قاراعاندى. 3 قازان. قازتاگ - قاراعاندى وبلىسىندا تكش-نى جاڭعىرتۋ باعدارلاماسى بويىنشا كوپ قاباتتى ۇيلەردى جوندەۋگە ت695 ملن-نان اسا قارجى ءبولىندى، دەپ حابارلايدى وبلىس اكىمدىگى.

«تۇرعىن ءۇي - كوممۋنالدىق شارۋاشىلىقتى جاڭعىرتۋ باعدارلاماسى شەڭبەرىندە وبلىس اكىمدىگى قۇرىلىس ىستەرى جونىندەگى اگەنتتىكپەن بىرلەسە وتىرىپ، كوپپاتەرلى تۇرعىن ۇيلەردى جوندەۋدى قارجىلاندىرۋ جۇمىسىن جۇرگىزدى. ءبىرىنشى مەحانيزم بويىنشا «سارىارقا» اكك جارعىلىق كاپيتالى ت180 ملن كولەمىندە ۇلعايتىلدى. وسى قاراجاتقا قاراعاندى، تەمىرتاۋ، ساران جانە ساتپاەۆ قالالارىندا 8 ۇيدە جوندەۋ جۇمىستارى باستالدى. ەكىنشى مەحانيزم بويىنشا 52 ءۇي جوندەلەتىن بولادى. وسى ماقساتقا سايكەس «گوركومحوز» كمك جارعىلىق كاپيتالىن ت515,6 ملن ۇلعايتۋ كوزدەلگەن. جوندەۋ جۇمىستارى 32 ۇيدە باستالدى»، - دەلىنگەن وبلىس اكىمىنىڭ ءباسپاسوز قىزمەتى دۇيسەنبى كۇنى تاراتقان اقپاراتتا.

ايماق باسشىسى ءباسپاسوز قىزمەتىنىڭ مالىمەتىنشە، قۋات ۇنەمدەۋدىڭ كەشەندى جوسپارى مەن تكش جاڭعىرتۋ باعدارلاماسىن جۇزەگە اسىرۋ بارىسى وبلىس اكىمى سەرىك احمەتوۆ توراعالىعىمەن وتكەن سەلەكتورلىق كەڭەستە تالقىلاندى.

قاراعاندى. 3 قازان. قازتاگ - قاراعاندى وبلىسىندا تكش-نى جاڭعىرتۋ باعدارلاماسى بويىنشا كوپ قاباتتى ۇيلەردى جوندەۋگە ت695 ملن-نان اسا قارجى ءبولىندى، دەپ حابارلايدى وبلىس اكىمدىگى.

«تۇرعىن ءۇي - كوممۋنالدىق شارۋاشىلىقتى جاڭعىرتۋ باعدارلاماسى شەڭبەرىندە وبلىس اكىمدىگى قۇرىلىس ىستەرى جونىندەگى اگەنتتىكپەن بىرلەسە وتىرىپ، كوپپاتەرلى تۇرعىن ۇيلەردى جوندەۋدى قارجىلاندىرۋ جۇمىسىن جۇرگىزدى. ءبىرىنشى مەحانيزم بويىنشا «سارىارقا» اكك جارعىلىق كاپيتالى ت180 ملن كولەمىندە ۇلعايتىلدى. وسى قاراجاتقا قاراعاندى، تەمىرتاۋ، ساران جانە ساتپاەۆ قالالارىندا 8 ۇيدە جوندەۋ جۇمىستارى باستالدى. ەكىنشى مەحانيزم بويىنشا 52 ءۇي جوندەلەتىن بولادى. وسى ماقساتقا سايكەس «گوركومحوز» كمك جارعىلىق كاپيتالىن ت515,6 ملن ۇلعايتۋ كوزدەلگەن. جوندەۋ جۇمىستارى 32 ۇيدە باستالدى»، - دەلىنگەن وبلىس اكىمىنىڭ ءباسپاسوز قىزمەتى دۇيسەنبى كۇنى تاراتقان اقپاراتتا.

ايماق باسشىسى ءباسپاسوز قىزمەتىنىڭ مالىمەتىنشە، قۋات ۇنەمدەۋدىڭ كەشەندى جوسپارى مەن تكش جاڭعىرتۋ باعدارلاماسىن جۇزەگە اسىرۋ بارىسى وبلىس اكىمى سەرىك احمەتوۆ توراعالىعىمەن وتكەن سەلەكتورلىق كەڭەستە تالقىلاندى.

