياسي بوستاندىقتى كەڭىتۋ بويىنشا بەرگەن ۋادەسىن تولىق جۇزەگە اسىرۋعا شاقىرامىز" دەدى اقش مەملەكەتتىك حاتشىسىنىڭ وڭتۇستىك جانە ورتالىق ازيا ىستەرى بويىنشا كومەكشىسىنىڭ ورىنباسارى ەليس ۋەللس Twitter-دە.

اقش مەملەكەتتىك دەپارتامەنتىنىڭ وكىلى دۋلات اعادىلدىڭ وتباسى مەن تۋىستارىنا كوڭىل ايتتى.

نۇر-سۇلتان پوليتسيا دەپارتامەنتىنىڭ الدىن الا دەرەگى بويىنشا، بەلسەندى اعادىل «جۇرەك تالماسىنان» كوز جۇمعان. بەلسەندىلەر مەن اعادىلدىڭ تانىستارى ونىڭ جۇرەگى اۋىرماعانىن ايتادى. ولار وقيعاعا ىشكى ىستەر مينيسترلىگى مەن قازاقستان بيلىگىن كىنالادى.

اعادىلدىڭ قازاسىنان سوڭ نۇر-سۇلتاندا، الماتىدا، شىمكەنتتە، اقتوبەدە بەلسەندىلەر پوليتسيا دەپارتامەنتىنە جينالىپ، اعادىلدىڭ جۇرەك تالماسىنان قازا بولدى دەگەنگە كۇمان كەلتىردى. ولار بۇل جاعدايعا قازىرگى بيلىك جاۋاپتى دەپ، قاۋىپسىزدىك كەڭەسىنىڭ باسشىسى نۇرcۇلتان نازارباەۆتىڭ جانە سەنات سپيكەرى داريعا نازارباەۆانىڭ وتستاۆكاعا كەتۋىن جانە ۇكىمەتتىڭ تاراۋىن تالاپ ەتتى. ولار سونىمەن بىرگە ساياسي تۇتقىندار مەن جاقىندا ميتينگىگە بايلانىستى قامالعان بەلسەندىلەردى بوساتۋدى تالاپ ەتتى.

دۋلات اعادىل 2019 جىلى اقپاندا قازاقستان استاناسىندا ۋاقىتشا باسپانادا شىققان ءورت سالدارىنان الەۋمەتتىك جاعدايى تومەن وتباسىنىڭ كامەلەتكە تولماعان بەس بالاسى مەرت بولعان سوڭ قازاقستاننىڭ ءار ايماعىندا ۇكىمەتتەن الەۋمەتتىك قولداۋعا مۇقتاج جاندارعا جاردەم جاساۋدى تالاپ ەتكەن نارازىلىقتار كوبەيگەن تۇستا بەلسەندىلىگىمەن كوزگە تۇسكەن ەدى. ول بيلىكتەن ساياسي تۇتقىنداردى بوساتۋدى، ازاپتاۋدى توقتاتۋدى، ازاماتتاردىڭ بەيبىت شەرۋ وتكىزۋ بوستاندىعىن قامتاماسىز ەتۋدى جانە ءادىل سايلاۋدى تالاپ ەتىپ، نارازىلىق اكتسيالارىنا قاتىستى.

ەل وڭىرلەرىن ارالاپ، ءوزى قاتىسقان ءتۇرلى نارازىلىق شارالارىنان Facebook الەۋمەتتىك جەلىسى ارقىلى تىكەلەي ەفير جۇرگىزگەن دۋلات اعادىل بولعان جايتتى بۇرمالاماي ءارى جەدەل جەتكىزەتىن بەلسەندى بلوگەر رەتىندە دە تانىلدى دەيدى جاقتاستارى.

ول بىرنەشە رەت اكىمشىلىك جازاعا تارتىلىپ، 2019 جىلدىڭ تامىز ايىنان بەرى 60 كۇن اكىمشىلىك قاماۋدا بولعان. وعان "پوليتسيا قىزمەتكەرىنە باعىنبادى", "سوتقا قۇرمەتسىزدىك كورسەتتى", "زاڭسىز ميتينگىگە قاتىستى" دەگەن ايىپتار تاعىلدى. ول تاعىلعان ايىپتاردى جوققا شىعاردى.

تۇپنۇسقا: Azattyq.org

Abai.kz

15 پىكىر