سارسەنبى, 8 ءساۋىر 2020
COVID-19 قازاقستاندا. جۇقتىرعاندار — 704. جازىلعاندار — 51. قايتىس بولعاندار — 6
46 - ءسوز 2666 11 پىكىر 11 ناۋرىز, 2020 ساعات 11:09

«كوپ ۇلتتى قازاقستان» دەگەن ءسوزدى دوعارۋ كەرەك!

مەنەن بىرەۋ "ەلىمىزدە قاي ۇلتتىڭ ادامدارى (دياسپورا) قالسىن؟" - دەپ سۇراسا، "نەمىستەردىڭ قالعانىن ءجون كورەمىن" دەر ەدىم. نەگە؟ ويتكەنى، بۇل حالىق تارتىپكە باعىنادى. تازا. وتىرىك ايتپايدى. ەڭبەكقور. قازاقتى سىيلايدى. قازاقتىڭ ءتىلىن ۇيرەنىپ الادى، قازاقشا سويلەيدى. بىرەۋدى بىرەۋگە جاماندامايدى. ارتىق مىندەتى جوق.

ولارعا كەزىندە قازاق رەسپۋبليكاسىنىڭ ىشىنەن اۆتونوميا بەرمەك بوپ حرۋششەۆى بار، باسقاسى بار، تىراشتانعاندا سانالى تۇردە باس تارتتى. سەبەبى، قايدا تۇرىپ جاتقاندارىن، قايدان كەلگەندەرىن جاقسى بىلەدى. بالالارىنا دا ايتىپ وتىرادى.

ال ەندى قازاق جەرىن مەكەن قىلعان وزگە ۇلتتار شە؟ ۇلكەندەرى كەشە جىلاپ-سىقتاپ، ارىپ-اشىپ كەلگەندەرىن بىلەدى. سويلەتسەڭ "قازاققا راحمەت، ءوزى جارىماي وتىرىپ، جارتى نانىمەن ءبولىستى" دەپ سايراي جونەلەدى. بىراق سونى بالالارى بىلمەيدى. دەمەك، ۇلكەندەرى كەيىنگىلەرىنە قاي قۇداي، قانداي تاعدىر ايداپ قازاق جەرىنە كەلگەندەرىن ايتپاعان. ايتسا دا، جۇقالاپ، بەر جاعىنان قايتقان. نەمەسە "بۇل ەلدىڭ قوجاسى باسقا، سونىڭ ءتىلىن ءبىل، سوعان جاعىنىپ باق" دەگەندى قۇلاقتارىنا قۇيىپ وتىرعان.

وسى سارىن ءبىز تاۋەلسىزدىك العاندا دا جالعاستى. ولار "كوپ ۇلتتى قازاقستان" دەگەنگە سۇيەندى، سونىڭ پايداسىن كوردى. ەندى بۇل ءسوزدى دوعارۋ كەرەك!

"كوپ ۇلتتى قازاقستان" جوباسى راسىندا بىرنەشە دياسپورا باس قۇراپ وتىرعان ەلىمىزگە تىنىشتىق بەرمەيدى. ەلدىڭ ءبارى سەنى تۇسىنەتىن، جانى اشيتىن نەمىستەر ەمەس. وسىنى ويلاعانىمىز ابزال.

داۋرەن قۋاتتىڭ الەۋمەتتىك جەلىدەگى جازباسى

Abai.kz

11 پىكىر