بيۋدجەتتىك سالا نىساندارىندا ەنەرگيا ۇنەمدەۋشى شامدار، ەلەكتر جانە جىلۋ، سۋىق سۋ كولەمىن ەسەپتەۋىش قۇرالداردى، پلاستيك شىنى پاكەتتەرىن، اۆتوماتتاندىرىلعان جىلۋ پۋنكتتەرىن ورناتۋ جۇمىستارى قولعا الىندى. قالالار مەن اۋدانداردا كوشە شامدارى ەنەرگياۇنەمدەۋشى شامدارعا اۋىستىرىلا باستادى.

كەڭەستە الداعى قىسقا دايىندىق ماسەلەسى مەن جىلىتۋ ماۋسىمىنىڭ مىندەتتەرى دە تالقىلاندى.

«بۇگىنگى كۇنگە وبلىستىڭ جىلۋەلەكتر ستانتسيالارىندا 30 قازاندىق پەن 17 تۋربينادا جوندەۋ جۇمىستارى اياقتالدى. سونىمەن قوسا 10 قازاندىق پەن 2 تۋربيناداعى جوندەۋلەر اياقتالۋعا جاقىن. جالپى العاندا جوندەۋ جۇمىستارى كەستەگە سايكەس جۇرگىزىلىپ جاتقانىمەن «قازاقمىس» كورپوراتسياسىنا قاراستى جەزقازعان جەو-دا №5 قازاندىق پەن №7 تۋربينادا ارتتا قالۋشىلىق بايقالادى.  وبلىس بويىنشا جالپى 65 لوكالدى قازاندىق پەن 180 جاج، جىلۋ جەلىسىنىڭ 146,5 كم، سۋ مەن كارىز جەلىسىنىڭ 156 كم، ەلەكتر جەلىسىنىڭ 2 مىڭ 580 كم جانە 555 پودستانتسيا جوندەۋدەن وتكىزىلدى»، - دەلىنگەن اقپاراتتا.

كەڭەستە «قازاقمىس» كورپوراتسياسىنا قاراستى جەزقازعان جەو-دا №5 قازاندىق پەن №7 تۋربينادا كەستەدەن كەشىگۋ بايقالىپ وتىرعانى ايتىلدى. پريوزەرسك قالاسىنداعى، اقتوعاي اۋدانىنىڭ شاشۋباي مەن سارىشاعان كەنتتەرىندەگى قازاندىقتار مەن ينجەنەرلىك جەلىلەردى جوندەۋ جۇمىستارى تولىق كولەمدە اياقتالدى.

«تەمىرتاۋ ەنەرگيا تورابىن تۇراقتى تۇردە ەنەرگيامەن قامتاماسىز ەتۋ ماقساتىندا 47 نەگىزگى ءىس-شارالار اتقارىلدى. «نيكولسك - جەزقازعان جەو»110 كۆ جوعارى كەرنەۋلى جەلىسىن قالپىنا كەلتىرۋ ماسەلەسى دە وڭ شەشىمىن تاپتى. «قازاقمىس» كورپوراتسياسى جوبانى ازىرلەۋگە 40 ملن.تەڭگە جانە ءترانزيتتى قالپىنا كەلتىرۋگە 450 ملن.تەڭگە ءبولدى»، - دەلىنگەن وبلىس اكىمدىگىنىڭ اقپاراتىندا.

بيلىكتىڭ مالىمەتىنشە، قازاندىقتارمەن جىلىتىلاتىن بيۋدجەتتىك ءۇيىمداردىڭ كومىردىڭ ءنورماتيۆتى قورى تولىعىمەن قامتاماسىز ەتىلدى.

«وبلىس بويىنشا ەسەپتى كۇنگە كوپقاباتتى 6448 تۇرعىن ءۇي دايىندىقتان وتكىزىلدى. قاراعاندىدا 22 ءۇي، تەمىرتاۋدا 16 ءۇي دايىندىق اكتىلەرىن العان جوق»، - دەلىنگەن اقپاراتتا.

ايماقتاعى الەۋمەتتىك-مادەني نىسانداردىڭ ءبارى قىسقا دايىن، دەپ حابارلايدى اكىمدىك.